Os extraballadores da Residencia Valle Inclán de Vilanova aproveitaron a presencia esta mañá en Vilagarcía da Conselleira de Traballo, Beatriz Mato, na Fundación Amigos de Galicia, para solicitar a súa mediación no conflicto que manteñen coa dirección do xeriátrico.

Esta era a conversa que mantiña con eles en AROUSA PONTEVEDRA DIA A DIA Alba Piñeiro.

A fundación Amigos de Galicia recibirá da Consellería de Traballo unha axuda económica de 90.000 euros para reforzar os programas de colaboración entre ambos.

A entidade recibiu esta mañá a visita da Conselleira de Traballo e Benestar, Beatriz Mato, na sua sede en Vilagarcía, na que

os responsables da fundación expuxéronlle á Conselleira cómo van os distintos programas de colaboración existentes entre o seu departamento e a Fundación, principalmente os relativos á promoción de emprego coa atención ós parados de longa duración,ós inmigrantes e as familias en risco de exclusión.

Tanto a Conselleira Beatriz Mato como o presidente da Fundación Amigos de Galicia, Jesús Pombo, reflexaban durante o encontro a satisfacción polo traballo conxunto.

Os ánimos da Plataforma SOS PANADEIRA seguen revoltos tralas declaracións do presidente de Portos de Galicia no Parlamento dando vía libre á continuación das obras do club nautico para a creación dos pantaláns nas praias de Os Barcos e Panadeira.

A plataforma agarda que a videira semana o xulgado de Pontevedra se pronuncie sobre o recurso contencioso que presentaron para conseguir a paralización definitiva das obras pero mentres tampouco permanecen de brazos cruzados.

A última iniciativa da plataforma de veciños foi involucrar á Casa Real no conflicto, enviando ó Rei don Juan Carlos unha misiva na que insinúa que a relación de amizade que vencella ó presidente do Real Club Náutico coa Casa Real puido ter influido para que a entidade conseguise os permisos necesarios para a actuación.

Eso sí, son conscientes de que a Casa Real no media neste tipo de conflictos e por tal motivo SOS Panadeira non pide a implicación do Rei pero sí se pon a sua disposición para facilitarlle toda a información que considere necesaria.

Nolo contaba en AROUSA PONTEVEDRA DIA A DIA o portavoz de SOS PANADEIRA Claudio Quintía Celaya.

A DO Rías Baixas afronta a vendimia en pleno cambio de modelo produtivo, coas expectativas de colocar no mercado entre 20 e 22 millóns de litros e ofrecendo entre 20.000 e 30.000 xornais de traballo perante a súa duración.

Así o manifestaron os presidentes da Deputación de Pontevedra, Rafael Louzán, e do Consello Regulador da DO Rías Baixas, Juan Gil, despois dunha xuntanza de traballo celebrada hoxe no Pazo Provincial.

Louzán lembrou que o sector é clave na economía provincial pois implica a 200 bodegas e 7.000 familias viticultoras. Según él, hoxe _cando a DO cumpre 25 anos da súa constitución_ afronta un cambio de modelo produtivo ao pasar de ser un sector minifundista (que ainda conta con 5.500 produtores) a dispór xa de máis de 400 que contan con máis de 2 hectáreas en producción.

O presidente da Deputación informou que en vindeiros días a institución provincial renovará o convenio coa DO para dar continuidade as accións da Ruta do Viño Albariño que conta con 100 asociados e supón un elemento promocional e turístico de primeiro orde, sobre todo en canto ao turismo enogastronómico.

O DOMINGO VILAGARCÍA ESTARA CERRADA Ó TRAFICO NO CASCO URBANO DENTRO DA SEMANA DA MOBILIDADE E O DIA SEN COCHES QUE PON EN MARCHA O CONCELLO DE VILAGARCÍA.

Baixo o lema, “móvete por un aire máis limpo” as Concellerías de Tráfico e Deportes de Vilagarcía incluen as máis diversas actividades entre as que destacan unha mostra de vehículos eléctricos, un parque de seguridade vial dende o mércores e ata o domingo, unha proxección de cine na Praza de Galicia do filme “A bicicleta de Pekín” o venres ás 9 da noite e un taller de aprendizaxe para andar en bici e de reparación de bicicletas.

Todo elo nolo detallaba en AROUSA PONTEVEDRA DIA A DIA a concelleira de Deportes de Vilagarcía, Elena Suárez, en conversa con Alba Piñeiro.

A nova executiva da Unión Comarcal Pontevedra-Arousa de UXT, elexida o pasado venres no Congreso do sindicato celebrado en Pontevedra, quedou constituida esta mañá en Vilagarcía.

Tres membros de Arousa e tres de Pontevedra acompañan ó secretario xeral Xosé Ramón Vidal Trillo na dirección da unión sindical de ambas comarcas.

Ponse así en marcha o que dende UXT entenden como un modelo organizativo máis áxil que pretende unha maior presencia na pequena e mediana empresa.

A primeira pauta de traballo será facer un estudio pormenorizado da problemática laboral na comarca de Arousa.

Así nolo contaba en AROUSA PONTEVEDRA DIA A DIA, Ramón Vidal Trillo, secretario xeral da Unión Comarcal Pontevedra-Arousa de UXT.

Esta nova Executiva está formada por:

Secretario Xeral

X. Ramón Vidal Trillo

Secretaria de Organización

María Teresa Filgueira Prol

Secretario de Administración

Camilo Dios Dios

Secretario de Formación

Ramón Torrado López

Secretario de Acción Sindical

Carlos Javier Esperón Fernández

Secretaria de Atención aos Afiliados e Igualdade

Encarnación Cochón Moledo

Secretaria de Innovción, Medte. e Saúde Laboral

Mª del Rosario Muñíz López

O BNG leva ó parlamento Galego ó conflicto laboral que se está a vivir na Residencia Valle Inclán de Vilanova de Arousa.

O grupo parlamentario nacionalista, a través da sua deputada Montserrat Prado, ven de presentar na cámara unha proposición non de lei na que se insta á Xunta a realizar cantas actuacións sexan precisas para a resolución do conflicto, tanto no que se refire á situación laboral dos traballadores como ó problema social.

Tamén pregunta o BNG qué actuacións ten realizado ou vai realizar a Consellería de Traballo para garantir o correcto funcionamento do centro xeriátrico, co que ten un concerto para a prestación de asistencia a maiores.

A iniciativa foi presentada esta mañá na sede comarcal do BNG en Vilagarcía pola deputada Montse Prado e alí estiveron os micrófonos de AROUSA SI RADIO RADIO SALNES.

O presidente da Xunta, Alberto Núñez Feijoo, inaugurou esta mañá no Grove o

XIV Simposio Internacional de Productos Naturais Mariños, que se desenvolve ata o venres no hotel balneario Hesperia da Illa da Toxa.

Durante a súa intervención Nuñez Feijoo destacou que “dende 2009 a Xunta ten concedido máis de 13 millóns de € en axudas á I+D+i no sector da pesca e da conserva.

Tamén avogou pola biotecnoloxía como chave para a plena explotación dos nosos recursos mariños.

Asimesmo, o presidente da Xunta remarcou a importancia que ten que Galicia acolla este congreso mundial, o máis importante que se celebra cada tres anos no campo da bioteconoloxía mariña.

Este Simposio Internacional de Productos Naturais Mariños, , está organizado pola compañía farmacéutica PharmaMar- do grupo Zeltia- , lider mundial no descubrimento, desenvolvemento e comercialización de novos medicamentos contra o cancro.

Agárdase que neste foro participen científicos de ata trinta países.

O BNG do Salnés, anima á cidadanía a participar na manifestación convocada pola formación nacionalista para este domingo en Santiago baixo o lema “por unha patria soberana”.

A iniciativa sairá da praza da Alameda ás 12 do mediodía e rematará na plaza de A Quintana

O obxectivo desta convocatoria é solicitar ó goberno español unha maior cuota de soberanía.

Así nolo contaba en AROUSA PONTEVEDRA DIA A DIA, Xoan Allegue, responsable comarcal do BNG...

O colexio A Torre da Illa estará mañá preparado para acoller o inicio do curso dos alumnos de Infantil.

O Concello ultima os detalles de limpeza das instalacións tralas obras de construcción da nova aula de infantil realizadas pola Consellería de Educación, non exentas de polémica entre o departamento autonómico e o Concello polas dimensións da aula.

Finalmente as novas instalacións sí cumpren coas medidas mínimas necesarias establecidas pola normativa e ademáis da nova aula tamén se habilitaron aseos para cada unha das tres clases de Educación Infantil.

Así o comunicaban está mañá o delegado da Xunta en Pontevedra, José Manuel Cores Tourís, e o xefe territorial de Educación, Cesar Pérez Ares que esta mañá visitaban as instalacións, acompañados polo director do centro educativo.

Cesar Pérez Ares negou que A Illa aumentara o número de alumnos matriculados no municipio e avanzou que o Instituto de Educación Secundaria poderá contar cun novo profesor, tal como solicitaron os pais de alumnos, sempre e cando entren en funcionamento os PCPIS.

Son Programas de Cualificación Profesional Inicial, é dicir, módulos para os alumnos que corren o risco de abandonar o ensino sen conseguir o título de graduado da ESO.