Cambados celebra o domingo a VI edición da Carreira popular coa participación de atletas de élite.

A proba, de 10.000 metros de percorrido, está homologada pola Real Federación Española de Atletismo, de xeito que as marcas que se consigan terán carácter oficial.

A saída será ás 10,30 horas da Praza de Fefiñáns, nun circuito que perocorre en varias voltas o Paseo Marítimo, San Tomé, Monte Sacro para regresar de novo a Praza de Fefiñáns.

A organización agarda unha previsión duns 500 participantes, tendo en conta que de momento xa hai case 300 inscripcións e o prazo pecha o xoves as 23 horas a través da paxina web emesport.es ou na oficina de deportes do Concello.

Os pormenores da proba detallábanos esta mañá o concelleiro de deportes, Victor Caamaño, e o técnico do departamento Alfredo

Oliveira, nunha rolda de prensa que recollemos en AROUSA PONTEVEDRA DIA A DIA.

A Mancomunidade do Salnés segue promovendo os contactos con operadores turísticos de Alemaña e para tal fin, unha delegación da entidade comarcal viaxou esta semana a Hamburgo e a Kiel, encabezada polo presidente da mancomunidade e alcalde de Vilanova Gonzalo Durán.

Os detalles explicábaos esta mañá Gonzalo Durán en rolda de prensa, na que tamén avanzou o estado dalgunhas das obras que están en marcha no municipio.

Tal é o caso da conversión do pabillón de deportes en multiusos, que se adxudicará en dúas semanas, e a rehabilitación do Pazo de Vista Real, cuxas aulas para acoller o obradoiro de emprego estarán listas en mes e medio.

As declaracións de Gonzalo Durán recollémolas en AROUSA PONTEVEDRA DIA A DIA.

Numerosos veciños de Meis manifestáronse esta mañá en protesta pola actualización do censo do Catastro, que lles exige o pago dunha taxa polas obras realizadas nas súas propiedades.

A medida, realizada a través do ORAL, supón un pago complementario do Imposto de Bens Inmobles, que, nalgúns casos supera os 1.000 euros por ter carácter retroactivo dende hai tres anos.

A convocatoria veciñal, que estivo apoiada polos grupos da oposición, PSOE e BNG, saiu do Campo da Feira para rematar ante a casa consistorial.

Os afectados solicitan ó Concello máis información sobre a medida, que, aseguran, foi solicitada pola administración municipal, e a posibilidade de fraccionar os pagos.

Así nos contaban a súa situación para AROUSA PONTEVEDRA DÍA A DIA, a concelleira socialista Marta Giráldez e Ramón Prado, un dos veciños afectados.

Con eles estivo Alba Piñeiro.

Lantero vende as súas fábricas de cartón ondulado á empresa británica DS Smith, por 190 millóns de euros.

A operación enmárcase dentro do proceso de expansión que dende hai dous anos a firma europea está a relizar en España.

A previsión dos promotores do proceso é acadar a autorización neste terceiro trimestre do ano e pechar así a transacción dentro do ano en curso.

DS Smith posuía xa o 25% das accións do grupo Lantero.

A venda afecta ás plantas que Lantero Galicia ten en Vilagarcía e A Pobra e está suxeita á aprobación da Autoridade de Competencia, pero non así os terreos que a cartoneira posúe en Rosalía de Castro, sobre os que dende hai anos pretende un proxecto de urbanización suxeito a un convenio co Concello.

A dirección de Lantero explica que a venta obedece ó seu Plan Estratéxico para concentrar os seus esforzos no crecemento das divisións de embalaxe de plástico.

A plantilla ainda non ten coñecemento oficial da venda e dende o comité de empresa están a espera de información directa da dirección para convocar unha asemblea informativa.

De principio, asumen o proceso con certa tranquilidade, agardando que o novo propietario manteña os mesmos postos de traballo.

O presidente do comité de empresa, Jesús López, explicábanos en AROUSA PONTEVEDRA DÍA A DIA, que a operación non lles colle por sorpresa xa que hai dous anos que o grupo Lantero ven realizando transaccións semellantes noutras plantas do resto de España.

DS Smith é líder europeo na fabricación de embalaxe de cartón ondulado e opera en 23 países cunha plantilla de máis de 24.700 traballadores.

O edificio de usos náuticos de A Illa licitarase a vindeira semana e estará listo para o seu funcionamento o ano que ven.

Son as previsións do presidente en funcións da Deputación de Pontevedra, Rafael Louzán, que esta mañá asinou co alcalde de A Illa, Carlos Iglesias, o convenio de colaboración para a construción do edificio de usos náuticos.

Investiranse 1,7 millóns de euros, dos que o Concello achegará 550.00 euros.

A nova instalación deportiva localizarase nunha parcela de 4.000 m2 que o Concello puxo á disposición, próxima á praia do Bao.

En AROUSA PONTEVEDRA DIA A DIA recollemos as declaracións da sinatura do convenio.

PSOE, BNG, Somos Cambados e Cambados Pode retoman esta noite as negociacións para tratar de pechar o acordo de coalición para os próximos catro anos.

A reunión será ás 21.00 horas, e os catro grupos insisten en que hai vontade para selar o pacto, pese ás discrepancias que poidan existir por parte do BNG.

Sobre o encontro desta noite pronunciábase esta mañá o edil de Cambados Pode, Jose Ramón Abal, nunha improvisada rolda de prensa na Illa de As Goritas, a onde acudiu ó acto de apertura do novo aparcamento promovido por Portos de Galicia.

As súas declaracións, realizadas entre ráfagas de vento, recolleurnas Alba Piñeiro para AROUSA PONTEVEDRA DIA A DIA

Vilanova acolle este domingo ás 20.30 horas a primeira edición da Festa da Música, que se unirá a outras celebracións semellantes en todo o mundo durante esa xornada, xa que está previsto que o evento teña lugar en máis dun cento de países e en 350 cidades.

O obxectivo é levar a música ao maior número de localizacións, e persoas polo que van ser as prazas e rúas do centro urbano de Vilanova as que servirán de escenario, concretamente, a Praza dos olmos, a Praza do castro, o Xardin Umbrio e o paseo marítimo.

Todo elo nun programa que será totalmente gratuíto e aberto a todos os públicos.

Estarán presentes colectivos como a Escola de Música, a asociación Amigos da Música, as comparsas Vellas Glorias, Golfiños e A Carabuxa, así como o colectivo de gaitas O Con Grande.

Así o explicaban esta mañá as organizadoras do evento nunha rolda de prensa que recollemos en AROUSA PONTEVEDRA DIA A DIA.

O concello de Vilagarcía prohibirá os circos con animais no municipio, baixará o IBI do 0,60 actual ó 0,58 e non permitirá a tala de máis árbores na Praza de España.

Son as primeiras medidas anunciadas este mediodía polo alcalde Alberto Varela, nunha rolda de prensa na que fixo balance da súa primeira semana de goberno.

En cuestións organizacións, xa se puxo en contacto cos grupos da oposición cara a preparar o pleno no que deben aprobarse o reparto das concellerías e as retribucións.

Sobre o seu soldo, anuncia que cobrará 2.500 euros netos mensuais, 600 euros máis que o salario que percibía como asesor urbanístico do Concello.

Considera Alberto Varela que é un salario que se corresponde coa responsabilidade dun rexedor dunha cidade como Vilagarcía.

En AROUSA PONTEVEDRA DIA A DIA recollemos as declaracións de Alberto Varela na rolda de prensa que seguiu Alba Piñeiro.

As obras de remodelación do campo de futbol de O Pombal están rematadas pero á espera de recibir a documentación de fin de obra.

Uns días máis tardarán os traballos de reforma do pabillón do Instituto Ramón Cabanillas, que estarán listos dentro dun mes.

Os concelleiros de goberno de Somos Cambados e Cambados Pode, Tino Cordal e José Ramón Abal, supervisaron esta mañá o estado de ambas actuacións, financiadas cun investimento de 800.000 euros da Deputación.

No caso do pabillón do Cabanillas, trátase dunha remodelación integral dos 1.500 metros cadrados que ocupa, sustituíndo a pista actual por outra de material de última xeración.

A nova instalación poderá empregarse para a práctica de fútbol sala, baloncesto, balonmán de voleibol.

E no que respecta ó campo de futbol de O Pombal, contará a partir de agora cun novo céspede de herba artificial de maior calidade que o anterior.

O que queda pendente neste caso para proceder á súa inauguración é o remate das pistas de tenis.

Os traballos eran supervisados esta mañá polos concelleiros Tino Cordal e José Ramón Abal, que, ademáis, tamén se referían ó desarrollo das negociacións do pacto de goberno.

Segundo ambos edís, as conversas van por bo camiño, agardando que o acordo entre as catro formacións se poida asinar nos vindeiros días.

E en canto ás posibles reticencias entre os concelleiros do BNG, publicadas en La Voz de Galicia, tanto Tino Cordal como José Ramón Abal aseguraron descoñecer a súa existencia.

Con eles falamos falou esta mañá para AROUSA PONTEVEDRA DIA A DIA Alba Piñeiro.

A ANPA Arco de Fefiñáns, do IES Ramón Cabanillas de Cambados, que puso en marcha o seu propio banco de libros hai un par de anos, está traballando na creación do sistema do curso próximo.

Para dar a coñecer as novidades cara o novo curso, a ANPA convoca para esta tarde unha asemblea ás 20.30 horas no salón de actos do centro.

Sobre todo elo falamos en AROUSA PONTEVEDRA DIA A DIA con Victor Cacabelos, presidente da ANPA Arco de Fefiñáns.