A Cidade Europea do Viño continúa coa súa promoción internacional e nesta ocasión, unha delegación de representantes do Concello de Cambados e da Mancomunidade de O Salnés viaxarán mañá a Francia.

Alí manterán un encontro con tres dos municipios cos que Cambados está irmanado co fin de retomar lazos e realizar un intercambio cultural coa posterior visita de delegacions da Bretaña Francesa ao Salnés.

Así o explicaba o concelleiro de Enoturismo de Cambados, José Ramón Abal, que tamén asegurou que a vila do albariño seguirá apostando os vindeiros anos pola Festa da Vendima como recoñecemento aos viticultores tralo éxito obtido está fin de semana.

Os “Pinchos de Outono” volven a Cambados, tralo éxito da primeira edición celebrada o ano pasado.

Nesta ocasión, o certame será unha única fin de semana, do 27 ao 29 de outubro, coa participación de 12 establecementos que elaborarán candanseu pincho doce e salgado.

As propostas estarán maridadas con augardentes e licores do Consello Regulador de Galicia.

Ao igual que na anterior edición, os Pinchos de Outono premiaranse nun concurso aberto ao público e outro con xurado.

Os que entreguen a súa papeleta completamente selada optarán a 12 bonos para unha cea degustación nos establecementos participantes, 1 vale compra de 100 euros a consumir en calquera dos asociados de Zona Centro e un lote de productos de augardentes de Galicia.

Os detalles explicábaos o presidente de Zona Centro, Juan Rey, acompañado dos concelleiros de Enoturismo e Mercados de Cambados, José Ramón Abal e Xurxo Charlín, ademáis do presidente do Consello Regulador de augardentes de Galicia, na presentación da iniciativa que recollemos en AROUSA PONTEVEDRA DIA A DIA.

A Deputación de Pontevedra e o Concello de Barro ratificaron hoxe o convenio de colaboración para a mellora da estrada provincial EP-0505 no Concello de Barro.

A presidenta da Deputación Carmela Silva, acompañada do deputado de Mobilidade Uxío Benítez, asinaron o acordo co alcalde de Barro Jose Manuel Fernández Abraldes.

A actuación suporá un investimento de 327.565 euros a repartir entre o 70% aportado pola institución provincial e o 30% polo Concello.

As obras permitirán renovar de xeito integral a capa de rodadura, crear un espazo de mobilidade segura para o tránsito peonil e ciclista, así como a instalación de novo saneamento e elementos de calmado de tráfico.

Cambados da inicio ao novo obradoiro de emprego "Rexeneración Urbana e Medioambiental Cambados Cidade Europea do Viño" que durante 9 meses formará a 20 desempregados do municipio nas especialidades de "carpintería de madeira" e Xardinería e forestal".

Entre a actuacións que se levarán a cabo durante a formación destacan a restauración de carpinterías de madeira nos edificios públicos municipais, a dotación de novo mobiliario urbano e a integración de contenedores e papeleiras no entorno urbano mediante a súa cobertura con pantallas de madeira.

Ademáis tamén se encargarán da recuperación e acondicionamiento da senda fluvial do río Umia, do entorno do Muiño da Seca, así como dos xardíns do casco urbano e o adecentamento das áreas recreativas dos centros socioculturais.

Este novo obradoiro de emprego conta cunha inversión de 280.000 euros da Conselleria de Emprego e Industria da Xunta de Galicia e 10.000 euros que aporta o Concello de Cambados.

Así o explicaban a alcaldesa de Cambados, Fátima Abal, o secretario territorial da Xunta, e o director do obradoiro, Enrique Ferreiro nunha rolda de prensa que recollemos en AROUSA PONTEVEDRA DIA A DIA.

O Concello de Vilanova está a rexistrar un notable incremento do número de peregrinos e visitantes á Casa Museo Valle Inclán.

A variante espiritual e a presenza en feiras internacionais están dando o seu froito, segundo a valoración que fai o goberno local.

No que vai de ano, preto de 6.000 visitas rexistráronse na Oficina de Turismo da Casa Museo, a mesma cifra que a de todo o ano 2016.

E neste contexto, Vilanova comeza un ano máis as Xornadas adicadas a Valle Inclán, nesta ocasión vinculadas coa historia do Mosteiro de Cálago, que se empeza a coñecer coas excavacións arqueolóxicas realizadas.

Os actos comezarán o día 20 e 21 con conferencias sobre Cálago e xa o venres 27 celebraranse as actividades centrais: a lectura pública tradicional “Cen Voces para Lembrar a Valle” e a Ofrenda Floral.

Así o explicában esta mañá o alcalde Gonzalo Durán, e o tenente de alcalde, Javier Tourís, na presentación das Xornadas que recollemos en AROUSA PONTEVEDRA DIA A DIA.

O Concello de Cambados reclama a Portos de Galicia que solucione o estado das varandas e a pavimentación no entorno da Praza de Abastos e do mercado ambulante.

Os concelleiros de Economía e Facenda e o portavoz de Somos Cambados, Xurxo Charlín e Tino Cordal respectivamente, manifestaron esta mañá o seu malestar co resultado da reunión mantida esta semana con responsables da entidade portuaria.

Os edís consideran que é unha petición xusta dado o custe de 4.000 euros mensuais que ten para o Concello o aluguer do paseo portuario onde se celebra o mercadillo semanal.

Sen embargo, segundo aseguran, Portos de Galicia entende que esta actuación non é prioritaria para Cambados.

Así o explicaban Xurxo Charlín e Tino Cordal nunha comparecencia ante os medios que recollemos en AROUSA PONTEVEDRA DIA A DIA.

A xunta de persoal do Hospital do Salnés recibiu esta mañá a visita do deputado e líder de En Marea, Luis Villares, que revalidou o compromiso da súa formación para que a Xunta retire a reforma da Lei de Saude.

Paralelamente, a Plataforma en Defensa da Sanidade Pública do Salnés reanuda as accións para trasladar á cidadanía as consecuencias que, ao seu entender, terá a modificación que converte a área sanitaria de O Salnés en distrito.

O colectivo comezará as charlas informativas no concello de A Illa o vindeiro mércores 18 de outubro, ás 20 horas no salón de plenos do consistorio, para continuar nos demáis concellos da área sanitaria.

Ademáis a Plataforma prepara tamén unha marcha cara o Hospital, que podería ser en novembro ainda que a data todavía non está concretada.

Así o explicaban Luis Villares e a presidenta da Xunta de Persoal, Rosa Casal, nunhas declaracións posteriores ao encontro, que recollemos en AROUSA PONTEVEDRA DIA A DIA

A Mancomunidade do Salnés mellora o subministro de auga nos concellos de Ribadumia e Meis.

Os traballos consisten no ensanche de 1'5 kilómetros de tubaxe, cun orzamento de 160.000 euros, co fin de aumentar o caudal de auga que chega as parroquias de Lois e Paradela.

As obras, que comezaron a finais de xullo, estarán rematadas en 15 días.

Os detalles do proxecto explícabaos o alcalde de Ribadumia, David Castro, acompañado do presidente da Mancomunidade, Gonzalo Durán, durante unha visita ás obras que recollemos en AROUSA PONTEVEDRA DIA A DIA.

O Concelleiro de Deportes, Victor Caamaño, valora positivamente a aplicación do novo regulamento das instalacións deportivas do municipio e do organigrama implantado.

Un novo modelo de xestión do persoal centralizado no Pombal, con aumento dos operarios adicados ás tarefas de mantemento, un servizo de limpeza, e a inversión de 30.000 euros en melloras das instalacións deportivas municipais son os aspectos máis relevantes.

Ademáis, tamén se implanta unha ordenanza de usos das instalacións.

Segundo o concelleiro, “dende os clubes deportivos hai en xeral unha idea de satisfacción” co novo regulamento pero recoñece a existencia dalgunhas protestas por parte de persoas que asisten ás instalacións debido ás restriccións que impón a normativa de entrar nos terreos de xogo de forma aleatoria e sen control.

Así o explicaba Victor Caamaño nunha rolda de prensa que recollemos en AROUSA PONTEVEDRA DIA A DIA.

Sanxenxo suma unha pioneira iniciativa en Galicia de “sinalización intelixente” como Destino Turístico.

Unha aplicación para os smarphones que permiten ao visitante, pero tamén aos veciños da localidade, descubrir a vila e a axenda cultural e deportiva de cada momento.

A través da plataforma Inventrip dase información detallada de qué visitar, onde comer ou onde dormir, completando a información ofrecida polas oficinas de Turismo.

A aplicación vai vinculada á unha sinalización peonil intelixente, instalada xa en varias zonas urbanas, que traslada os datos aos smarphones.

Detalles que se explicaron esta mañá o concelleiro de Turismo, Jesús Sueiro, e o xerente da empresa creadora da plataforma SismoTour, Augusto Ramos, na presentación desta iniciativa que recollemos en AROUSA PONTEVEDRA DIA A DIA.