Concellos e asociacións preparan xa os actos do Día contra a Violencia Machista, que como cada ano se celebrará o 25 de Novembro.

En Sanxenxo, a programación do 25 N exténdese ao longo do mes con diversos actos que comezan hoxe cunha campaña de sensibilización entre os comercios asociados de Entretendas.

As actividades institucionais máis destacadas serán o día 27 de Novembro, cunha charla coloquio na Sala Nauta, ás 17 horas, sobre “Prevención da Violencia de Xénero no ámbito veciñal”, a cargo da Secretaria Xeral de Igualdade da Xunta, Susana López Abella.

Ao seu remate terá lugar un acto reivindicativo polas víctimas da violencia machista que consistirá na escenografía dun lazo humano e un photo call promovido pola Escola de Arte, así como unha exposición fotográfica.

Os detalles contabaos esta mañá a Concelleira de Servizos Sociais, Silvia Freire, acompañada de representantes dos colectivos participantes, na presentación da iniciativa que recollemos en AROUSA PONTEVEDRA DIA A DIA.

O xefe territorial de Infraestruturas en Pontevedra, José Luis Díez, comprobou esta mañá, xunto ao alcalde de Sanxenxo, Telmo Martín, a instalación dun novo paso peonil con semáforo na PO-308 ao seu paso pola Lanzada.

O orzamento total desta obra rolda os 60.000 euros e quedará rematada no prazo dun mes.

Para garantir a seguridade viaria dos usuarios do paso a nivel prolongarase a isleta física existente para que os vehículos reduzan a velocidade neste tramo, que quedará fixada a 30 quilómetros por hora, instalándose así sinais de limitación.

Tamén se colocarán redutores da velocidade que poderán ser retirados en inverno cando non hai acceso á praia, de xeito que se interfira menos no tráfico. Finalmente, se instalarán dous semáforos, un por cada sentido, con pulsador de peóns e iluminación do paso mediante unha luminaria interactiva.

A actuación da resposta á demanda do concello de Sanxenxo así como dos veciños da zona para mellorar a seguridade viaria neste punto da estrada situado nas Salinas.

O novo paso de peóns da servizo aos núcleos de A Revolta, Fonte de Ons y Tombelo, todos eles na parroquia de Noalla, que, grazas a esta nova infraestrutura poderán contar cun acceso peonil directo á praia da Lanzada.

“Aínda que se varexaron varias posibilidades coma un paso subterráneo ou un paso elevado, a elección final debeuse a razóns técnicas, funcionais, ambientais e económicas”, matizou José Luis Díez. “Decidiuse finalmente que a opción máis axeitada sería a instalación dun paso a nivel con regulación mediante semáforos de pulsador”.

O presidente de Portos de Galicia, José Juan Durán, asiste os días 9, 10 e 11 de novembro en Rennes ao lanzamento do “Proxecto Capitén”, unha iniciativa europea liderada por España, Portugal, Francia, Irlanda e Reino Unido, para potencia-lo cluster do sector náutico.

Nunha entrevista para SI RADIO DE GALICIA, José Juan Durán salientou a importancia deste proxecto que prevé unha facturación conxunta no seu desenvolvemento duns 10.000 millóns de euros e a creación duns 10.000 postos de traballo.

O Proxecto Capitén afrontará o desafí común de convertir á costa do eixo Atlántico nun destino recoñecido pola súa excelencia no sector náutico.

A Asociación de Comerciantes Zona Centro de Cambados, en colaboración co Concello, ten xa todo preparado para a celebración do seu terceiro Desfile de Outono.

Será o día 19 de novembro ás 18 horas no Salón Peña coa participación de 21 comercios asociados.

Máis de 60 modelos presentarán en pasarela as últimas tendencias en moda, perruquería, roupa deportiva, lencería, calzado ou complementos.

Ademáis, este ano tamén estará presente unha óptica e haberá un taller para nenos con TDAH.

Os detalles nolos contaba o Presidente de Zona Centro, Juan Rey, acompañado do concelleiro de Promoción Económica, Xurxo Charlín, e o organizador do Desfile, nunha rolda de prensa que recollemos en AROUSA PONTEVEDRA DIA A DIA.

Cento cincuenta persoas integrarán a plantilla de Alcampo Vilagarcía que abre as súas portas ao público o vindeiro martes.

Tras unha inversión de 7,5 millóns de euros, a dirección da multinacional comeza a súa andaina en Arousa cunha clara vocación local.

De tal xeito que Alcampo Vilagarcía suscribiu acordos de abastecemento con con lonxas e empresas de productos hortifrutícolas da comarca.

Así o explicaba a directora do centro de As Carolinas, Isabel Villaescusa, na presentación celebrada esta mañá, que recollemos en AROUSA PONTEVEDRA DIA A DIA.

Vilanova proxecta a construcción dun Centro de Talasoterapia no entorno de O Terrón nun espazo de 4.000 metros cadrados e cunha construcción dividida entre sotano e 2 plantas.

O proxecto ten un orzamento de 2,3 millóns de euros, que o Concello pretende financiar a través de fondos provinciais, e será o primeiro da comarca en dispoñer de auga de mar.

Cambiase así o concepto de piscina do século XX polo de benestar do século XXI, segundo decía esta mañá o alcalde, Gonzalo Durán, na presentación do proxecto, que recollemos en AROUSA PONTEVEDRA DIA A DIA.

Asimesmo, o rexedor aproveitou a ocasión para acusar á presidenta da Deputación de mentir sobre os fondos provinciais destinados ao municipio.

O rexedor volve a esgrimir a retirada do proxecto de mellora da estrada de Baión e matiza que nas cifras aportadas por Carmela Silva se inclue fondos do Plan Provincial que otorga o Estado, ainda que xestione a Deputación.

Veciños de Vilaxoan reclaman ao Sergas a sustitución da facultativa titular da consulta local, ubicada na Confraría de Pescadores, e a mellora das instalacións,.

Argumentan os veciños que “ante baixa médica da titular ,desde hai uns días están sendo derivados ao centro de saúde de Vilagarcía e só unha enfermeira e de cando en vez un médico están a facer labores asistenciais básicas”.

Os veciños de Vilaxoán concentráronse esta mañá ante as dependencias médicas, acompañados de representantes da Plataforma en Defensa da Sanidade Pública de O Salnés.

A asociación veciñal inicia así unha campaña de protestas en demanda da presencia permanente dun médico de atención primaria.

Os afectados síntense agraviados pola situación tendo en conta ademáis, que a maior parte de usuarios son persoas de avanzada idade e moitos con deficiencias de mobilidade.

Así o explicaban o portavoz veciñal, Xoan Mariño, e a portavoz da Plataforma pola Sanidade Pública, Rosa Casal, durante a concentración que recollemos en AROUSA PONTEVEDRA DIA A DIA.

Ante o rexeitamento veciñal á instalación dunha antena de telefonía móbil en Os Caeiros o propietario da parcela onde se ía colocar a estructura decidiu rescindir o contrato de aluguer coa compañía.

O dono da parcela optou por facelo de forma unilateral, xa que a empresa non quiso anular o contrato de mutuo acordo. Agora, falta por saber qué medidas vai a adoptar a compañía.

De momento, os veciños están máis tranquilos e satisfeitos co apoio social e municipal que están recibindo e que se reflexan nas máis de 1.500 sinaturas recollidas en contra da instalación da antena.

Trala concentración celebrada esta pasada tarde ante o Concello, coa presencia dos representantes do goberno local, todo queda agora pendente dunha reunión prevista para o próximo mércores ás 12 do mediodía, nun encontro entre o Concello e a empresa ao que están convidados os veciños.

De principio, a alcaldesa Fátima Abal reitera que a prioridade do Concello é que non se ubique ningunha antena nas cercanías de casas ou colexios.

De todo elo falabamos en AROUSA PONTEVEDRA DIA A DIA coa portavoz dos veciños afectados, Pilar Jueguen.

A Concellería de Cultura de Vilagarcía inicia un novo proxecto de formación gratuito para 50 mozos e adultos empadroados na localidade.

Concretamente son tres accións formativas de “Creación de Curtametraxes”, impartido por Luis M. Rosales, presidente da Asociación Curtas, “Iniciación á Fotografía Dixital”, que ensinará José Luiz Oubiña, foto-xornalista, e “Taller de Modelado en Arcilla”, ofrecido polo artista Juan Carlos Platis.

Os prazos de inscripción ábrense mañá día 9 de novembro no Rexistro do Concello.

Os detalles explicábaos esta mañá a Concelleira de Xuventude e Cultura, Sonia Outón, acompañada dos responsables dos diferentes cursos, na presentación da iniciativa que recollemos en AROUSA PONTEVEDRA DIA A DIA.

Un grupo de traballadores de Telefónica da provincia de Pontevedra concentráronse esta mañá fronte as instalacións da empresa en Vilagarcía en protesta polas súas condicións laborais.

Denuncian a precarización dos seus empregos e demandan que a firma deixe de externalizar os servizos.

Así nolo explicaba para AROUSA PONTEVEDRA DIA A DIA o delegado provincial da CIG, Balbino González Piñeiro.