Dezaseis emprendedores poderán iniciar a súa actividade no Viveiro de empresas do Polígono industrial de Barro-Meis neste outono.

As obras, promovidas pola Deputación de Pontevedra con fondos europeos, deben estar rematadas a finais de agosto, e así o sinalaba esta mañá o presidente da institución provincial, Rafael Louzán.

Fíxoo nunha visita ó polígono empresarial na que estivo acompañado polo alcalde de Barro, José Antonio Landín, e o presidente da Cámara de Vilagarcía, Miguel Falcón.

Segundo Rafael Louzán, a creación do viveiro xunto coa posterior construcción do Centro de Servicios e apoio empresarial suporá un motor económico para as comarcas de Pontevedra, Caldas e o Salnés.

Todos os detalles recollémolos en AROUSA PONTEVEDRA DIA A DIA

A conselleira de Medio Rural e Mar, Rosa Quintana inaugurou esta mañá en Cambados a nova nave de descarga de moluscos da Confraría de Pescadores en Tragove.

Trátase dunha nueva construcción que suporá un avance das condiciones de traballo dos usuarios do porto e mellorará a comercialización dos productos pesqueiros.

O novo edificio consta dunha planta baixa de 840 metros cadrados de uso, ubicado nunha parcela ó carón da actual lonxa.

Inclue unha sala de subasta, dúas de decomisos, almacéns e cámaras de fresco e conxelado.

As estancias complétanse cos servizos básicos como aseos, vestiarios e despachos.

Foi unha inversión de 1 millón de euros, que agora se completará cos contidos necesarios para que a confraría de Cambados poida desenvolver a actividade de descarga e venda de marisco: pesas, mesas, carretillas, e material administrativo que financiará a Consellería do Mar ante a falta de recursos do pósito cambadés.

Así o anunciaba esta mañá no acto inaugural a Conselleira do Mar, Rosa Quintana, acompañada do alcalde, Luis Aragunde, e do patrón maior da Confraría de Cambados, Ruperto Costa.

Con eles falaba Alba Piñeiro para AROUSA PONTEVEDRA DIA A DIA.

Se se cumpren os prazos previstos, o novo muelle de carga e descarga estará operativo a principios de verán.

Ata alí se trasladou esta mañá o Presidente de Portos de Galicia, José Juan Durán para comprobar o avance da actuación.

Unha visita que recollemos en AROUSA PONTEVEDRA DIA A DIA.

O albergue de As Sinas en Vilanova estrea este ano instalacións melloradas, e comezará a funcionar por primeira vez fora da tempada de verán, coincidindo, ademáis, coa conmemoración do 70 aniversario da súa fundación.

Os traballos, nos que a Consellería de Traballo e Benestar investiu 265.000 euros, centráronse na renovación da pista deportiva, na mellora e reparación da estrutura e das cubertas, na actualización da instalación eléctrica, e na mellora da súa accesibilidade.

A titular deste departamento autonómico, Beatriz Mato, achegouse hoxe ata Vilanova de Arousa para coñecer de primeira man o resultado destas obras.

A reforma do albergue enmárcase no Plan de mellora das instalacións xuvenís de Galicia, que se leva desenvolvendo desde 2013, e que conta cun investimento global de máis de 700.000 euros.

Ademais dunhas instalacións reformadas, As Sinas incorpora este ano outra novidade: por primeira vez funcionará fóra dos meses de verán. O Goberno autonómico ofertou en 2015 por primeira vez a posibilidade de usar os albergues entre o presente mes de marzo e a primeira metade do mes de xuño. O obxectivo é que durante este tempo poidan acoller actividades de educación non formal.

En canto á campaña de verán, que se desenvolve nos meses de xullo e agosto, o albergue de Vilanova volver ser un dos máis relevantes, grazas a un oferta que ascende ás 600 prazas: 480 xestionadas pola Dirección Xeral de Xuventude e Voluntariado, e 120 correspondentes á oferta concertada.

En AROUSA PONTEVEDRA DIA A DIA recollemos as declaracións da Conselleira Beatriz Mato.

Os traballadores do complexo hospitalario Pontevedra-Salnés acaban de crear unha nova plataforma en defensa dos seus intereses.

Baixo a denominación de PROSAGAL, o obxectivo é reclamar os dereitos básicos dos coñecidos como moscosos, recoñecidos en varias sentenzas gañadas, pero que, aseguran, o SERGAS segue ignorando.

Tamén se sinten desamparados polos sindicatos, e por tal motivo decidiron crear esta plataforma, que da os seus primeiros pasos no complexo hospitalario Pontevedra-Salnés pero que pretenden extender a toda Galicia.

Así nolo decía esta mañá en AROUSA PONTEVEDRA DIA A DIA, a portavoz do colectivo Carolina Iñarrea.

A plantilla das ambulancias do Salnés está inmersa nun proceso de recollida de sinaturas para reclamar unha ambulancia medicalizada para a comarca.

Pois de elo falamos en AROUSA PONTEVEDRA DIA A DIA con Cesar Rajoy, técnico de emerxencias sanitarias na Comarca do Salnés..

Un de cada 80 nenos que nacen é autista e en todos os colexios da comarca de Arousa hai un pequeno que sufre este trastorno neurolóxico, derivado en moitos dos casos por problemas medioambientais, ademáis de xenéticos.

Son datos que revelaba esta mañá a presidenta da Asociación Por Dereito, Cuca da Silva, na presentación en Cambados da programación que se vai por en marcha con motivo da conmemoración do Día do Autismo.

Unhas xornadas moi especiais que se veñen desenvolvendo nos últimos seis anos en Cambados, coa colaboración do Concello, como mostra de apoio ó colectivo social.

A Semana Azul deste ano anticípase a este venres 27 de marzo, por mor da celebración da Semana Santa.

A programación, que pon en marcha a Asociación Por Dereito en colaboración con Bata, iníciase cun fermoso acto na Praza de Asorey (19 horas) que inclúe a lectura dun manifesto e a actuación dos Quinquilláns co seu espectáculo “Porque é salgada a auga do mar?” , do programa Ler conta moito das bibliotecas municipais.

E como colofón terá lugar a iluminación da escultura de Asorey A Naiciña, uníndose ó movemento mundial Light it up blue! promovido pola comunidade Autism Speaks co que monumentos destacados de todo o mundo tínxense de azul apoiando a inclusión de persoas con autismo.

Todo elo explicábao esta mañá a presidenta de Por Dereito, Cuca da Silva, no acto de presentación acompañado polo representante do grupo Os Quinquilláns, Lucho Penabade, e o alcalde Luis Aragunde.

A ponte de Ponte Castrelo en Cambados terá unha imaxe renovada en dúas semanas, tras máis de 25 anos sen ser obxecto de mellora.

A Consellería de Medio Ambiente e Infraestructuras comezou esta mañá unha actuación de pintado das balaustradas e elevación da altura dos quitamedos que se suma á mellora da seguridade viaria no entorno de Sisán.

Ambas obras contan cun importe de 40.000 euros.

Os traballos foron supervisados esta mañá polo delegado territorial da Xunta en Pontevedra, José Manuel Cores Tourís, acompañado polo alcalde de Cambados, Luis Aragunde, e da alcaldesa de Ribadumia, Salomé Peña.

Recollémolo en AROUSA PONTEVEDRA DIA A DIA.

A escalinata de Santo Tomé en Cambados quedará acondicionada antes do verán.

O presidente de Portos de Galicia, José Juan Durán, estivo visitando esta mañá as obras de reforma que se están acometendo cun investimento de 130.000 euros,

Os traballos consisten no cambio das lousas da escalinata para conseguir unha estética acorde co Pazo Montesacro que acolle o asilo e tamén se están rehabilitando os baixos onde está ubicado o clube de Piraguismo.

O presidente de Portos de Galicia supervisaba esta mañá as obras, acompañado do alcalde Luis Aragunde, e técnicos do departamento portuario.

Os detalles recollémolos en AROUSA PONTEVEDRA DIA A DIA..

O presidente da Mancomunidade do Salnés se refería esta mañá á campaña iniciada polo BNG en demanda dunha ambulancia medicalizada para o Salnés.

A resposta de Gonzalo Durán foi tallante e explicativa: ambulancias medicalizadas son todas, as que non hai son as de soporte vital.

Declaracións que recollemos en AROUSA PONTEVEDRA DIA A DIA.