A división da Comunidade de Montes de San Miguel de Deiro pola cesión de terreos para a instalación dun camping privado chega aos xulgados.

O vicepresidente da Asociación Amigos da Música presentou unha denuncia por calumnias trala aparición de folletos pola vila onde se critica ao colectivo por ser contrarios á proposta.

Así o explicaban esta mañá o vicepresidente e o presidente da asociación, Francisco Charlín e José Luis Tomás, respectivamente.

O auditorio de Vilagarcía acolle este domingo 19 de novembro un novo Concerto en beneficio de Cáritas organizado pola asociación O Noso Lar e a productora Dibay.

O espectáculo comezará as 20 horas coa actuación do grupo 7 Setenta que presentará novos temas e contará coa colaboración da cantante Valeria Palacios e do acordeonista Luis María.

O custe da entrada é de 3€ que se destinarán ás persoas sen fogar.

Actualmente, en Vilagarcía mais de 20 persoas non teñen fogar, moitos viven en inmobles abandonados e 5 personas sobreviven na rúa.

Así o explicaba o Presidente de Cáritas Interparroquial Arousa, Paco Fernández, na presentación do concerto, acompañado da presidenta de O Noso Lar, Ana Cores e integrantes de 7Setenta.

Todos aqueles que teñan dúbidas sobre a súa factura eléctrica ou queiran saber as claves para aforrar nos consumos e coñecer cómo optar ao novo Bono Social teñen unha importante cita de asesoramento.

Será o vindeiro xoves 23 en Exposalnés ás 20.30 horas.

Un encontro no que se abordarán temas como os que a cotío chegan á oficina de consumo de Cambados, tal como explicaban esta mañá o concelleiro de Economía e Facenda, Xurxo Charlín, o traballador municipal encargado da OMIC, e a técnica de Consumo Ana Cores.

Insuficientes e inxustos son para o grupo parlamentario En Marea os orzamentos que a Xunta destinará en 2018 á comarca do Salnés.

Así se valorou no encontro mantido esta mañá en Cambados entre os deputados de En Marea na Cámara galegan Marcos Cal e Paula Quinteiro e concelleiros do espazo da formación na comarca.

Segundo o deputado Marcos Cal, os orzamentos da Xunta non inclue ningunha partida específica para as cuestións importantes do Salnés, como o saneamento da ría ou rexeneración dos bancos marisqueiros, centros educativos, de saúde ou de día.

No encontro estiveron presentes o Tenente de Alcalde e o Concelleiro de Cambados, Tino Cordal e Xurxo Charlín o Tenente de Alcalde de Ribadumia, Enrique Oubiña, e a Concelleira de Vilanova de Arousa Elena Cores, xunto con membros do espazo En Marea do resto da comarca.

O PP de Ribadumia defende o proxecto das Pousadas do Salnés e exixe ao Concello e á Deputación que axilicen os trámites para a posta en funcionamento definitiva do complexo hosteleiro.

O concelleiro popular Luis Serantes respondeu esta mañá ás críticas verquidas nos últimos días pola Presidenta da Deputación, Carmela Silva, nas que calificaba de “escandaloso” un plan cheo de irregularidades que, segundo entende, “compite coa hostelería privada”.

Non o entende así Luis Serantes que defende o proxecto como unha actuación para o desenvolvemento turístico da comarca.

O PP de Ribadumia nega as acusacións realizadas polo Concello sobre o convenio asinado co arcebispado en 2010.

O goberno local aseguraba estes días que debido a xestión do anterior equipo de goberno, agora o Concello deberá indemnizar ao Arzobispado de Santiago con arrededor de 50.000 euros por incumprir o acordo.

A través do documento, a administración municipal compremetíase coa Igrexa a cederlle una parcela de 2.000 metros cadrados en A Carballeira para construir un templo e a vivienda del párroco.

Sen embargo esta cesión nunca se materializou porque o Concello non chegou a ser propietario dos terreos.

A concelleira popular Salomé Peña, alcaldesa naquel momento, nega que haxa que indemnizar a ninguen: ou se ceden terreos municipais ou se abona o prezo da parcela do tanatorio.

Ademáis, Peña pregunta ao Concello qué xestión fixo o actual goberno para renovar o convenio unha vez vencido o prazo do mesmo.

Así o explicaba esta mañá nunha comparecencia ante os medios que recollemos en AROUSA PONTEVEDRA DIA A DIA.

Satisfacción entre os veciños de Os Caeiros e o Concello de Cambados porque finalmente a instalación dunha antena de telefonía móbil de Orange non se levará a cabo.

A alcaldesa, Fátima Abal, e unha representación do colectivo veciñal reunironse esta mañá co responsable da compañía que lles trasladou que paraliza o proxecto de instalación de antenas en Cambados ata ben avanzado o próximo ano.

A solución consensuada entre Concello e Orange inclue a elaboración dun estudo por parte da empresa de posibles ubicacións que non estean próximas á vivendas.

Os veciños consideran que a separación con respecto ás casas debería ser de un km ainda que é unha distancia que tanto a alcaldesa como a empresa ven pouco viable dada a dispersión da poboación no municipio.

Así o valoraban a alcaldesa, Fátima Abal, e a portavoz veciñal, Pilar Jueguen, á saída da reunión coa compañía, que recollemos en AROUSA PONTEVEDRA DIA A DIA.

Uns 850 escolares do Salnés participarán este venres en Baltar no Cross Escolar Sanxenxo para promocionar e incentivar o deporte base.

A iniciativa enmárcase dentro das probas oficiais convocadas pola Secretaría Xeral para o Deporte da Xunta, na fase comarcal de campo a través.

Os detalles explicábanos esta mañá o Concelleiro de Deportes, Daniel Benavides, e representantes do colexio Abrente e do Club Atletismo Corbelo, colaboradores da proba, que recollemos en AROUSA PONTEVEDRA DIA A DIA.

A Mancomunidade do Salnés non deixa escapar ningunha oportunidade para promocionar o turismo da comarca a través da Variante Espiritual e a Ruta do Padre Sarmiento.

Dúas propostas que non podían faltar no segundo certame da Fair Way do Camiño de Santiago que se celebra estes días en Santiago.

A delegación da entidade comarcal tivo xa encontros con case todos os 27 touroperadores internacionais presentes na Feira do Camiño, procedentes tanto de Europa como Suramérica, EEUU ou Nova Zelanda.

Unha ocasión para crear tamén oportunidades de negocio vinculadas as Rutas arousás, como empresas de traslado de mochilas ou de bicicletas.

Nolo conta Eva Piñón técnica de Turismo da Mancomunidade nunhas declaracións que recollemos en AROUSA PONTEVEDRA DIA A DIA.

O presidente de Portos de Galicia, José Juan Durán, participou en representación de Galicia na xuntanza de lanzamento do proxecto europeo “Capiten” que aglutina a 18 representantes de entidades de España, Portugal, Francia, Irlanda e Reino Unido e que ten na excelencia do sector náutico un dos seus obxectivos.

Durán amosouse moi optimista por esta iniciativa europea xeradora dun novo nicho de mercado que espera poda liderar Galicia como destino náutico atlántico.

Asemade avogou por seguir creando sinerxias entre Portos de Galicia e a Axencia de Turismo de Galicia, que dirixe Nava Castro, co fin de ir quentando motores de cara á gran cita universal que suporá para a nosa Comunidade Autónoma a celebración do Xacobeo 2021.