A Coordinadora de Anpas de Vilagarcía, manifesta o seu total apoio aos pais e nais dos nenos e nenas matriculados para o vindeiro curso na Escola Unitaria de O Pedroso, en Bamio, ante a posibilidade de peche por falta de alumnos.

Asegura a coordinadora que "os pais teñen todo o dereito a que se respete a súa decisión de ter matriculados alí os seus nenos, aínda que sexan 4. É a administración a quen ten que garantizar que non se permita que mentres hai coles masificados, onde hai clases de nenos de 3 anos con 25 alumnos, resulta que se pechan escolas porque non hai suficientes nenos".

Considera o colectivo de ANPAS que esta incerteza sobre que vai pasar cos seus fillos para o vindeiro curso, "deixa ós pais nunha situación complicada para poder conciliar tamén a súa vida laboral e familiar".

A presidenta do colectivo, Loli Durán, decíanos en AROUSA PONTEVEDRA DIA A DIA, que o peche non vai supoñer ningún aforro e pola contra infrautilizarase un centro que ten as mellores condicións para a educación das primeiras etapas.

Os hosteleiros do Grove poñen en marcha o

II Concurso de Pinchos que terá lugar do 15 ó 31 de maio.

Nove locais volverán participar nesta iniciativa, con propostas culinarias para todos os gustos.

Cada establecemento ofrecerá dous pinchos diferentes, ó prezo de 1,80 euros, que serán valorados nun Concurso que é idéntico á pasada edición. Haberá votos do público e dun xurado profesional e o gañador sairá dunha media entre ambos ditames.

Ademáis, o público participante, só por votar xa entra tamén nun sorteo de diferentes agasallos.

E paralelamente á cita gastronómica, desenvolveranse diferentes actividades complementarias: Inchables para os nenos, talleres de cociña infantil, microteatro ou catas de viño e de whisky son algunhas das propostas das que poderán gozar os que se acheguen ó Grove a partir do día 15.

Pois para saber os detalles falamos en AROUSA PONTEVEDRA DIA A DIA con Alberto Figueiro, organizador do evento.

O candidato socialista á alcaldía de Vilagarcía asegura que o alcalde Tomás Fole minte cando di descoñecer todavía o uso previsto para a parcela de Megasa.

Alberto Varela fixo público esta mañá unha acta do consello de xerencia de urbanismo con data 14 de maio de 2013 onde o informe do arquitecto municipal dí que estaría destinada a unha superficie municipal.

Ademáis, tamén presentou un plano urbanístico no que na zona da parcela de Megasa apréciase que “pon estado final Alcampo”.

Tamén argumenta o candidato socialista por qué asinou o expediente favorable sendo asesor legal do concello e agora como alcaldable solicita a súa paralización: unha cousa, dixo, é o que debe facer como profesional e outra distinta é o modelo urbanístico que o Psoe quere para Vilagarcía.

Así contestaba Alberto Varela a Tomás Fole nunha rolda de prensa celebrada hai uns minutos e que recolleu para AROUSA PONTEVEDRA DIA A DIA Alba Piñeiro.

O alcalde de Vilagarcía, Tomás Fole, xustifica a aprobación do proxecto de urbanización de Megasa reiterando que non pode incumplir a lei.

Tomás Fale sae así ó paso do acontecido no consello da Xerencia de Urbanismo celebrado onte no que o documento se aprobou definitivamente únicamente coa presencia dos membros do grupo de goberno e a protesta do colectivo de comerciantes.

Tomás Fole aludiu esta mañá a súa obriga de tramitar os expedientes e acusou ó candidato socialista á alcaldía, Alberto Varela, de mentir.

Neste sentido pediulle que explique “por qué asinou o expediente favorable sendo asesor legal do concello e agora como alcaldable anima a que se solicite a súa paralización”

Tamén considera Tomás Fole que os grupos da oposición abandonaron a sesión do Consello da Xerencia de Urbanismo para “sair na foto”

En AROUSA PONTEVEDRA DIA A DIA escoitamolo.

O consello da Xerencia de Urbanismo aprobou hoxe definitivamente o proxecto de urbanización na avenida das Carolinas promovido por Metalgráfica Gallega, SA (Megasa). A proposta conta con todos os informes técnicos e xurídicos favorables, incluídos os da dirección xeral de Estradas do Ministerio de Fomento e do ente Augas de Galicia, dependente da Xunta. As alegacións da asociación de comerciantes Zona Aberta, que si entraron en prazo (así o indica o mataselos de Correos, do 5 de marzo) foron rexeitadas á vista dos dictames técnicos. Malia a tardanza no comezo da sesión, os acordos do consello de Xerencia son válidos, á vista dos seus propios estatutos.

A primeira convocatoria era para as 10,00 horas e a segunda, para as 10,30. Como queira que entonces o alcalde, que preside a sesión, non estaba presente, os vocais da oposición decidiron marcharse. Ás 10:40 incorporouse o rexedor e como entonces había outros dous vocais –os concelleiros Ana Granja e "Cholo" Dorgambide- a sesión si puido celebrarse por contar con alomenos tres membros na segunda convocatoria. Foi tamén o regulamento o que impediu que a presidenta da Zona Aberta puidera asistir á reunión, como solicitou.

Sen embargo, a lectura que se facía dende Zona Aberta do acontecido era radicalmente distinto. Consideraban que o Consello da Xerencia non se puido celebrar por falta de quorum e que ambos proxectos da orde do día, o de Megasa e a instalación dun supermercado na Avenida Pablo Picasso, quedaban paralizados.

A presidenta da asociación de comerciantes contábanos a súa versión do acontecido en AROUSA PONTEVEDRA DIA A DIA.

Con motivo do Día Mundial da Seguridade Vial, o Concello de Cambados rematou esta mañá a Semana Global de Seguridade Vial.

Fixoo coa lectura do Manifesto dos Nenos implicados nesta iniciativa, en presenza do alcalde, Luis Aragunde, voceiros municipais, xefe da Policía Local e profesores dos centros educativos.

Os detalles nolos contaba Maxi Cid, xefe da Policía Local de Cambados, nesta conversa con Alba Piñeiro en AROUSA PONTEVEDRA DIA A DIA.

A corporación de Cambados aprobou no último pleno a propuesta planteada por BNG e PSOE de dotar á comarca de O Salnés dunha ambulancia medicalizada.

Os dous grupos presentaron senllas mocións que acabaron refundíndose, recibindo o respaldo do grupo de gobierno do PP, a pesar de que o Partido Popular rexeitaba 48 horas antes a mesma proposta no Parlamento galego, ó considerar que a comarca está o suficientemente cuberta no que respecta a medios de emerxencias.

Unha situación contradictoria que os técnicos de emerxencias do 061 non chegan a comprender.

Así nolo decía César Rajoy, portavoz dos técnicos de emerxencias do Salnés, nesta conversa que con el mantiñamos en AROUSA PONTEVEDRA DIA A DIA.

O futuro da escola unitaria de Bamio non se saberá ata o mes de xuño.

O asunto foi abordado no pleno da corporación municipal de Vilagarcía da pasada tarde, coa presencia dos pais afectados e a través dunha moción do BNG, que recibiu o respaldo de todos os grupos.

Sen embargo, a concelleira de Educación, Rocío Llovo, dixo descoñecer as medidas para gañar alumnos e conseguir que a escola non peche.

Argumentos que non deixaron satisfeitos ós grupos da oposición.

Dende EU, Juan Fajardo desmentiu a Llovo e asegurou que a edil si sabía o que ía pasar pero que non o dicía por razóns electorais.

Xabier Ríos do BNG insistiu en que haberá que tomar medidas antes de que se peche e Tania García do PSdG lembrou que cando unha escola unitaria se pecha xa non se volve abrir.

Impresións que a voceira socialista de Vilagarcía, Tania García, reiteraba esta mañá nunha rolda de prensa, acompañada do candidato Alberto Varela, e que recollemos en AROUSA PONTEVEDRA DIA A DIA.

.

O futuro da escola unitaria de Bamio non se saberá ata o mes de xuño.

O asunto foi abordado no pleno da corporación municipal de Vilagarcía da pasada tarde, coa presencia dos pais afectados e a través dunha moción do BNG, que recibiu o respaldo de todos os grupos.

Sen embargo, a concelleira de Educación, Rocío Llovo, dixo descoñecer as medidas para gañar alumnos e conseguir que a escola non peche.

Argumentos que non deixaron satisfeitos ós grupos da oposición.

Dende EU, Juan Fajardo desmentiu a Llovo e asegurou que a edil si sabía o que ía pasar pero que non o dicía por razóns electorais.

Xabier Ríos do BNG insistiu en que haberá que tomar medidas antes de que se peche e Tania García do PSdG lembrou que cando unha escola unitaria se pecha xa non se volve abrir.

Impresións que a voceira socialista de Vilagarcía, Tania García, reiteraba esta mañá nunha rolda de prensa, acompañada do candidato Alberto Varela, e que recollemos en AROUSA PONTEVEDRA DIA A DIA.

Candela ten 6 anos e padece hipotonía muscular (déficit no desenvolvemento dos músculos).

A rehabilitación que precisa ten un elevado custo, que seus pais non poden sufragar.

Por tal motivo, para recadar os fondos necesarios, a Asociación Xuventude de Vilariño decidiu poñer en marcha a Gala Benéfica que se vai levar a cabo o domingo 26 de abril no salón de actos da Adega Martín Códax, que cede as súas instalacións para a celebración do evento.

A gala estará presentada polo coñecido actor galego Luis Zahera.

Vai constar de diferentes actos, aínda que o argumento principal da mesma serán diferentes desfiles, tanto de perruquería como de moda.

En AROUSA PONTEVEDRA DIA A DIA falamos con Ricardo González, o pai da pequena Candela.