Vilanova ten xa fibra óptica en todo o municipio, que vai a dar mellores prestacións á rede WiFi e, ademáis, posibilitar a instalación de cámaras de vixiancia.

De momento, as cámaras somente estarán ubicadas no Polígono de Tremoedo, pero coa previsión de poñelas tamén noutras zonas públicas do municipio, como en Vista Real.

Nas vivendas, somente se instalarán se os vecinos as solicitan.

En todo caso, o Concello debe agardar ainda á que a subdelegación de goberno lle conceda a autorización correspondente.

Anunciábao esta mañá o alcalde de Vilanova Gonzalo Durán, nunha rolda de prensa que recollemos en AROUSA PONTEVEDRA DIA A DIA.

A doazón de sangue e de órganos segue sendo primordial para salvar vidas.

Para concienciar delo á cidadanía, Vilagarcía celebra mañá o Día Internacional de Doazón de Órganos, coa implicación da Asociación de Doantes e Receptores de Órganos de Vigo e do centro de Transfusions de Galicia.

Durante as xornadas do venres e o sábado, habilitarse unha mesa informativa na rua Castelao, para explicar en que consiste a donazón de órganos e tamen a de médula.

Ainda que as de sangue baixaron en Galicia, a comarca do Salnés e especialmente Vilagarcia conseguiron que os seus resultados fosen favorables un ano mais. En Vilagarcia rexistraronse un total de 1670 doazóns de sangue durante o 2014.

Así o explicaban esta maña en rolda de prensa o presidente de ADROVI, Asociación de Doan-tes e Receptores de Órganos de Vigo , Ce¬lso García Estévez e o representante do ¬centro de Transfusións de Galicia, Anton¬io Carcedo, e que recollemos en AROUSA PONTEVEDRA DIA A DIA

A Asociacion Neen@s Sanxenxo iniciou hoxe o seu proxecto de apoio infantil cunha serie de actividades nos centros educativos do municipio.

Un contacontos no colexio de Vilalonga pola mañá e unha charla-debate moderada polo psicopedagogo Tomás Mañas, ás 20 horas no auditorio do Pazo Emila Pardo Bazán, son as primeiras iniciativas deste colectivo, que busca a integración dos nenos con necesidades educativas especiais.

A presidenta de Nen@s Sanxenxo, María José Cobas, contábanos o seu proxecto en AROUSA PONTEVEDRA DIA A DIA.

O alcalde en funcións de Vilagarcía, Tomás Fole, ofreceu a Alberto Varela a colaboración do seu equipo de goberno para realizar o traspaso de poderes, unha vez que o socialista teña formalizadas as diferentes áreas do novo executivo.

Tomás Fole desvelou en rolda de prensa que esta mesma mañá mantivo unha reunión co seu sucesor na que tamén lle aconsellou, “dende a experiencia, máis prudencia e menos celeridade” no proceso das negociacións.

Neste sentido, considera o alcalde en funcións que a precipitación está a provocar que Alberto Varela xa recibira as primeiras “calabazas” e pediulle maior transparencia sobre o contido das conversas coas outras formacións.

As declaracións de Tomás Fole recollémolas en AROUSA PONTEVEDRA DIA A DIA.

PSOE, BNG, Somos Cambados e Cambados Pode tentan avanzar cara un pacto de goberno.

As catro forzas políticas celebraron esta pasada noite no Parador de Cambados a primeira reunión e tralo encontro as catro forzas políticas aseguraban, nun comunicado conxunto que “despois de encontrar moitos puntos de acordo as negociacións van seguir adiante nos próximos días”.

En AROUSA PONTEVEDRA DIA A DIA falamos coa candidata do PSOE, Fátima Abal, que nos confirmaba que as catro formacións teñen a «vontade» de dar un cambio político ó municipio ainda que mantendo a cautela sobre o resultado das negociacións.

Neste sentido, Fátima Abal, recoñecía que a súa condición de ostentar a alcaldía empeza a ser tamén negociable.

A baza máis imprevisible segue a ser Cambados Pode, formación tentada tamén polo Partido Popular para conseguir a reválida de Luis Aragunde.

Satisfacción pero tamén cautela no PSOE de Caldas, tras coñecer que consigue a maioría absoluta.

A Xunta electoral de zona de Pontevedra deu validez ós dous votos anulados na xornada electoral, que favorecían á candidatura socialista.

As papeletas, que correspondían á mesa electoral de San Clemente, foran cortadas pero sen afectar ós nomes da candidatura, polo que ó PSOE entendía que o sentir dos electores estaba claro e non procedía declaralas nulas.

A falta de coñecer o contido exacto do acordo da xunta electoral de zona, o órgano supervisor, por unanimidade, deu por válidos os dous votos que lle outorgan a maioría absoluta ó PSOE.

En calquera caso, a decisión non é firme polo que ainda cabe a interposición de recursos.

Por tal motivo, o alcalde de Caldas e candidato socialista, Juan Manuel Rey, amosabanos en AROUSA PONTEVEDRA DIA A DIA a súa satisfacción pero tamén apelaba à prudencia.

A intención anunciada polo PSOE provincial de beneficiar a Vigo nos futuros orzamentos da Deputación, que nas últimas horas puxo en alerta a parte das formacións políticas das nosas comarcas, tivo tamén esta mañá resposta por parte do presidente en funcións do organismo provincial.

Rafael Louzán advertía ó BNG sobre as consecuencias do pacto co PSOE e animaba ós nacionalistas á reflexión.

Palabras de Louzán que recollemos en AROUSA PONTEVEDRA DIA A DIA.

Os alumnos de terceiro de primaria enfróntanse entre hoxe e mañá á proba da reválida, unha evaluación individualizada comtemplada na Lomce que xenerou moita discrepancia entre os país dos alumnos.

A única forma de evitala é non asistir ó colexio durante ambas xornadas.

Nos centros de primaira de Vilagarcía, a metade dos alumnos non acudiron ás aulas e algúns dos que sí o fixeron presentaron os informes paternais sobre a disconformidade da proba.

Nolo contaba en AROUSA PONTEVEDRA DIA A DIA con Loli Lago, presidenta da Coordinadora de ANPAS de Vilagarcía.

A Asociación Cambados Zona Centro pon en marcha a IV edición do concurso “De pinchos, ….por Cambados ”, que se celebrará os vindeiros días 29, 30 e 31 de maio.

Desta volta, serán oito establecementos de hostalería participantes, que servirán, cada un deles dous pinchos, ó prezo de 1€ a unidade. Os pinchos poderanse degustar en horario de 12.00 a 15.00h. e de 20.00 a 22.30h.

Cada local participante poñerá a disposición dos seus clientes as papeletas de votación, nas que se deberán valorar do 1 ao 5, cada un dos pinchos, entendendo 5 como a máxima puntuación.

Como novidade, esta edición contará cun xurado, que estará formado por un representante da hostalería local, un representante do Concello, e un representante da asociación Cambados Zona Centro.

Así, o gañador do concurso será aquel establecemento, cuxo pincho acade a maior puntuación media, sumando a votación popular e a valoración do xurado.

Tamén haberá agasallos para os clientes. A asociación sorteará entre todos aqueles que percorran os establecementos participantes, unha cesta de produtos “gourmet”, así como 8 vales compra de 25€ cada un.

Paralelamente, con motivo destas xornadas, o sábado 30, ás 18.30 horas, no Salón José Peña, realizarase un taller gratuíto de corte de xamón.

Ademais, na Praza do Concello, teremos a ocasión de ver o coche do equipo “Galventus Team”, gañador do rallie solidario “ Clio Raid Marraquech ”, organizado polo expiloto Chus Puras, e patrocinado pola asociación Cambados Zona Centro.

Son os detalles da presentación do evento celebrada esta mañá no salón de plenos de Cambados, por parte do presidente de Zona Centro, Juan Rey, e un representante dos establecementos participantes.

Todo elo recollémolo en AROUSA PONTEVEDRA DIA A DIA..

O presidente en funcións da Deputación e líder do PP provincial, Rafael Louzán, anunciou esta mañá que non formará parte da institución provincial no caso de que chegue a bo termo o máis que previsible pacto entre o PSOE e BNG para dirixir a deputación nos próximos catro anos.

Neste contexto, Louzán avanzou que non ocupará ningún escano provincial se un pacto entre socialistas e nacionalistas lle arrebatan a institución provincial.

Asimesmo, tamén advertiu das consecuencias que terá para a provincia a coalición PSOE-BNG, e mesmo cuestionou a súa viabilidade, mencionando o que considera “desavenenzas ou diferenzas importantes, sobre todo no modelo que queren, e no ámbito das persoas que podan compoñer a futura corporación ou equipo de goberno”.

Referíase así as relacións entre quen ocuparía a presidencia da Deputación, a viguesa Carmela Sivla, man dereita de Abel Caballero, e quen ostentaría a vicepresidencia, César Mosquera, ideólogo do modelo pontevedrés do BNG.

En todo caso, o líder do PP provincial asegurou que non porá problemas para o traspaso de poderes.