O salón Peña de Cambados acolle este domingo a Xuntanza de Bandas de Música, coa participación das agrupacións de Sanxenxo, A Illa de Arousa e as bandas do Conservatorio e da Escola de Música de Cambados.

O evento musical, que comezará a partir das 19 horas do domingo 19, foi presentado esta mañá polos directivos do Conservatorio e da Escola de Música de Cambados.

Con eles falaba Alba Piñeiro.

A compañía teatral Vía Seis trae este sábado á Illa de Arousa a súa montaxe, “Amor en 3D”,

unha comedia coa que debuta esta compañía teatral fundada en 2014 por un grupo de novos profesionais da escea, formados na Escuela Superior de Arte Dramático (ESAD) de Galicia.

“Amor en 3D” é unha historia sobre tres amigas en paro que deciden facer unha película de amor e rematan realizando versións de catro films emblemáticos:

'As Pontes de Madison', ‘Notting Hill' e 'Titanic', así como ‘Amor en 3D', a súa propia creación.

Interpretada por Susana Álvarez Costa, Celia González e Daniela Rodas, a representación comezará ás 9 da noite no Auditorio de A Illa e as entradas terán un prezo de 6 euros.

Pois de todo elo falamos en AROUSA PONTEVEDRA DIA A DIA con Celia González, unha das actrices que conforman Via Seis.

Os comerciantes de Cambados poñen en marcha mañá a súa campaña do Día da Nai co sorteo de 500 euros en vales compra de 50 euros cada un.

Cada establecemento disporá de 200 vales para repartir entre os seus clientes ata o día 3 de maio.

A campaña presentouse esta mañá no salón de plenos de Cambados coa presencia do presidente da Asociación Zona Centro, Juan Rey, o teniente de alcalde de Cambados, Antonio Pombo, e o director de La Caixa en Cambados, José Malvido.

A presentación recollémola en AROUSA PONTEVEDRA DIA A DIA.

O alcalde de Caldas, Juan Manuel Rey, asegura sentirse desanimado polo tratamento da xustiza cara el pero disposto a acadar de novo o respaldo dos veciños nas eleccións de maio.

O que menos lle importe, asegura, é a decisión do PSOE sobre a súa continuidade dentro do partido.

Nolo decía Juan Manuel Rey nesta conversa en AROUSA PONTEVEDRA DIA A DIA .

O novo pabellon multiusos de Vilanova contará cun hall de exposicións e reunións antes de entrar na pista principal, mostrador de entradas e poderase ir dun lado do pabellon o outro sin pisar a pista central a través dunha circulación interior.

Todas estas melloras do actual pabillón deportivo contarán cunha inversión de 300.000 euros.

Todos os datos os anunciaba esta mañá o alcalde de Vilanova, Gonzalo Durán, na rolda de prensa que escoitaremos en AROUSA PONTEVEDRA DIA A DIA.

O PSOE entra oficialmente en precampaña, e para visibilizala, un autobús coa marca socialista, que esta mañá estivo en Vilagarcía, percorre dende hoxe as cidades máis importantes do país, e tamén recalará no municipio de Barro, ás 2 desta tarde.

A presencia do bus socialista en Vilagarcía foi aproveitada polo candidato a alcaldía de Vilagarcía, Alberto Varela, para desvelar dúas novas propostas do seu programa electoral, case ultimado, e que vai presentar este venres ás asociacións veciñais e o sábado ós colectivos culturais.

Son a inclusión dunha cláusula social nos contratos entre as empresas e o concello e a retirada das contas bancarias municipais das entidades que realizan deshaucios.

Xunto a Alberto Varela e membros da súa candidatura estivo tamén esta mañá no autobús socialista Julio Torrado, o encargado da campaña, que anunciou que o candidato vilagarcián será o único representante galego que o domingo interveña na clausura dun acto do partido en Madrid, coa presencia dos 25 candidatos ás acaldías de todo o estado.

Todo elo recollíamolo en AROUSA PONTEVEDRA DIA A DIA.

A Xunta, a Fundación Galega contra o narcotráfico e o Colexio de procuradores de A Coruña poñen en marcha un novidoso e pioneiro servizo encamiñado a conseguir a xestión eficaz dos bens decomisados en operacións contra o tráfico de drogas.

O convenio, suscrito esta mañá en Vilagarcía na sede da Fundación Galega contra o narcotráfico, permitirá ofrecer ós xulgados un innovador servizo especializado na xestión, depósito e venta anticipada dos bens mobles incautados ás redes de narcotraficantes, como vehículos, embarcacións, equipos informáticos, caracterizados polo seu deterioro e rápida perda de valor.

Deste xeito, con este convenio poderán ser, sempre baixo autorización xudicial, vendidos ou cedidos a causas sociais.

Así se detallaba esta mañá no acto de sinatura do convenio por parte do Presidente da Fundación contra o Narcotráfico, Manuel Couceiro, e o vicepresidente da Xunta, Alfonso Rueda.

Un acto que recolleu para AROUSA PONTEVEDRA DIA A DIA, Alba Piñeiro.

O alcalde de Caldas, Juan Manuel Rey, mantén a súa inocencia e asegura que non demitirá nin abandonará o PSOE por vontade propia.

Será a asemblea de militantes da agrupación socialista de Caldas na súa reunión de hoxe a que decida sobre o seu futuro dentro do partido.

O rexedor de Caldas manifestábase así na rolda de prensa na que compareceu hai uns minutos trala decisión xudicial que abre xuizo oral contra el por suposta malversación de fondos públicos.

Na súa comparecencia ante os medios Juan Manuel Rey acusou á xuiza de falta de respeto cara a súa persoa ó utilizar na redacción da súa imputación un corta pega doutro auto no que figuraba o nome doutro rexedor,

Dixo tamén que trasladará a información sobre o auto a todas as casas do municipio, ademáis de realizar traballos para a comunidade, como limpeza de rúas e a plantación de árbores na carballeira.

O alcalde non quiso adiantar o que vai propoñer esta noite ós militantes na asemblea , na que estará presente a secretaria de organización do PsdeG, Pilar Cancela.

Sí anunciou que o seu avogado solicitará a nulidade das actuacións.

Son as intencións de Juan Manuel Rey que desvelaba nesa rolda de prensa que recolleu para AROUSA PONTEVEDRA DIA A DIA a nosa compañeira Alba Piñeiro..

Vilanova pon en marcha o primeiro obradorio de emprego de agricultura ecoloxica de galicia co obxetivo de innovar no sector do agro no salnés

O Pazo de Vista Real en Vilanova será o lugar onde se imparta este curso de 6 meses de duración, no que 15 alumnos aprenderán a cultivar productos ecoloxicos como a Aquinoa, o Burbur, o Mijo e o Amaranto, entre outras especies ecolóxicas.

Para poñer en marcha este innovador obradoiro, o Concello de Vilanova estudiou a experiencia que o municipio de Soria leva realizando dende hai 7 anos con resultados de gran éxito e un alto número de ventas dos productos ecoloxicos que se cultivan.

O Concello de Vilanova quere converter Vista Real nun centro formativo e as intalacións coas que conta, como son o invernadoiro, as aulas formativas e os grandes terreos, préstanse a boa realización de este obradoiro de agricultura ecoloxica.

Ademáis, dende o Concello de Vilanova tamén se solicitaron outros tres módulos nos que tamén participarán 15 alumnos en cada un durante 6 meses, como son promocion de turismo local e información ó visitante, atención sociosanitaria a persoas a domicilio e atención sociosanitaria a persoas dependentes en institucións sociais.

Son datos que revelaba esta mañá o teniente de alcalde de Vilanova, Javier Touris, nunha rolda de prensa que recollemos en AROUSA PONTEVEDRA DIA A DIA.

Satisfeitos quedaron en principio os técnicos de Emerxencias Sanitarias ó comprobar que a corporación municipal aprobaba por unanimidade a moción do BNG reclamando a dotación dunha ambulancia medicalizada para O Salnés.

No pleno estiveron presentes representantes do colectivo de emerxencias, que , por certo, na campaña de recollida de sinaturas conseguiron reunir en pouco máis dunha semana as rúbricas de medio milleiro de ciudadáns.

Así nolo comentaba en AROUSA PONTEVEDRA DIA A DIA, César Rajoy, portavoz do colectivo de emerxencias.