A presidenta da Deputación augura que Fátima Abal volverá a ser a alcaldesa de Cambados.

Carmela Silva non ten dúbidas de que a rexedora saberá reconducir a situación do cuatripartito tralo anuncio de ruptura por parte do concelleiro de Pode, José Ramón Abal.

Unha situación para para a presidenta provincial é “un pequeno bache” producto das diferencias normais cando se goberna en coalición.

Os concellos do Salnés levan recibido ata este ano 19,6 millóns de euros de fondos da Deputación de Pontevedra.

Sanxenxo e Vilanova son os que maior importe obtiveron, 3,5 millóns de euros cada un, seguidos de Cambados, 2,3 millóns, Vilagarcía e a A Illa de Arousa, con 2 millóns respectivamente, O Grove, 1,3 millóns, Meaño 1,2 millóns, Meis 919.000 euros e Ribadumia 859.000 euros.

Neste importes están recollidos os fondos do Plan Provincial do 2015 e do Plan Concellos 2016-2017 ademáis de inversións noutras materias como en cultura, emprego, deportes, turismo, mobilidade ou igualdade.

As cantidades supoñen, segundo os cálculos da institución provincial, 1 millón de euros máis que os distribuidos polo anterior equipo de goberno do PP no Plan do 2015.

Os datos facilitábaos esta mañá a presidenta provincial, Carmela Silva, que solicitou a Xunta de Galicia un reparto das axudas autonómicas cunha metodoloxía semellante ao Plan Concellos provincial.

Así o explicaba Carmela Silva nun almorzo informativo cos medios de comunicación no que estivemos presentes dende AROUSA PONTEVEDRA DIA A DIA.

A Mancomunidade do Salnés continua a súa presencia na Feira de Turismo de Londres co fin de promocionar a Variante Espiritual e a Ruta Sarmiento cara o mercado británico.

A delegación arousá xa mantivo reunións con varios touroperadores especializados no Camiño de Santiago cos que se abordaron fórmulas de colaboración para potenciar a chegada de peregrinos de Reino Unido á comarca do Salnés.

Asimesmo, o Concello de Vilanova, tamén presente no certame turístico, está a apoiar o traballo dunha emprendedora do Coworking de Vista Real na promoción da súa empresa.

Nolo contaban a emprendedora Patricia Santos e o tenente de alcalde de Vilanova, Javier Touris.

O BNG de Cambados considera un erro e unha irresponsabilidade aplazar a reunión da comisión de seguimento do pacto de goberno para o día 24.

O portavoz nacionalista, Victor Caamaño, recoñeceu esta mañá que as discrepancias no cuatripartito son un problema recurrente dende o principio e a solución non é deixar pasar o tempo.

Por tal motivo, seguirá insistindo para que a comisión de seguimento se reuna esta mesma semana.

Ademáis, advertiu que o seu grupo xa non calará máis e a partir de agora fará públicas as súas discrepancias no momento en que xurdan.

Así o explicaba Victor Caamaño nunha rolda de prensa acompañado do secretario comarcal da formación, que recollemos en AROUSA PONTEVEDRA DÍA A DIA.

Así que, en principio, e se non prospera a prosposta do BNG, queda todo pendente ata o día 24 deste mes, data na que quedou fixada a reunión da comisión de seguimento do pacto, trala infructuosa reunión de onte, convocada pola alcaldesa

Ao encontro somente asistiron os concelleiros do PSOE e de Somos.

O Concelleiro de Cambados Pode, José Ramón Abal, orixe da nova crise de goberno, excusou a súa ausencia argumentando que xa non cree que o diálogo sexa a solución e insiste en que somente a alcaldesa pode tomar medidas que eviten que se repita a usurpación de funcións que denuncia.

Tampoco acudió o BNG, que pensa que o problema só pode abordarse na comisión de seguimento.

Portos de Galicia está a realizar unha mellora de seguridade viaria no peirao de Vilaxoan, en Vilagarcía.

A actuación está orzamentada nuns 25.000 euros e da continuidade á realizada o ano pasado.

En concreto, os traballos consisten na reconstrución de máis de 2.000 metros cadrados de pavimento no tramo que vai dende os departamentos de usuarios ata a primeira rampla do areal despois da curva en dirección Preguntoiro, agás unha pequena superficie xa reparada en 2016.

Ademais de demoler o asfaltado existente e substituílo por un novo de 5 centímetros de mestura bituminosa, os traballos incluirán o pintado da sinalización horizontal preexistente.

Deste xeito, mellórase a seguridade para o tráfico rodado que circula pola zona, especialmente o tráfico pesado que opera nos recintos portuarios.

Así o explicaba o presidente de Portos de Galicia, José Juan Durán, durante unha visita aos traballos que recollemos en AROUSA PONTEVEDRA DIA A DIA.

A instalación dunha antena de telefonía na rúa Os Caeiros para mellorar a conexión a internet está a provocar gran preocupación entre os veciños do entorno polos posibles efectos que poida ter sobre a saúde.

De momento xa iniciaron uha recollida de sinaturas e convocaron unha concentración para este mércores ás 19 horas ante o Concello.

Pretenden que a empresa retire este proxecto, que se encontra paralizado no Concello á espera de informes técnicos e xurídicos sobre a licencia de obra solicitada.

Cos veciños xa se reuniu a alcaldesa, Fátima Abal, que lles asegurou estar da súa parte e que dende o Concello se tentará por todos os medios evitar a instalación da antena.

En AROUSA PONTEVEDRA DIA A DIA falamos de todo elo con Pilar Jueguen, portavoz dos veciños afectados.

O Concello de Vilanova amplía a liña de autobús urbano con dúas paradas máis nas Sinas, mantendo os mesmos horarios.

A decisión foi adoptada atendendo a unha petición veciñal.

Por outra banda, o goberno local ten a intención de adherirse ao programa da Xunta de “Concellos Emprendedores”, que facilita a exención de impostos ás empresas que se instalen nos polígonos das súas localidades.

O goberno local está a estudar a posibilidade de integrarse nesta iniciativa que permitiría reduccións no IBI e no IAE, entre outros.

Os detalles explicáronos o alcalde de Vilanova, Gonzalo Durán, e o tenente de alcalde, Javier Tourís, nunha rolda de prensa que recollemos en AROUSA PONTEVEDRA DIA A DIA.

As traballadoras de Bershka de Vilagarcía, xunto coas súas compañeiras de Pontevedra e Vigo, trasladáronse hoxe á sede de Inditex en Arteixo nun día en que cumpren unha semana de folga indefinida.

As empregadas concentráronse ante as instalacións da firma téxtil despois de que onte decidiran en asemblea continuar coas mobilizacións.

Durante a concentración, recibiron a proposta da empresa de reanudar as negociacións nun encontro que se celebra esta tarde, e do que dependerá a continuidade do paro.

As empregadas desta firma de Inditex consideran insuficiente a proposta económica da empresa de abonarlles o plus de 80 euros que cobran as súas compañeiras da Coruña pero non o de 50 euros.

Si se chegou a acordo noutras reivindicacións, como o aumento do tempo de descanso, lactación, vacacións, licenzas e permisos ou incapacidade permanente.

De todo elo falamos en AROUSA PONTEVEDRA DIA A DIA con Rocío Perez Ameijeiras, delegada da CIG en Vilagarcía.

O BNG de Cambados mantén a esperanza de que a situación no goberno se reconduzca tralo anuncio do concelleiro de Pode que daba por roto o cuatripartito.

O portavoz municipal, Victor Caamaño, agarda que en breve se reuna a comisión de seguimento do pacto de goberno e apela ao diálogo entre os catro grupos para limar as diferencias.

A Deputación de Pontevedra inaugurou esta mañá o primeiro coworking do Viveiro de Empresa do Polígono de Barro Meis, promovido pola institución provincial e a Escola de Organización Industrial.

Uns 20 emprendedores compartirán durante 5 meses un espazo de traballo onde desenvolver os seus proxectos empresariais, obtendo ademáis formación e acceso a material dixital cómo impresoras 3D o escáneres 3D, que terán a súa disposición.

A finalidade desta iniciativa, cofinanciada polo Fondo Social Europeo, cunha inversión de 800.000 euros nas catro edicións previstas, é fomentar o emprendemento e aumentar as posibilidades de éxito dos proxectos emprendedores que participan neste espazo.

Así o explicaban a presidenta da Deputación, Carmela Silva, e o alcalde de Barro, Xosé Manuel Fernández Abraldes, no acto inaugural do coworking, que recollemos en AROUSA PONTEVEDRA DIA A DIA.