Vilagarcía súmase á Campaña de Reciclaxe de Vidro durante o verán que a empresa Ecovidro pon en marcha en diferente concellos turísticos e costeiros de Galicia.

Na iniciativa participarán 35 establecementos do municipio, que recibirán sen coste os contenedores de reciclaxe.

Segundo os datos de Ecovidrio, a reciclaxe deste material en Vilagarcía sitúase algo por baixo da media galega, con pouco máis de 13 kilos por habitante.

Son os datos que se explicaban esta mañá durante a presentación da campaña por parte do delegado territorial de Ecovidrio, Germán Fernández, e o concelleiro de Obras e Servizos, Lino Mouriño.

O delegado territorial da Xunta en Pontevedra, Cores Tourís, continúa coa sua rolda de entrevistas nos concellos nos que houbo cambio de gobernos saídos dos comicios de maio.

Touris reuniuse esta mañá co bipartito de Barro e recolleu as inquedanzas do equipo de goberno nun encontro co alcalde Xosé Manuel Fernández Abraldes, do BNG, e co teniente de alcalde José Sanmartín, do PSOE.

Durante o encontro, o bipartito transmitiulle, entre outros temas, a necesidade de melloras da seguridade vial na PO 531 en Curro.

Unha demanda que Cores Tourís recolleu anunciando a recuperación do proxecto xa elaborado con novas partidas presupostarias.

Alberto Varela retomará as negociacións cos grupos da oposición para sacar adiante o organigrama do seu executivo.

Despóis de que o primeiro pleno da corporación tumbase a súa proposta económica, o alcalde de Vilagarcía está disposto a reunirse de novo con todos os grupos, pero apelando ó sentido da responsabilidade da oposición.

I e que nin o salario do alcalde, nin as liberacións e cargos de confianza, nin tampouco as retribucións por asistencias a plenos e comisión mereceron o voto favorable da sesión organizativa.

Tal como anunciaran, PP, Esquerda Unida e Somos Maioría votaron en contra da proposta do PSOE, ó non consideralo acorde cos tempos que corren.

O úico apoio que recibiu o grupo de gobernó foi o do BNG, mediante a súa abstención.

Agora, Alberto Varela debe equilibrar unha situación que pasará por novas negociacións.

O alcalde considera que o plasmado no pleno de onte é “un intento de demostración por parte da oposición de que este gobernó está en minoría”

Sigue mantendo o rexedor que a súa proposta económica é moi razoable e avanza que “estamos dispostos a chegar a acordos pero sen a imposición da forza menos votada”.

Así nolo decía Alberto Varela en AROUSA PONTEVEDRA DIA A DIA, en conversa con Alba Piñeiro.

Cambados dispón xa para o seu uso do remodelado pabillón do Instituto Ramón Cabanillas.

As obras de reforma integral, realizadas pola Deputación de Pontevedra cun investimento duns 750.000 euros, no que se incluiu a reforma do campo de futbol do Pombal, están xa rematadas e foron supervisadas esta mañá polo presidente da institución provincial Rafael Louzán, e o Concelleiro de Cultura e Deportes, Victor Caamaño.

Dende ambas partes, satisfacción polo resultado.

Así o reflexaban nas súas declaracións, que recollemos en AROUSA PONTEVEDRA DIA A DIA.

O grupo parlamentario do BNG vai presentar iniciativas na Cámara Galega solicitando a dotación do persoal necesario para o Hospital do Salnés, a apertura da terceira planta en setembro e a mellora do aparcamento.

Así llo trasladou esta mañá a deputada Montse Prado á Xunta de persoal do Hospital do Salnés nun encontro mantido no centro comarcal, xunto con membros do BNG da comarca de Arousa.

O encontro produciuse despois das primeiras protestas por parte do persoal sanitario contra o peche da terceira planta do centro de Ande durante o verán decretado pola Xunta.

No caso do área de xestión integrada de Pontevedra e O Salnés, este ano son 98 camas as que quedan sen servizo, doce máis que o ano pasado, segundo os cálculos dos sindicatos.

En AROUSA PONTEVEDRA DIA A DIA recollemos as propostas do BNG.

A empresa Extrugasa, en Valga, recibiu esta mañá a visita do director do IGAPE, Javier Aguilera, a modo de recoñecemento institucional do labor que ven realizando a firma líder en fabricación e acabado da perfilería de aluminio.

Con 50 anos de existencia, Extrugasa aposta pola internacionalización co presencia en 50 países e unhas óptimas perspectivas de futuro.

Son as impresións que nos contaban para AROUSA PONTEVEDRA DIA A DIA o director do IGAPE e o propietario de Extrugasa, Andrés Quintá, en conversa con Alba Piñeiro.

Vilanova pon en marcha os primeiros cursos que se impartirán no rehabilitado Pazo de Vista Real.

Serán, concretamente dous cursos, homologados pola Consellería de Traballo e Benestar, de Agricultura ecolóxica e Instalación e mantemento de xardíns e zonas verdes, que comezarán a finais deste mes ou principios de agosto.

Están destinados para desempregados para cada un deles ofértanse 15 prazas. O tempo de inscripción remata o 16 de xullo.

Os detalles, que recollemos en AROUSA PONTEVEDRA DIA A DIA, desvelábaos esta mañá a concelleira Nuria Morgade.

A Variante Espiritual do Camiño de Santiago conseguiu converterse nunha marca propia, deixando de ser simplemente un camiño a Santiago.

Así o considera un dos responsables , Tino Lores, que tamén daba esta mañá as cifras de peregrinos que escolleron a Variante Espiritual neste primeiro semestre, cun notable incremento con respecto o ano pasado.

800 peregrinos pasaron pola Ruta do Salnés procedentes de países tan dispares como Alaska, EEUU, Lituania, República Checa, Costa Rica ou Canadá.

Datos que recollemos en AROUSA PONTEVEDRA DIA A DIA.

O comedor escolar de verán que pon en marcha o Concello de Vilagarcía será en Fexdega en lugar do colexio de A Lomba, por cuestións de operatividade.

Trátase así de evitar o traslado dos nenos que participan nos campamentos de verán que dende onte se están realizando no recinto feiral.

A finalidade do comedor escolar de verán é, ó igual que os campamentos, conciliar a vida familiar e laboral, cunha partida económica de 20.000 euros. Está previsto que se inicie o vindeiro día 15 de xullo para prolongarse ata o 30 de agosto.

O prazo de inscripción para as 100 prazas ofertadas ábrese a semana que ven e o cátering será seleccionado de entre as empresas presentadas.. en todo caso terá que estar especializada en menús escolares.

Os detalles aportábaos esta mañá a Concelleira de Benestar Social, Tania García, que tamén solicitaba unha maior implicación da Xunta para o ano que ven.

Somente dous aspirantes presentáronse esta mañá ás probas de socorristas para as praias de Vilagarcía.

A escasa cuantía económica da que dispón a administración municipal para retribuir ós vixiantes está a provocar que éstes prefiran outros destinos como os areais de Sanxenxo e O Grove, onde os importes económicos son maiores.

Así que, agora o goberno local deberá realizar unha segunda convocatoria para cubrir os postos de vixiancia nas praias de O Preguntoiro e O Campanario.

Desvelábao esta mañá o alcalde, Alberto Varela, nunha rolda de prensa na que anunciaba a convocatoria do pleno organizativo para o vindeiro luns ás 17 horas, e a reunión que esta tarde manterá cos novos propietarios de Lantero.

Un encontro que, segundo o rexedor, será meramente institucional e de presentación.

As súas palabras recollémolas en AROUSA PONTEVEDRA DIA A DIA.