O Pabillón de deportes de Vilanova acolle este venres 8 e o sábado 9 un Mercado de Nadal de artesanía e moda acompañado da recollida de alimentos para Cáritas.

A actividade, que se realizará de 11 a 21 horas, tamén incluirá obradoiros para pequenos e maiores.

Así o explicaba a organizadora da iniciativa, Dori Fernández, xunto coa representante de Cáritas, no acto de presentación, acompañadas do alcalde Gonzalo Durán.

O presidente do ente público Portos de Galicia, José Juan Durán Hermida, manifestou a súa satisfacción pola aprobación no Parlamento galego da primeira Lei de Portos da Comunidade Autónoma que xurde “do diáologo e do consenso cos distintos colectivos e actores sociais que interviron durante moito tempo na súa redacción”.

José Juan Durán indicou que o novo texto legal que entrará en vigor en breve permitirá dotar de maiores garantías aos investidores privados nas dársenas de titularidade autonómica e fará que Galicia teña maiores posibilidades de rendabilizar este tipo de infraestruturas.

As Xornadas de Espumosos regresan a Cambados, que este ano pechan a programación da Cidade Europea do Viño.

Seis adegas participarán na iniciativa que se desenvolverá o 17 de decembro ás 11 da mañá no Salón Peña. Serán Señorío de Rubiós, Martín Codax, Mar de Frades, Eidosela, Pablo Padín e As Laxas.

En total presentaranse 11 espumosos da D.O Rías Baixas, que están incrementando as vendas e o seu nivel de calidade e producción.

Nesta ocasión, estarán maridados con queixos de Cobideza e mermeladas de albariño de La Mariquita de Azúcar.

Os que desexen acudir a estas catas, que serán gratuitas, deben inscribirse na Oficina de Turismo de Cambados ata cubrir as 80 prazas existentes.

Os detalles explicábannos esta mañá o Concelleiro de Enoturismo, José Ramón Abal, o presidente do Consello Regulador da D.O Rías Baixas, Juan Gil de Araujo, e os representantes das adegas participantes

A corporación municipal de Cambados celebra esta noite o pleno correspondente o mes de novembro, aplazado pola ausencia de dous concelleiros do equipo de goberno.

Un dos ausentes a pasada semana era o edil de Cambados Pode, José Ramón Abal, que se encontraba de viaxe en Bruxelas e que anunciaba esta mañá que sí acudirá á sesión plenaria de hoxe.

Abal non asistiu á reunión da comisión de seguimento do pacto de goberno do pasado venres e segue sen aclarar cal será a súa postura despois do chamamento ao diálogo realizado polos seus socios.

De momento, o único que avanzou é que no pleno de hoxe pedirá o cambio de sitio no escano e que estará toda esta semana fora do Concello debido a unha nova viaxe promocional de Cambados.

Así o decía José Ramón Abal nunha conversa cos medios

Pola súa banda, os tres grupos de goberno restantes, PSOE, BNG e SOMOS, emitían un comunicado conxunto ao remate da reunión da comisión de seguimento.

As tres forzas aseguraban que “seguirán traballando coa firme vontade de manter a unidade de goberno ata o remate do mandato municipal” e sinalaban que “nestas dúas xuntanzas se produciron avances significativos na diagnose da situación municipal e das melloras a implementar”.

Asimesmo, resaltaban que “o pacto de goberno segue vixente na súa redacción inicial, manifestando o decidido compromiso de seguir traballando no seu cumprimento”.

Por último, facían un chamamento a Cambados Pode

“a sentarse a retomar o diálogo pola continuidade do goberno municipal na súa actual configuración”.

Vilagarcía crea un Festival Internacional de Música Clásica, que se desenvolverá do 29 de xuño ao 8 de xullo.

Baixo a denominación de "ClasClás" celebraranse dez concertos gratutitos en diferentes lugares emblemáticos do municipio.

Pero ademáis, o festival tamén ten unha vertente de formación e pedagóxica co fin de promover a carreira musical de xóvenes talentos.

Así o explicaban esta mañá a directora do festival, Rosina Sobrido e o director artístico, Pablo Vidal, no acto de presentación

A anunciada subida das peaxes da AP 9 é “un atraco a man armada” segundo entende o grupo parlamentario do BNG.

Unha vía de comunicación que "afecta a numerosos cidadáns do Salnés, empregados, autónomos ou transportistas, que a teñen que usar diariamente para desenvolver o seu traballo".

Por eso, o BNG presentará mocións en todos os concellos da comarca que se abordarán nos vindeiros plenos de decembro.

O BNG exixe á Xunta de Galicia que " deixe de mirar para outro lado" e demande a "supresión das peaxes, así como a transferecia da AP-9 á administración galega".

Así o explicaban a deputada nacionalista Montse Prado e o responsable do BNG no Salnés e tenente de alcalde de Cambados, Victor Caamaño

Tras moitos trámites e negociacións coa Consellería de Industria, o Concello de Vilanova conseguiu que a Sociedade Solo Empresarial do Atlántico conceda importantes ventaxas para o polígono de Baión.

Concretamente, un total de 9 parcelas (5 industriais e 4 comerciais) póñense en réxime de aluguer nun prazo máximo de 30 anos con dereito a compra nos primeiros 10 anos.

O prezo é duns 130 euros mes por 1.000 metros cadrados e o tamaño das parcelas industriais é dunha media de 4000.

En todo caso, trátase das mellores condicións que existen nestes momentos en Galicia, segundo explicaba esta mañá o alcalde Gonzalo Durán.

Combarro volve ser esta tarde escenario de grabación do programa “Luce tu Pueblo” pero agora como finalista do concurso que elixe ao pobo máis bonito de España.

A vila mariñeira de Poio compite co pobo cacereño de Guadalupe . Os marcadores da votación volven estar a cero e iníciase un novo período para elixir a Combarro como o pobo máis bonito de España na web de Ferrero Rocher

https://www.ferrerorocher.es/Vota-a-tu-pueblo.

A votación permaecerá aberta ata o día 10 de decembro e será o día 16 cando se coñeza o resultado nun programa en directo no prime time de Telecinco dende o pobo gañador, onde se procederá ao prendido dun especial alumeado de Nadal

O Concello de Poio amosa a súa “satisfacción e orgullo coa clasificación de Combarro” e agradece “a toda a xente que dedicou uns minutos do seu tempo a votar polo noso pobo, xa que sen eles este recoñecemento non sería posible”.

Asimesmo quere convidar á cidadanía a que se achegue esta tarde-noite a Combarro para animar a grabación do progama.

De todo elo falamos en AROUSA PONTEVEDRA DIA A DIA con Marga Caldas, Concelleira de Educación de Poio.

Cambados comeza hoxe as III Xornadas de Exaltación da Zamburiña con diferentes propostas elaboradas por dez locais de hostelería que se poderán degustar ata o vindeiro martes 5 de decembro.

O bivalvo pode tomarse en ensalada, brocheta, revolto, nido, ravioli ou ao tradicional á plancha cun prezo de 6 euros á ración e 12 euros se vai acompañada dunha botella de albariño.

Os clientes que participen nas Xornadas poden tamén votar polas tres mellores propostas e entrar nun sorteo de tres vales compra, un de 100 euros e dous de 50 euros, consumibles nos comercios asociados a Zona Centro.

O sorteo realizarase o 11 de decembro nas oficinas da Asociación de Comerciantes.

Os detalles explicábanos na presentación da iniciativa, no Restaurante Casa de Miguel, o concelleiro de Promoción Económica, Xurxo Charlín, acompañado da alcaldesa, Fátima Abal, o tenente de alcalde, Victor Caamaño o Presidente da Asociación de comerciantes Zona Centro, Juan Rey e o Deputado Provincial de Promoción Económica Javier Dios.

As obras de mellora que se están a realizar no centro de saúde de Vilanova están a piques de rematar.

A actuación lévase a cabo a través dun convenio de colaboración asinado entre o Concello e o Sergas por importe de case 30.000 euros financiados a partes iguais entre ambas administracións.

As obras consisten no pintado e posta a punto das instalacións e segundo o alcalde Gonzalo Durán estarán rematadas antes de Nadal.