Vilanova ultima os preparativos para a II edición da Festa da Paella, organizada pola comisión de festas de San Pedro de Corón, co fin de recadar fondos da súa festividade.

Será o domingo 24, no pazo de Vista Real cun menú de 10 euros, composto de empanada, paella, cociñada nunha paelleira xigante para 600 persoas, viño tinto rosca e café .

Tamén os máis pequenos terán con qué divertirse, pois para eles haberá actividades e inchables.

O xantar comezará a servirse ás 14 horas e toda a celebración estará amenizada polo duo Lume.

Ademáis, quen teña sorte poderá sair da festa cun Renault Cactus, sempre e cando sexa agraciado por unha das rifas que se van sortear durante o evento.

Os detalles contábaos esta mañá en rolda de prensa o presidente da comisión de festas de San Pedro de Corón, Ramón Agra, acompañado do alcalde Gonzalo Durán.

Alba Piñeiro recolleu as declaracións para AROUSA PONTEVEDRA DIA A DIA.

A Deputación realizará a mellora do pavillón deportivo do colexio de Rubiáns en Vilagarcía, unha demanda pola que ven loitando dende hai tempo a ANPA do centro escolar, mesmo con concentracións semanais ás portas do colexio.

Así se comprometeu cos proxenitores esta mañá o presidente da Deputación, Rafael Louzan, nunha visita institucional ás instalacións.

A idea é construir un novo pavillón que compatibilice os usos escolares con outros usos e servizos para as parroquias de Cea , Rubiáns e incluso Cornazo.

Habería dúas opción: ou arranxar o actual pavillón ou realizar o cubrimento dunha das pistas exteriores anexionando ambas zonas cun acceso directo.

En todo caso, nuns días a Deputación volverá a reunirse cos país, dirección do colexio e técnicos municipais para avanzar no proxecto, que, eso sí, non se faría realidade antes dun ano.

Un compromiso que era ben acollido pola ANPA do centro. Nolo decía a presidenta da ANPA, Loli Lago, nunhas declaracións que recollemos en AROUSA PONTEVEDRA DIA A DIA xunto coas palabras de Rafael Louzán anunciando a actuación.

O alcalde de Vilanova, Gonzalo Durán respondeu esta mañá á denuncia presentada polo PSOE de Vilanova ante a xunta electoral motivada polos anuncios de obras e suposta utilización de publicidade institucional por parte do Partido Popular de Vilanova, ó considerar que se está "atentando contra o dereito de igualdade".

En concreto, os socialistas sinalanos anuncios realizados nos medios de comunicación das obras que se realizar no pabillón municipal e no Terrón, ós que tamén suman á visita realizada a semana pasada polo presidente de Portos de Galicia, José Juan Durán, ó dique de abrigo do peirao vilanovés.

Desde a formación que lidera Javier Dios, consideran que o candidato do Partido Popular e actual alcalde de Vilanova, Gonzalo Durán, "está utilizando as institucións de forma electoralista”.

Na súa resposta, o rexedor vilanovés asegurou esta mañá que “as obras se realizan cando chega a financiación”, independementente do momento do ano, coincidindo desta volta con período electoral.

Calificou de “incoherente” á formación socialista por pretender no seu programa “inaugurar as obras que agora critican” e auguroulles un mal resultado electoral polo “división interna” que, segundo Durán, padece o PSOE vilanovés.

As declaracións do alcalde de Vilanova recollémolas en AROUSA PONTEVEDRA DIA A DIA.

O Refuxio de Animais de Cambados está recollendo resultados moi positivos da súa iniciativa “Un amigo para ti” que ven desenvolvendo dende o mes de abril no cárcere de A Lama.

Trátase dun programa que a protectora cambadesa puxo en marcha en colaboración con Institucións Penitenciarias co obxectivo de favorecer tanto ós animais como ós internos.

Son talleres de adestramento realizados polos propios reclusos para facilitarlles a súa reintegración na sociedade á súa saída de prisión.

De momento, xa conseguiron que moitos deles teñan motivacións para o momento en que recuperen a súa liberdade: prepararse como técnicos de terapias con animais ou adoptar unha mascota.

A directora da Protectora Olga Costa cóntanos en AROUSA SI RADIO os primeiros resultados, que califica de excepcionais.

Tamén nos relata escenas vividas durante estes talleres, que considera “imborrables”, como o reencontro dun can acollido na protectora coa súa dona, reclusa en A Lama, durante unha das xornadas de adestramento.

A iniciativa, pioneira en Galicia por realizarse con cans de razas potencialmente perigosas, remata no cárcere da Lama no mes de xullo, pero a idea é retomala despóis do verán.

O IES A Basella de Vilanova organiza a Semana da Francofonía na que, dende o vindeiro día 19 e ata o venres 22 de maio, uns mil estudantes de francés de 10 institutos de Galicia participaran en actividades como xogos en francés, teatro, excursions e incluso unha mostrar gastronómica de productos galos.

A semana da francofonía foi presentada esta maña pola concelleira Aurea Bermudez que estuvo acompañada do alcalde de Vilanova, Gonzalo Duran, nunha rolda de prensa que recollemos en AROUSA PONTEVEDRA DIA A DIA.

En Vilagarcía todo está preparado para a celebración das festas de Santa Rita, que comezarán o vindeiro mércores día 20.

Mercado medieval, pasarrúas, xogos para nenos, deporte e verbenas ata o día 24, nun programa que esta mañá detallaba a Concelleira de Cultura, Rocío Llovo, nunha rolda de prensa que recollemos en AROUSA PONTEVEDRA DIA A DIA.

O emblemático Pazo de Vista Real en Vilanova estará habilitado a finais de xullo para acoller en setembro os cursos de formación de agricultura ecolóxica promovidos polo Concello

As actuacións de reforma comezan por fin despois de catro anos de trámites administrativos para rehabilitar a planta baixa nunha primeira fase, que retirará as ostentosas vidrieiras doutros tempos, reparará o Tellado e creará catro aulas para impartir os cursos de formación.

O investimento supón unha inversión de máis de 100.000 euros.

O inicio das obras anunciábao esta mañá o alcalde de Vilanova, Gonzalo Durán, nunha rolda de prensa que recolleu Alba Piñeiro para AROUSA PONTEVEDRA DIA A DIA.

A empresa Svenska Bearing ubicada no polígono 7 Pías de Cambados beneficiarase do plan de innovación 4.0 aprobado no Consello da Xunta de onte no que se prevé investir

120 millóns de euros públicos nos próximos dous anos para a financiación de empresas.

O conselleiro de Economía e Industria, Francisco Conde, visitou esta mañá as instalaciones de Svenska Bearing, unha de las firmas punteiras na fabricación de elementos de metal antifricción para o sector naval e industrial.

A firma afronta un proceso de ampliación e mellora cun investimento de 2.8 millóns de euros cos que pretende crear duas novas naves industrias que prevé estean rematadas a finais deste ano, ademáis de mellorar a fabricación de novos productos e incorporar maquinaria de última xeración.

Asimesmo, dentro das súas previsións está tamen o amento da plantilla, que actualmente consta de 35 traballadores.

Son os detalles da visita que esta mañá realizaba o Conselleiro de Industria, Francisco Conde, acompañado do Presidente do Consello de Administración, Nils Bokedal.

Con eles estivo a nosa compañeira Alba Piñeiro recollendo as súas declaracións para AROUSA PONTEVEDRA DIA A DIA.

O alcalde de Caldas Juan Manuel Rey asume con tranquilidade o novo auto da xuiza de Caldas de apertura de xuizo oral contra el por un suposto delito de malversación de fondos públicos.

O rexedor considera que era "algo que entraba dentro do previsto" e entende que a súa situación con respecto ó código ético do seu partido non variou xa que o xuizo non se celebrará antes do 24 de maio.

Neste sentido, asegura, segue contando co respaldo da dirección socialista e no caso de que teña que sentarse no banco dos acusados será el mesmo, por vontade propia, o que abandone o partido.

Así nolo decía nesta conversa en AROUSA PONTEVEDRA DIA A DIA

Neste segundo auto a maxistrada argumenta os motivos polos que entende que hai suposta responsabilidade penal no pago, en setembro de 2010, dunha sanción urbanística de 600 euros por parte do alcalde con cargo ós fondos públicos do Concello.

A xuiza establece que o imputado "sempre admitiu a realidade dos pagos efectuados, procedendo á restitución das cantidades abonadas con cargo ás arcas municipais"

A causa pasa agora á Audiencia Provincial, encargada de elexir o xurado e fixar o sinalamento.

Finalmente, a oficina de Patentes obriga á empresaria de Vilagarcía Vanesa Feixó a cambiar o nome da súa tenda de alimentos Bembó.

A multinacional Bimbo denunciou o nome do seu negocio ó entender que pretendía sacar beneficio da imaxe da multinacional.

A falta de recursos económicos impide á propietaria de Bembó recurrir a decisión da oficina de Patentes.

Agora terá que modificar toda a cartelería, a páxina web e os recursos onde promocionaba a súa marca.

Nolo contaba en AROUSA PONTEVEDRA DIA A DIA Vanesa Feixó nesta conversa con Alba Piñeiro