Segunda macrooperación internacional contra o narcotráfico con epicentro en Arousa en dous días. Nesta ocasión, no marco da operación denominada Claudo, a Garda Civil desartellou un grupo criminal asentado no Barbanza que chegaba a vender ata 10 kilos de cocaína en 20 días.

Paralelamente, aumentan a 20 os detidos na operación Ceira contra unha rede especializada no tráfico de heroína dende Sudamárica a través de planadoras que operaba desde O Salnés con extensións en A Coruña e Portugal. Tralas detencións e rexistros na Illa de Arousa e Vilanova, a operación permanece aberta.

A presencia de varios xabaríns na estrada provocou a pasada noite un accidente múltiple na recta de Bamio con cinco vehículos implicados e dúas persoas feridas.

A asociación Agtamar-Upta xestiona con diferentes grupos parlamentarios e o Ministerio de Traballo a posibilidade de que os parques de cultivo de bibalvos, como é o caso do de Carril, sexan considerados sector primario

Os 70 inmigrantes de Mali acollidos en Sanxenxo reciben xa as primeiras clases de integración para que unha vez xestionados os seus permisos de residencia poidan ter saídas no mercado laboral.

De principio, xa hai algunha empresa interesada na súa contratación, segundo avanzaba a Concelleira de Servizos Sociais Paz Lago.

O Grove inaugura ás 19 horas a LXI edición da Festa do Marisco coa apertura dos stands de degustación e os primeiros concertos.

O Foro La Toja-Vínculo Atlántico regresa hoxe á Illa da Toxa nunha sexta edición na que repetirán a súa presencia habitual os expresidentes Felipe González e Mariano Rajoy.

Alomenos unha ducia de detencións e rexistros na Illa de Arousa e Vilanova nun novo operativo internacional contra o tráfico de drogas con epicentro no Salnés e ramificacións na provincia da Coruña e en Portugal.

Reactivado o operativo de busca para dar co paradoiro do pescador de Boiro desaparecido dende a noite do luns na praia de Mañóns, en Abanqueiro.

O paro aumentou o pasado mes de setembro en todas as nosas comarcas, agás na de Caldas. O Salnés pechou setembro con 104 parados máis e no caso do Barbanza, o desemprego aumentou en 61 persoas.

A campaña do libre marisqueo na ría de Arousa ten trazas de non prolongarse moito no tempo, en vista do mal resultado das primeiras xornadas. Os rañeiros xa decidiron non volver hoxe aos Lombos da Ulla, dado que se confirmaron os peores temores mentres que en Cabío e O Bohído escasea a talla comercial.

O Concello Vilagarcía de Arousa "vén traballando arreo para restituír á maior brevidade posible” o alumeado público na urbanización do Piñeiriño. O PP culpa ao goberno local de "falta de implicación na busca de solucións".

En Cambados, siguen a voltas para recuperar o servizo nocturno da Policía Local. De darse o caso, sería, eso sí, a partir de xaneiro, de forma progresía e tan só para as madrugadas de venres e sábado.

O Concello de Ribadumia ven de adxudicar a mellora da rede municipal de alumeado público por importe de 38.500 euros, ive incluído, cofinanciada polo Plan Máis Provincia da Deputación,

En Sanxenxo, o servizo de transporte urbano de verán, implantado por primeira vez este ano polo Concello supuxo un custe duns 100.000 euros para as arcas municipais.

A flota da ría de Arousa inicia hoxe a campaña de libre marisqueo coa incerteza de se os principais bancos terán o producto suficiente para que todas as embarcacións consigan os seus cupos.

O Concello de Cambados completa a peonalización da contorna histórica de Fefiñáns. A partir deste xoves, a Praza de Asorey estará restrinxida á circulación rodada.

O PP de Cambados acusa ao Concelleiro de Cambados Pode , José Ramón Abal de propiciar, coa súa abstención no pleno, “ o taxazo” do Plan Madruga, así como de incumprir o seu compromiso de non permitir subas de impostos.

A Sociedade Estatal Acuaes retoma as obras que está a executar para a mellora da depuradora de Sanxenxo e o saneamento de Raxó, cun investimento duns 26 millóns de euros, e que foron suspendidas durante o período estival.

O recinto feiral de Fexdega, en Vilagarcía, acolle este sábado unha actividade para que a rapazada se inicie no motociclismo, organizada polo Motoclub VFM, no marco da súa xira 2024 por diferentes municipios de Galicia, en colaboración co Concello de Vilagarcía.

Comeza hoxe en Cambados o Festival Desfoga, un lugar de expresión artística do colectivo LGTBI, organizado pola compañía de teatro Caracol.

Sanxenxo celebra este domingo 6 de outubro, a partir das 10.30 horas, a primeira edición do Trofeo Vila de Portonovo de Kayak de Mar, con máis de 158 palistas e 24 clubes inscritos.

A campaña de libre marisqueo na ría de Arousa comezará este ano sen atrasos. O sector volverá a faenar o vindeiro martes 1 de outubro nos tres bancos principales de Os Lombos do Ulla, O Bohído e Cabío , ademáis das denominadas “outras zonas”.

A Sociedade Estatal Acuaes ven de adxudicar a execución e posta en marcha da nova depuradora da Illa de Arousa por importe de 7,5 millóns de euros. A intención de Acuaes é que os traballos comecen de inmediato

de xeito que estean finalizados a mediados de 2026.

O Instituto Social da Mariña ven de sacar a licitación a redacción do proxecto de reforma integral da Casa do Mar do Concello de Cambados por importe de 79.800 euros ive incluido.

Vilagarcía clausurou esta mañá o Obradoiro Labora Xove 23 no que se formaron 16 persoas nas especialidades de Socorrismo Acuático e Enerxías Renovables. O concelleiro de Promoción Económica e Emprego, Álvaro Carou, aproveitou o acto para reclamar, diante do delegado territorial da Xunta de Galicia, unha revisión dos criterios para a concesión destes obradoiros formativos.

O Concello do Grove xa ten coordinado coa subdelegación do goberno o operativo de tráfico e seguridade que se despregará con motivo da 61ª edición da Festa do Marisco.

O Concello de Cambados e a Real Academia Galega de Belas Artes convocan unha nova actividade como parte do programa do Ano Asorey.

Trátase do concurso escolar Reinterpretando a Asorey, dotado de 3.150 euros en premios.

O novo programa da Deputación de Pontevedra + Convivir, en colaboración coa Mancomunidade do Salnés, chega este sábado a Cambados nunha xornada lúdica e formativa dirixida ao movemento veciñal

O Club Xuventude de Baloncesto de Cambados organiza unha nova edición do Torneo do Albariño, en categoría senior femenino e masculino, que se celebrará este sábado 28 de setembro a partir das 18 horas no pavillón do Pombal.

O Barro C.F celebra este sábado a VIII RaxoFesta e reúne a 360 deportistas no Torneo San Breixo durante a fin de semana. A festa gastronómica ofrecerá baixo carpa no campo de Outeiro seis variedades de raxo a prezos de 4 a 7 euros.

O triatleta pontevedrés Javier Gómez Noya anunciou esta mañá a través das súas redes sociais a súa retirada, tras unha carreira deportiva plagada de éxitos ante a dificultade de manter o nivel de exixencia da competición de élite.

Importante cita a que manteñen este mediodía os patróns maiores das confrarías de Arousa coa Consellería do Mar en Santiago sobre o resultado dos muestreos nas zonas de libre marisqueo

Ainda que todavía algunhas adegas do Rosal e da Ribeira do Ulla non pecharon a colleita, a D.O Rías Baixas xa adianta que se superan as estimacións iniciais. Ata o momento lévanse vendimados un total de 41,3 millóns de kilos de uva, 300.000 máis das previstas.

A Xunta de Galicia está completando os últimos detalles do Plan Especial de Ordenación Portuaria de Cambados para poder remitilo o antes posible ao Concello e que sexa aprobado definitivamente no pleno da corporación tras anos de complicadas tramitacións.

O PP de Cambados anunciou hoxe que este xoves no pleno da corporación votará en contra da proposta do goberno local de incrementar as taxas do Plan Madruga de 4 a 18 euros mensuais.

A Asociación Acción Contra el Hambre pon en marcha en Vilagarcía unha nova edición do programa Vives Emprega, a través dun convenio de colaboración co Concello dotado con 17.000 euros de aportación municipal.

Suelo Empresarial del Atlántico (SEA), a sociedade estatal que xestiona o polígono industrial de Baión, en Vilanova, ven de adxudicar tres nuevas parcelas a dúas empresas: á firma Kin Alimentaria e á empresa Conservera Gallega.

A área empresarial de Campaña e Xanza, en Valga, afronta unha nova fase de obras para mellorar o seu sistema viario coa ampliación do ancho da estrada, creación de beirarrúas e un tramo de senda peonil cun investimento de case 150.000 euros, cofinanciados entre o Concello e a Consellería de Economía e Industria.

A segunda edición de A Carreira de Leo que se celebrará este domingo 29 de setembro en Meis, pechou hoxe o prazo de inscrición con mais de mil persoas inscritas no evento, apadrinado este ano polo actor Carlos Blanco e a piragüista olímpica Teresa Portela.

O Concello do Grove fará público o 9 de outubro quen será a persoa galardoada este ano na XX edición do Premio Nacional de Gastronomía Tradicional “Lola Torres”, convocado pola Fundación Amigos de Galicia, en colaboración co Concello do Grove, a Axencia de Turismo de Galicia e o Centro Superior de Hostelería de Galicia.

A Deputación de Pontevedra ultima o encontro literario e artístico Pontevedra Literaria. Xuventude e Artes, que se celebra baixo o lema “Vivir das letras” e que traerá en outubro ao Museo de Pontevedra a escritores cunha gran traxectoria internacional consolidada.

A Policía investiga o último episodio de incendios urbanos sobre vehículos en Vilagarcía, que aconteceu sobre as seis desta madrugada na contorna do río Con, entre as rúas Rodrigo de Mendoza e Castiñeiro.

O Concello de Cambados finalizou o acondicionamento da rede de miradoiros creados en diferentes espazos do litoral cambadés E para dalos a coñecer entre a veciñanza e empezar a disfrutalos, inicia unha serie de actividades que terán lugar nos diferentes espazos.

As axudas municipais creadas polo Concello de Vilagarcía para preservar as masas arbóreas do municipio e previr incendios forestais permitiu este ano acondicionar outras 46 hectáreas de monte.

O Partido Popular de Vilagarcía denuncia que o Concello pode perder 110 mil euros subvencionados pola Deputación polos retrasos do skatepark do Cavadelo.

O Concello de Vilanova poderá seguir adiante co proxecto de creación dun centro de talasoterapia e piscina municipal no Terrón tralo informe favorable de Costas do Estado.

O grupo municipal do BNG de Meaño solicitará na sesión plenaria deste mes de setembro que o Concello analice de xeito periódico o estado de salubridade das fontes do municipio e cubra de xeito inmediato a praza de administrativo.

O Concello de Ribadumia abriu o prazo de inscripción para asistir ás actividades municipais de lecer e tempo libre, tanto para menores como para adultos e senior.

O Concello de Vilagarcía inicia a programación teatral de outono inverno coa primeira representación da tempada. A compañía Teatro Anónimo porá en escea este venres 27 de setembro a obra “Medea”, un dos grandes clásicos da traxedia grega.

A Sala Nauta acollerá o 4 de outubro a charla “La magia de conocer a las personas” impartida por Sandra Mesías e organizada desde a Concellería de Educación de Sanxenxo dirixida por Nati Parada.

A praia de Montalvo acolle esta fin de semana unha nova edición do Rock&Long Festival, un encontro entre os afeccionados ao surf e á música organizada por Toño Alarcón e Esmeralda Abal, de Kannion Surf, e Walter Nieto, deseñador de táboas de longboard.

Este lunes comezou a campaña de vacinación contra a gripe e a covid-19 nos colectivos máis vulnerables.

Na área sanitaria de Pontevedra e o Salnés, esta primeira xornada de vacinación iniciouse na residencia de maiores de Vilaboa, onde se inocularon arredor de 200 doses a persoas usuarias e persoal.

A criminalidade na provincia de Pontevedra descendeu en todo o territorio entre xaneiro e agosto: un 0,54% nas cidades e un 1,56% no ámbito rural

Son os datos ofrecidos hoxe trala celebración da xunta de seguridade provincial polo subdelegado do goberno Abel Losada.

A Deputación da por rematadas as obras de mellora da seguridade viaria executadas na estrada EP-8004, entre Caldas e Vilanoviña, en Meis. Os traballos foron supervisados esta mañá polo presidente da Deputación, Luis López.

O Concello de Vilagarcía ven de adxudicar por importe de 23.000 euros a instalación do sistema fotovoltaico na Praza de Abastos de Vilaxoán que xerará enerxía para o autoconsumo do edificio, conseguindo un importante aforro na factura eléctrica.

A Marcha Ciclista Unificada de Special Olympics, volverá un ano máis a Vilagarcía.A doce edición do evento chegará o 6 de outubro á capital arousá na última súa última etapa e tras percorrer catro provincias galegas.

Sanxenxo acollerá esta fin de semana a máis de 500 profesionais sanitarios no 30 Congreso Galego de Hipertensión e Xornadas de Enfermería sobre Risco Vascular que se celebrarán en el Hotel Carlos I e no Gran Talaso Hotel Sanxenxo.

A Asociación Veciñal Breogán, do barrio de O Piñeiriño de Vilagarcía, organiza a partir de outubro clases de pandeireta e de baile tradicional galego no Centro Cultural Breogán. As actividades serán todos os xoves pola tarde.

A comarca do Salnés volveu rexistrar en agosto datos turísticos de record.

Segundo as cifras presentadas esta mañá pola Mancomunidade do Salnés, case medio millón de turistas estiveron aloxados ao longo do mes de agosto, e case dous millóns de persoas visitaron algún dos concellos da comarca.

A demora da construcción do novo cuartel da Garda Civil chega ao Congreso dos Deputados.

O grupo parlamentario de Sumar rexistrou esta semana varias preguntas ao goberno de España para saber cándo se reanudarán as obras, paralizadas dende hai dous anos por problemas técnicos xurdidos na fase da cimentación.

O Concello de Cambados proxecta a creación dunha mariña tradicional no peirao antigo da localidade.

Así se comprometeu esta mañá o Concelleiro de Patrimonio, Liso González, que anunciaba o inicio de conversas con Portos de Galicia.

Para promover a cultura marítima galega, o Club Mariño do Salnés organiza unha nova xornada de iniciación á vela tradicional que se celebrará este sábado 28 de setembro.

Concello de Vilagarcía e UPTA comparten as súas propostas para dinamizar a praia da Concha-Compostela, nun encontro celebrado na Casa Consistorial entre o alcalde, o Concelleiro de Turismo e responsables da asociación de traballadores autónomos.

Sanxenxo inicia este vindeiro luns o Ciclo de FP Dual de Hostelería e Restauración con matrícula completa.

A sociedade pública privada Recursos De Galicia e a Xunta asinan en Cambados un acordo para impulsar o autoconsumo verde nos polígonos industriais e portos de Galicia.

O Concello de Vilagarcía e a empresa Fundivisa asinan o cuarto convenio de colaboración para formar a unha quincena de persoas con compromiso de contratación para catro delas.

As reclamacións da comunidade educativa de Rianxo en demanda de máis profesorado e mellores instalacións volverán ao parlamento de Galicia, neste caso da man do BNG.

As Rías Baixas e gran parte de Galicia permanecen baixo ceos cubertos por unha espesa capa de fume procedente dos incendios que asolan o norte de Portugal.

En Cerdedo-Cotobade, a Consellería de Medio Rural, da por estabilizado o incendio declarado en Aguasantas a pasada tarde, que queimou unha superficie de 20 hectáreas.

O auditorio de Vilagarcía acolleu as conclusións do proxecto TransformAr, un estudo realizado sobre a ría de Arousa para comprobar o Índice de Resiliencia do mexillón e a monitorización de bateas sensorizadas en tempo real.

Ata o parlamento de Galicia chegaron hoxe da man do grupo socialista as protestas da comunidade educativa de Rianxo en demanda de melloras nos tres centros do municipio.

Sanxenxo recibiu xa a o grupo de setenta inmigrantes de Mali, procedentes de distintos puntos de España, que se aloxan dende hoxe nun hotel da praia de Areas.

Bodegas Martín Códax entregou hoxe as asociación beneficiarias os 50.000 euros da recadación conseguida nos concertos da XI edición de “Os Xoves de Códax”,