As obras de acondicionamento para converter en cafetería o que fora quiosco do parque de Torrado en Cambados rematarán a vindeira semana.

Posteriormente, a xestión do local sacarase a licitación para que poida estar en pleno funcionamento cara a vindeira Semana Santa.

Son as estimacións do Concelleiro de Obras, José Ramón Abal, que esta mañá supervisou os traballos que está a realizar a empresa Construccións 3 Torres por 13.500 euros, financiados a través do Plan Concellos da Deputación.

Por outra banda, a actuación de instalación de luminarias Led en Castrelo conseguiu xa un aforro enerxético dun 70%, segundo os datos municipais.

Deste xeito, o Concello prevé que a finais de ano se cumpla o obxectivo dunha reducción de 100.000 euros anuais nos gastos,

Un aforro que o goberno local quere repercutir nos veciños mediante a rebaixa de taxas como a do IBI.

As próximas actuacións de cambio de luminarias a través do Plan Concellos da Deputación serán no casco urbano.

Unhas declaracións do Concelleiro de Obras e Servizos que recollemos en AROUSA PONTEVEDRA DIA A DIA.

A presidenta da Deputación de Pontevedra, Carmela Silva, pedirá ao Goberno de España e á Xunta que declaren Galicia "zona afectada gravemente por unha emerxencia de Protección Civil" a raiz dos incendios rexistrados hai unha semana.

Concretamente, Carmela Silva pedirá a aplicación da Lei do Sistema Nacional de Protección Civil, que permite unha declaración semellante a de zona catastrófica pero “moita máis rápida”, xa que só necesitaría a súa aprobación en Consello de Ministros.

A presidenta provincial trasladará esta petición na reunión convocada para este marte polo Delegado do Goberno en Galicia, co fin de que se desbloquee a chegada de axuda aos afectados.

Así o explicaba Carmela Silva nunha rolda de prensa no Pazo Provincial que recollemos en AROUSA PONTEVEDRA DIA A DIA.

Avanzan os traballos da concentración parcelaria de Romai, coas primeiras actuacións de apertura de camiños

Os detalles explicábanos esta mañá o alcalde de Portas e o delegado territorial da Xunta en Pontevedra durante a supervision das obras, que recollemos en AROUSA PONTEVEDRA DIA A DIA.

O centro de saúde de Vilanova mellorará a súas condicións en breve.

A Consellería de Sanidade e o Concello de Vilanova asinaron esta mañá un convenio de colaboración para o desenvolvemento das obras de reforma do centro de saúde do municipio.

O acordo establece un importe de case 30.000 euros financiados ao 50% entre ambas administracións.

Así o explicaban o alcalde, Gonzalo Durán, e o Conselleiro de Sanidade, Jesús Vázquez Almuiña, trala sinatura do convenio, que recollemos en AROUSA PONTEVEDRA DIA A DIA.

O Concello de Cambados ten xa preparada a programación cultural de outono-inverno que se prolongará dende outubro ata decembro.

Os actos centrais e actividades máis relevantes empezarán coa celebración do Día das Bibliotecas o vindeiro día 24 de outubro no Auditorio, onde se fará entrega de premios aos mellores lectores do municipio e haberá representacións teatrais

Continuarán o Samaín e magosto o 31 de outubro na Biblioteca Luis Rei dende ás 17.30 horas con talleres, xogos, música e degustacións de doces típicos e castañas.

Ademáis, tamén se celebrará o Mercado das Flores, o ciclo de teatro, o Día do Enoturismo e Xornadas de Licores e Augardentes de Galicia.

A maiores, tamén se conmemorará o primeiro aniversario do nomeamento de Cambados como Cidade Europea do Viño cun brinde colectivo na praza do Concello o 4 de novembro ás 11.30 horas.

Outra das actividades destacadas será o 58 cabodano de Ramón Cabanillas cunha ofrenda floral e unha homenaxe no Auditorio o 9 de novembro.

Os detalles explicábaos esta mañá o Concelleiro de Cultura Victor Caamaño, nunha rolda de prensa que recollemos en AROUSA PONTEVEDRA DIA A DIA.

Vilagarcía sumérxese no cine durante toda a vindeira semana mediante a 45 edición do Curtas Film Fest, adicado este ano á ciencia ficción.

O evento desenvolveráse entre o 23 e o 29 de octubro e como novidade proxectaránse nove longametraxes.

En canto as curtas, presentaronse a concurso máis de 4.600 traballos.

Non faltarán tampouco as exposicións, a sección de banda de señada e o solicitado desfile das tropas de Star Wars.

Os detalles contábanos a Concelleira de Cultura de Vilagarcía, Sonia Outón, o Deputado de Cultura, Xosé Leal, e o organizador do festival, Luis Rosales, nunha rolda de prensa que recollemos en AROUSA PONTEVEDRA DIA A DIA

Vilagarcía celebrará este domingo día 22 unha nova edición da Foliada Solidaria cuxa recadación irá destinada, nesta ocasión, á loita contra a violencia machista donando os cartos ao Concello.

Un total de 23 grupos, a meirande parte da localidade, tocarán dende as 12 do mediodía e durante catro horas na zona de A Baldosa e tamén se poderán degustar menús solidarios a un prezo de 7 euros.

Ademáis, a Foliada deste ano renderá unha homenaxe á moza vilagarciá que o ano pasado perdeu a vida tras caer dun balcón en Cedeira.

Os detalles explicábanos a concelleira de Igualdade, Tania García, e os organizadores do evento, na presentación da iniciativa que recollemos en AROUSA PONTEVEDRA DIA A DIA.

O Sindicato CIG do Salnés mobilízase en contra de Lei de Fomento Empresarial aprobada esta semana no Parlamento de Galicia cos votos en solitario do PP.

A norma pretende “contrarrestar a competencia empresarial do Norte de Portugal, reducindo a burocracia para a implantación de empresas, facilitar o acceso ao solo e impulsar rebaixas fiscais a través dos Concellos”.

Ademáis, o PP incorporou cambios para "liberalizar" outros sectores como o eólico, o minero e o forestal.

Dende a CIG avanzan os efectos perxudiciais que ao seu entender terá esta nova lei e anuncian unha manifestación contra este modelo industrial convocada para este vindeiro domingo en Santiago.

O sindicato considera que a norma "facilita a instalación de empresas de cualquera actividade en calquera parte do territorio sen ningún tipo de control".

Segundo explica o responsable comarcal da CIG, Xoan Xose Bouzas, "con esta nova lei desaparecen todas as barreiras administrativas, e coa simple presentación do proxecto xa estaría concedida a autorización para comezar coa actividade".

Dende a CIG, entenden que coa nova Lei de Fomento Empresarial do PP, "o que van conseguir é acabar co patrimonio, abandonando a defensa dos sectores productivos mentres se favorece á un modelo industrial de multinacionais".

Por todo elo, o sindicato comarcal súmase manifestación convocada para este domingo 22 de outubro ás 12 do mediodía na Alameda de Santiago "contra o modelo industrial colonial de esta Lei".

CIG Salnés porá a disposición dos que queiran asistir á mobilización un autobús que sairá as 10 horas de O Grove, 10:30 de Cambados e 10:45 de Vilagarcía.

Así o explicaba o responsable comarcal da CIG, Xoán Xose Bouzas Aboy, nunha rolda de prensa que recollemos en AROUSA PONTEVEDRA DIA A DIA.

O Concello de Cambados exixe á Xunta que cumpla o seu compromiso e abra o Centro de Día coa maior celeridade posible, denunciando unha vez máis a “falta de vontade política” do goberno galego para a súa apertura.

Segundo o goberno local, o Consorcio Galego de Igualdade e Benestar comprometeuse no Parlamento á posta en marcha do servizo durante este 2017, pero, sen embargo, a dous meses de que remate o ano, aínda non se sacou a licitación.

O Concelleiro de Servicios Sociais e o portavoz de goberno, Tino Cordal e Xurxo Charlín, respectivamente, entenden que “a Xunta continúa atrasando os prazos administrativos por cuestións políticas faltando á palabra dada na Cámara Galega”.

Neste sentido, argumentan que o Consorcio de Benestar tardou cinco meses en adxudicar a instalación do mobiliario para o centro de día, e que a licitación da xestion será “nas vindeiras semanas”, segundo a última comunicación que recibiron da Xunta.

Con estes plazos ambos concelleiros estiman que a apertura se dilatará ata o ano que ven.

Así o explicaban nunha rolda de prensa que recollemos en AROUSA PONTEVEDRA DIA A DIA.

Vilagarcía amplia o convenio con Cáritas para o desenvolvemento do programa “Arroupa” mediante a instalación de 12 novos contenedores distribuidos en diferentes puntos do municipio.

Con estes novos depósitos, que duplican os existentes ata o de agora, Cáritas agarda superar as 67 toneladas de roupa recollidas o ano pasado dentro deste programa, que promove a empregabilidade de persoas en exclusión social.

Vintedúas persoas están empregadas a través do proxecto “Arroupa”.

Os datos explicábanos esta mañá o director de Cáritas Diocesana, Anuncio Mouriño, acompañado do alcalde, Alberto Varela, e do concelleiro de Medio Ambiente, Lino Mouriño, na presentación da iniciativa, que recollemos en AROUSA PONTEVEDRA DIA A DIA.