O Tribunal Superior de Xustiza de Galicia ordena a Facenda devolver o diñeiro cobrado no seu día a catro emigrantes retornados que pertencen á Plataforma de O Salnés.

Novas sentencias que se suman as tres anteriores e que para o colectivo supoñen unha gran victoria, tras catro anos de loita reivindicativa.

Así o explicaba Xosé Lois Leirós, portavoz da Plataforma nunha nova concentración celebrada esta mañá ás portas da sede da Axencia Tributaria de Vilagarcía.

Cáritas Interparroquial de Vilagarcía pon en marcha unha campaña de visibilización das persoas sen fogar realzando o traballo que se realiza dende a Casa San Cibrán, en Sobradelo.

Actualmente conviven neste centro 6 usuarios e hai disponibilidade para 12 personas e unha familia.

Gran parte deles participan no proxecto Siembra que pretende que sexan capaces de facer unha vida autónoma, recuperando os hábitos perdidos.

Para facelo visible cara a sociedade, a dirección de San Cibrán abre as portas da Casa á poboación con visitas de colexios, cafés solidarios e unha exposición fotográfica realizada polos usuarios do centro.

Ademáis, este xoves 23 instalarán unha carpa informativa na Praza de Galicia de Vilagarcía, ás 12 horas, onde se leerá un manifesto.

Os detalles desta iniciativa explicábanos esta mañá a educadora social de San Cibrán, Mila Hermida, e técnica do proxecto Siembra María Castaño.

Un concerto de rock solidario co Refuxio de Animais de Cambados é a nova actividade organizada dentro do programa da Cidade Europea do Viño.

O espectáculo será o domingo 2 de decembro ás 20 horas no Salón Peña coas actuacións de Gatillazo, Mamá Ladilla, Konflikto, Bergallazo e Innoppiah.

A entrada serán 10 euros, con fila 0 de 5 euros, e a recadación irá destinada a financiar as necesidades da protectora cambadesa.

Tanto o Concello como o Refuxio agardan que a iniciativa sexa un éxito para que se poida reeditar o vindeiro ano.

Así o explicaban o Concelleiro de Enoturismo, José Ramón Abal, e a representante da Protectora, Mónica Miguélez, que destacaba o nivel dos grupos para un perfil de público específico.

O PP pedirá presentará unha moción ante a corporación de Vilagarcía co fin de que o pleno secunde a propuesta da Xunta de Galicia para que as Illas Atlánticas sexan consideradas Patrimonio da Humanidade.

Unha iniciativa que ampara a todas as illas que forman parte do Parque Nacional e non só ás illas Cies como plantexa a proposta de Vigo.

Así o explicaba esta fin de semana o portavoz do PP provincial, Ángel Moldes, nunha comparecencia acompañado polos deputados provinciais Luis Aragunde e Salomé Peña, e polos representeantes do PP de Vilagarcía Alfonso Gallego e Elena Suárez.

O Concello de Vilanova seguirá adiante co proxecto do Centro de Talasoterapia, a piscina municipal con auga de mar, con ou sen axuda da Deputación.

O alcalde Gonzalo Durán anunciou esta mañá que o goberno local xa reservou para este actuación unha partida dos orzamentos municipais para o ano que ven.

Ademáis, o rexedor afirmou que o proxecto, que pretendía incluir dentro dos proxectos singulares subvencionados pola Deputación, entregouse en prazo e asegurou que de persistir na súa negativa o Concello levará o asunto ao xulgado.

O programa contra a violencia de xénero do CIM do Salnés, que abrangue os concellos de Cambados, Meis e Ribadumia, desenvolverase este ano durante novembro e decembro con especial fincapé na prevención dende a mocidade e as edades de infantil.

Deste xeito, a programación inclue a proxección de curtas e monólogos nos institutos e sesións de contacontos contra os estereotipos de xénero nos centros de infantil.

Todo elo baixo o lema “Stop á primeira sinal”.

A maiores, realizarase a lectura do manifesto mancomunado contra a violencia de xénero o 24 de novembro ás 12 horas nos Concellos correspondentes .

Asimesmo, reeditaranse as actividades do Simposio Itinerante Móstrate Salnés, que xa vai na VI edición, e que este ano se celebrará en Ribadumia, e realizarase o II Fast Dates, que son reunións rápidas entre mulleres para a busca de traballo, desta volta en Meis.

Outra novidade deste ano será un encontro de asociacións de mulleres a nivel comarcal, nacional e internacional para mostrar os beneficios do asociacionismo entre mulleres, que terá lugar en Cambados.

Nolo contaban a técnica e a directora do CIM, xunto coa alcaldesa de Cambados, na presentación do programa.

Portos de Galicia realiza entre hoxe e mañá a mellora da seguridade viaria no peirao de Tragove de Cambados mediante a repavimentación dos viais interiores, cun investimento de 24.000 euros.

Esta actuación pretende eliminar as deficiencias que presentaba o firme, moi deteriorado pola actividade diaria neste peirao, especialmente nas zonas de xiro e manobras.

En concreto, os traballos consisten no estendido dun rego de adherencia e unha capa de 5 centímetros de mestura bituminosa en quente. En total a superficie que se reconstruirá será de 2.300 metros cadrados e a actuación incluirá o repintado da sinalización horizontal preexistente.

Así o explicaba durante a supervisión dos traballos o presidente de Portos de Galicia, José Juan Durán, que tamén se referiu á ampliación de novos pantaláns no porto de Meloxo en O Grove.

O grupo parlamentario do BNG presentará enmendas aos Orzamentos que a Xunta destinará ao Salnés en 2018 por un importe total de 17 millons de euros.

A formación nacionalista reclama partidas específicas para o sector do mar, sanidade, ou ensino que, segundo entende o BNG, son viables redistribuindo os recursos.

Así o explicaba a deputada nacionalista Montse Prado na rolda de prensa de presentación das enmendas.

Vilagarcía vestirase de negro para conmemorar o Día contra a violencia de xénero.

Ademáis este ano arredor de 1.700 nenos e nenas dos centros educativos do municipio participarán nunha andaina que se realizará o día 24 pola mañá nun percorrido polas rúas da cidade.

Os detalles explicábaos esta mañá a Concelleira de Igualdade, Tania García na presentación da iniciativa acompañada de representantes dos colectivos que colaboran na campaña: o Consello Local da Muller, Zona Aberta, Ahituvi, Asociación de Vendedores da Praza de Abastos e Asociación de Vendedoras de Verdura, ademais dos centros educativos do municipio.

Vilanova conmemorou esta mañá o Día Mundial contra os accidentes de Tráfico nun acto no que se puso de manifesto a necesidade de educar nas edades máis tempranas para conseguir as víctimas cero.

Así o afirmaban o axente da Policía Local de Vilanova, Luis Maquieira, a presidenta de Stop Accidentes, Jan Picard, e Helena Rodríguez da DXT.