Vilagarcía acollerá o 30 de outubro unha Micro Feira do Viño Galego coa idea de achegar a Vilagarcía a cultura do viño de diferentes rexións de Galicia.

A modo dun túnel do viño, un total de 10 adegas do Salnés, Ribeira Sacra e o Ribeiro participarán nesta iniciativa que contará cunha cata profesional de 12 a 14 no Espazo gastronómico Derby e xa pola tarde unha cata cega no Auditorio e unha xornada no Derby, ambas abertas ao público en xeral.

A iniciativa ten un prezo de 10 euros e oden participar un máximo de 170 persoas, previa inscripción.

Os detalles explicábaos esta mañá o promotor da idea, o hostaleiro e sumiller, José Dieste,

O Instituto Fermín Bouza Brey e o Centro Galego de Vela de Vilagarcía acollerán o primeiro ciclo de vela que se imparte en Galicia.

En concreto, o acordo asinado esta mañá por parte do Conselleiro de Educación, Román Rodríguez, traducirase na impartición das ensinanzas deportivas de grao medio en vela con aparello fixo e en vela con aparello libre.

Os títulos de técnico deportivo impartiranse de forma compartida entre o IES e o Centro Galego de Vela, adscrito á Secretaría Xeral para o Deporte; de tal forma que o bloque común do currículo se desenvolverá no Bouza Brey e o específico no devandito centro de vela.

Será a Consellería quen se faga cargo dos gastos do profesorado, mentres que Deporte asumirá a xestión e mantemento relacionado cos gastos derivados do axeitado funcionamento das instalacións para o óptimo desenvolvemento das ensinanzas.

A Consellería de Cultura e Educación abrirá unha convocatoria específica para que 12 alumnos se matriculen nestas dúas titulacións, que se desenvolverán ao longo do presente curso e do seguinte, esta convocatoria sairá publicada no Diario Oficial de Galicia o vindeiro venres 13 de outubro.

Para acceder a estas ensinanzas será necesario ter o título de graduado en educación secundaria obrigatoria ou equivalente para efectos académicos, e superar a proba de carácter específico establecida.

En total as titulacións constan de 1.100 horas repartidas en dous cursos académicos, que inclúen un total de 350 de formación práctica (150 horas no ciclo inicial e 200 horas no ciclo final), co fin de que o alumnado entre en contacto coa realidade do mundo laboral. No referido ao título de técnico deportivo en vela con aparello fixo, conta cunha soa especialización, a de vela adaptada con aparello fixo.

Quen rematen estes estudos poderán exercer o seu labor profesional como adestrador de tecnificación en vela con aparello fixo, coordinador doutro persoal técnico de iniciación á vela, xestor ou organizador de eventos de vela de promoción e iniciación, responsable da seguridade da navegación e das instalacións deportivas utilizadas na tecnificación, ou no traballo de acompañamento e dirección ao regatista en competicións.

No caso do título en vela con aparello libre, as especializacións posibles serán as de Kiteboarding e a de vela adaptada con aparello libre.

Os titulados poderán exercer ocupacións e postos de traballo como as de monitor de iniciación á vela ou adestrador de iniciación á competición.

Así o explicaba o Conselleiro de Educación trala sinatura do acordo no Centro Galego de Vela, que recollemos en AROUSA PONTEVEDRA DIA A DIA.

O Conselleiro de Educación comprometeuse esta mañá con nais de alumnos do colexio de Carril a resolver os problemas que afectan ás instalacións do centro educativo.

As proxenitoras encontráronse con Román Rodríguez aproveitando a visita do Conselleiro ao Centro Galego de Vela de Vilagarcía, con motivo da posta en marcha dun ciclo formativo de vela entre este centro e o IES Fermín Bouza Brey.

As obras de reparación e mellora das instalacións escolares realizaranse “o máis rápido posible”, segundo prometeu o Conselleiro durante o breve encontro coa nais e ante aa presencia do alcalde de Vilagarcía, Alberto Varela, e o xefe territorial de Educación, César Ares, que recollemos en AROUSA PONTEVEDRA DIA A DIA.

A xestión turística da Mancomunidade do Salnés cara o exterior ofrece un 78% de retorno.

A entidade comarcal fixo hoxe balance dos resultados dos últimos catro anos, nos que a variante espiritual, primeiro, e a Ruta do Padre Sarmiento despóis, trouxeron a numerosos turistas, sobre todo do mercado ruso e inglés.

O presidente da entidade, Gonzalo durán, o Delegado de Turismo, Gonzalo Pita, xunto co xerente Ramón Guinarte, e o Concelleiro de Enoturismo de Cambados, José Ramón Abal, desvelaron os datos nunha presentación celebrada na sede da Mancomunidade en Exposalnés que recollemos en AROUSA PONTEVEDRA DIA A DIA.

Cambados pon en marcha un ano máis, e xa van catro, a Escola de Batucada que se desenvolve no Salón Peña.

As clases empezarán en novembro e hoxe ábrese o plazo de inscripción, cun máximo de 61 prazas.

Os interesados únicamente deben cubrir o formulario correspondente que está a súa disposición na biblioteca Luis Rei.

Os detalles explicábaos esta mañá o responsable da Escola, Jorge César Pérez, acompañado do concelleiro de Cultura e Deportes, Víctor Caamaño, nunha presentación que recollemos en AROUSA PONTEVEDRA DIA A DIA.

O Concello de Cambados organiza as III Xornadas para Emprendedores que, nesta edición, están vinculadas aos proxectos de Emprendemar.

As Xornadas serán o vindeiro 11 de outubro, en Exposalnés, de 16 a 20 horas, e incluirá unha mesa de debate con catro ponencias, impartidas por representantes do GALP Ría de Arousa, SmartPeme, a empresa Nordelaina, e o grupo Arestora.

Durante as mesmas, exporanse os catro pilares básicos para un emprendedor: posibles subvencións, o uso das TIC, a formación básica necesaria e o financiamento do proxecto.

Os detalles explícounos o concelleiro de Promoción Económica, Xurxo Charlín, acompañado polas ponentes do GALP e o grupo Arestora, na presentación das Xornadas que recollemos en AROUSA PONTEVEDRA DIA A DIA.

Vilanova é unha vila tranquila é segura para vivir.

Constatouno esta mañá a Xunta Local de Seguridade, celebrada no Concello, coa presencia da subdelegada do goberno, Ana María Ortiz.

Un encontro no que se analizou a situación do municipio nos últimos meses e se desvelou unha reducción do índice de delictos nun 20%

Ademáis, tamén se fixo unha declaración de apoio ás forzas de seguridade que se encontran en Cataluña.

Así o explicaban o alcalde, Gonzalo Durán, e a subdelegada do goberno, Ana María Ortíz, nunhas declaracións ao remate da reunión que recollemos en AROUSA PONTEVEDRA DIA A DIA.

As dársenas de Vilanova e O Grove formaron parte este ano, xunto coas de Bueu, Cesantes e Baiona, do Plan de Limpeza de Fondos Mariños que anualmente realiza Portos de Galicia nos peiraos da provincia.

No conxunto dos cinco portos, un equipo de cinco mergulladores, apoiados en terra pola empresa concesionaria, retiraron un total de 18 toneladas de resíduos, a meirande parte no peirao de Meloxo, en O Grove.

A maior parte dos resíduos son elementos habituais do traballo mariño, como rodas, cabos, nasas ou áncoras pero tamén nesta ocasión atopouse un motor fora a borda ou un skatebord que caeron de xeito accidental.

O obxectivo do Plan de Limpeza de Fondos Mariños é preservar a seguridade na navegación, mellorar o hábitat da fauna mariña e concienciar á poboación da necesidade de manter os fondos do mar en perfectas condicións cara o futuro.

O balance do traballo realizado fixoo esta mañá en Vilanova o presidente de Portos de Galicia, José Juan Durán, nunha comparecencia ante os medios que recollemos en AROUSA PONTEVEDRA DIA A DIA.

O Concello de Vilanova e a Deputación de Pontevedra celebraron esta mañá unha nova reunión da comisión de seguimento das obras do Auditorio de Esteiro, que se reanudaron a principios de verán.

Durante o encontro, o goberno provincial informou o Concello dun retraso administrativo derivado dos avais presentados pola anterior empresa que ia a executar as obras.

Esta circunstancia provocará ao tempo unha pequena demora dun mes nos prazos de execución das obras.

De tal xeito que será en a febreiro do vindeiro ano cando o proxecto quede rematado, tras unha inversión de 600.000 euros.

Así o explicaba o tenente de alcalde, Javier Tourís, ao remate da reunión no Pazo Provincial, nunhas declaracións que recollemos en AROUSA PONTEVEDRA DIA A DIA.

A reunión da comisión de seguimento analizou os avances nunhas obras que permitirán que o novo auditorio sirva tamén no futuro como sede da Escola de Música de Vilanova.

Cambados súmase, en colaboración coa asociación Lar, á conmemoración do 25 aniversario do Día Mundial da Saúde Mental, que se celebra o 10 de outubro.

Por tal motivo, o colectivo instalou esta mañá unha mesa participativa na Praza do Concello de Cambados cun gran mural no que as persoas que se acheguen ata as 2 da tarde poden plasmar as súas propostas sobre cómo fomentar a saúde mental no entorno laboral.

Así o expresaban a Presidenta da Asociación Lar, alumnos do colexio San Tomé de Cambados que participaron nesta iniciativa e o Concelleiro de Servizos Sociais, Tino Cordal, nun acto que recollemos en AROUSA PONTEVEDRA DIA A DIA.