Cambados prepara xa outra das actividades do programa da Cidade Europea do Viño.

Será a Festa da Vendima, que se celebrará os vindeiros 13 e 14 deste mes de outubro, aproveitando o Encontro das Confrarías Enogastronómicas.

De momento está confirmada a asistencia de 34 confrarías procedentes de España, Portugal, Italia e

Francia, pero poderían chegar ao medio cento.

Os actos comezarán o venres 13 pola noite cunha recepción no parador e continuarán toda a xornada do sábado.

Incluirán unha gala con dez premios para viticultores do municipio e un concerto con música de grupos de Cambados, ademáis de teatro.

Detalles que explica o concelleiro de Enoturismo, José Ramón Abal, na presentación da iniciativa, acompañado da alcaldesa, Fátima Abal, e representantes de confrarías enogastronómicas, que recollemos en AROUSA PONTEVEDRA DIA A DIA.

A Concellería de Cultura de Cambados inicia este sábado un novo ciclo de Teatro, que traerá ao Auditorio da Xuventude unha representación cada sábado ás 20 hras.

Unha iniciativa que repite un ano máis debido ao éxito conseguido na anterior edición, cunha media de 120 asistentes por representación.

Os detalles presentábaos esta mañá o concelleiro de Cultura, Victor Caamaño, nun acto que recollemos en AROUSA PONTEVEDRA DIA A DIA.

O xefe territorial de Economía, Emprego e Industria en Pontevedra, Ignacio Rial, e o alcalde de Vilagarcía, Alberto Varela, inauguraron esta mañá dos dous novos obradoiros de emprego para este concello, un deles de garantía xuvenil destinado aos máis novos.

O primeiro dos obradoiros, “Forme 17” é ordinario e favorecerá a un total de 20 desempregados en Fontanería e Carpintería. Terá unha duración de 9 meses, cun investimento procedente da administración autonómica de case 280.000 euros.

“Forme 17” está destinado a formar aos alumnos na elaboración e mantemento de mobiliario para a revalorización dos espazos públicos e no mantemento e reparación de elementos de fontanería tanto no Parque da Ravella, como nos do Castriño, Compostela, A Coca, Parques de Carril e Vilaxoan, Xunqueira, zonas peonís do casco urbano e zonas rurais, así como na sede do obradoiro, na Escola de Música, no conservatorio de musica, na biblioteca municipal e nas Axencias de Lectura e instalacións deportivas municipais.

O seu obxectivo último será a conservación do mobiliario urbano tanto exterior como nas dependencias interiores do Concello, o que implica a optimización dos recursos propios e o aproveitamento redundando na prestación de servizos á cidadanía en condicións de calidade.

Por outra banda, “Labora Xove 2017” centrarase, no eido das operacións auxiliares de actividades e funcionamento de instalacións deportivas, así como en socorrismo en espazos acuáticos. Os 15 alumnos serán menores de 30 anos e formaranse durante 6 meses. Esta iniciativa contará cun investimento de 140.000 euros.

Os alumnos prepararán a asistencia operativa dos técnicos deportivos no desenvolvemento de actividades deportivas, tarefas de control de acceso, circulación, atención a usuarios e mellora da seguridade no complexo deportivo de Fontecarmoa. Tamén se encargarán da organización, control e asistencia en colaboración co Servizo Municipal de Emerxencias do Concello aplicando as técnicas dos socorristas acuáticos. O obxectivo da súa formación e mellorar a seguridade nas actividades acuáticas, potenciar a actividade deportiva como recurso para a mellora da saúde e da calidade de vida da cidadanía.

Polémica en Cambados pola próxima publicación no BOP da convocatoria, realizada polo Concello, dun concurso de oposición por mobilidade para cubrir o posto dun segundo mando na plantilla da policía local.

O portavoz do PP Luis Aragunde, sospeita que se trata dun intento de “enchufismo” para que a praza sexa ocupada polo actual xefe de policía local, Adolfo Suárez Piñeiro, que desempeña o cargo en comisión de servizos, en sustitución do titular da plaza Maximino Cid, tamén de comisión de servizos en Ourense.

Ademáis, Aragunde asegura que Suárez Piñeiro está actuando máis de “escolta e chofer” da alcaldesa que nas funcións do seu cargo.

O PP considera que Cambados debería adherirse ao convenio entre a Xunta e a FEGAMP para cubrir as vacantes das plantillas a través da Academia Galega de Seguridade, tal como o está a facer o Concello de Vilagarcía.

As críticas de Aragunde tiveron enseguida resposta por parte da alcaldesa.

Fátima Abal asegura que Cambados non recibiu de momento o convenio entre a Xunta e a Fegamp e nega a acusación de “enchufismo” asegurando que a convocatoria que se publicará no BOP é un procedemento aberto a toda Galicia e por concurso de méritos.

Asimesmo, a alcaldesa califica de “machista” a afirmación de que o xefe de policía estea actuando de seu “escolta e chofer”, e exixe ao PP que explique a procedencia da información sobre as bases do concurso cando todavía non foron publicadas no BOP.

Declaracións de ambos que recollemos en AROUSA PONTEVEDRA DIA A DIA.

O conselleiro de Sanidade, Jesús Vázquez Almuiña, visitou esta mañá o centro de saúde da Illa para presentar o Plan de Reforma das instalacións.

O proxecto sácase a licitación este mes de outubro cun orzamento inicial de 412.000 euros, financiados íntegramente pola Consellería de Sanidade.

Segundo os prazos estimados, as obras estarán rematadas a finais do vindeiro ano.

O proxecto é o resultado dun acordo asinado entre a Consellena de Sanidad e o Cancello da illa de Arousa para mellorar as condicións de accesibilidade e favorecer unha maipr independencia funcional dos actuais usuarios.

As obras de ampliación incluirán a cración de novas consultas, un segundo acceso e a dotación dun ascensor.

Os detalles explicábaos esta mañá o Conselleiro de Sanidade, que tamén se reafirmaba en seguir adiante coa reforma da Lei de Saúde.

Portos de Galicia está realizando unha actuación para mellorar os amarres das embarcacións en Tragove, atendendo a unha petición da confraría.

Concretamente, trátase de fixar oito fingers do pantalán, cun investimento de 50.000 euros.

Así o explicaba o presidente de Portos de Galicia, José Juan Durán, nunha visita aos traballos, acompañado do patrón maior da Confraría de Cambados, e do concelleiro Victor Caamaño, que recollemos en AROUSA PONTEVEDRA DIA A DIA.

O Concello de Vilanova continua realizando actuacións de mellora da seguridade viaria nas rúas do centro urbano.

Desta volta, os traballos centráronse na Rúa da Cerca, coa retirada dos postes da luz do medio do vial e o soterramento do cable. A intención agora é instalar badéns de calmado do tráfico, atendendo á petición veciñal.

Ademáis, o goberno local anuncia xa outro proxecto semellante na Rúa Francisco Reiriz.

Así o explicaban esta mañá o tenente de alcalde, Javier Tourís, e o alcalde, Gonzalo Durán, durante a supervisión das obras realizadas, que recollemos en AROUSA PONTEVEDRA DIA A DIA.

Vilagarcía acollerá esta tarde a manifestación contra a reforma da Lei de Saúde convocada pola Plataforma do Salnés en defensa pola Sanidade Pública.

A protesta saldrá as 20.30 horas da Casa do Mar e por tal motivo, o Concello estableceu cortes da circulación rodada nas rúas do centro da cidade polas que se realizará o percorrido.

O peche de rúas comezará minutos antes do inicio da manifestación, na Avenida da Mariña, á altura da Casa do Mar e estenderanse de forma progresiva ás rúas afectadas polo percorrido.

Horas antes da manifestación, a portavoz da Plataforma e presidenta da Xunta de Persoal do Salnés interviu esta mañá ante o Pleno da Deputación defendendo os motivos polos que solicitan a retirada da reforma da Lei de Saúde.

Sen embargo, Sanidade insiste en que a a transformación da área sanitaria en distrito, como establece a reforma da Lei de Saúde, permitirá ofrecer unha atención máis eficaz aos pacientes e consolida por lei o Hospital do Salnés.

Intervención e declaracións que recollemos en AROUSA PONTEVEDRA DIA A DIA.

O Concello de Vilanova presentou esta mañá as actividades das Escolas de Arte e de Música para este curso que comezarán a vindeira semana.

A primeira desenvolverase no albergue das Sinas e como novidade este ano ponse en marcha un taller de técnicas de memoria para os maiores, os mércores de 10 a 12 horas.

Os interesados ainda están a tempo de inscribirse nunha matrícula que é de balde para as asociacións e personas maiores e 12 euros para o resto.

Agardan unha asistencia de entre 50 e 70 alumnos.

En canto á Escola de Musica en Vista Real, o alcalde, Gonzalo Durán, comprometeuse a que o concerto de fin de curso se poida celebrar xa no Auditorio do Esteiro, que será tamen a nova ubicación da Escola.

A formación abrangue música e movemento de 3 a 8 anos e a partir desa idade especializacions nos instrumentos.

A matrícula é de balde con mensualidades entre 15 e 40 € , o que a leva a ser a mais barata da comarca.

Son detalles que explicaban esta mañá os directores de cada unha das escolas, Cristina Villegas e Jesús Nogueira, acompañados do alcalde, Gonzalo Durán, e o tenente de alcalde, Javier Tourís, nunha presentacion que recollemos en AROUSA PONTEVEDRA DIA A DIA

A Xunta aportará un 35% do financiamento necesario para a realización do proxecto da Vía Verde do Salnés, estimado en 835.000 euros.

É o compromiso que lles trasladou a Conselleira de Infraestructuras, Ethel Váquez, aos alcaldes dos concellos implicados nesta iniciativa, Vilagarcía, Caldas e Portas, no encontro mantido esta semana.

Agora, os tres concellos agardan recibir tamén a aportación do Ministerio de Fomento, unha vez que a Deputación avanzou xa a súa colaboración ainda que sen concretar o importe.

En función destas achegas, os Concellos distribuiranse o financiamento restante, que esperan non sexa maior do 30% por municipio.

Así o desvelaban esta mañá os alcaldes, Juan Manuel Rey, Alberto Varela e Victor Estévez, nunha rolda de prensa celebrada en Caldas que recollemos en AROUSA PONTEVEDRA DIA A DIA.