O paro rexistrado no mes de agosto baixa en Galicia en 3.578 persoas, cifras moito mellores que no resto do estado onde o desemprego se reduciu tan só en 31 persoas.

Por provincias, Pontevedra ten 1.128 parados menos que no mes de xullo, o que supón un 1,10% menos que o mes pasado e 77 menos que hai un ano.

Ainda así, sigue habendo na nosa provincia 101.641 persoas sen emprego.

Por sectores, os servicios e a construcción son os ámbitos de maior creación de emprego durante o mes de agosto.

En canto ás nosas comarcas,todolos concellos agás A Illa de Arousa e Boiro diminuiron o número de desempregados.

Son datos que analizabamos en AROUSA PONTEVEDRA DIA A DIA con Ramón Vidal secretario comarcal de UXT.

O BARRO C.F ABRE A SUA CAMPAÑA DE SOCIOS PARA ESTA TEMPADA 2013-2014... ESCOITA E FAITE SOCIO DO BARRO!!!!!

O concello de Vilanova rinde homenaxe ó mexilón na Festa adicada a esta bivalvo que se celebrará no municipio vilanovés a fin de semana do 16 ó 18.

Unha cita que inclue, ademáis da degustación do molusco, espectaculares probas ciclistas acrobáticas.

Será unha das numerosas actividades que Vilanova ten previsto celebrar durante este mes de agosto, e que xa comezan mañá coa Festa do Carme e a bendición da imaxe da Virxe que xa está ubicada no Porto.

Tamén o comercio vilanovés aproveitará o mes de agosto para celebrar a FEIRA DE VERAN do 16 ó 25 de agosto, nunha carpa ubicada no colexio ó carón do Concello.

E o domingo 25 de agosto será un espectáculo de ballet ruso o que faga as delicias de veciños e visitantes.

De todo elo nos falaba en AROUSA PONTEVEDRA DIA A DIA o alcalde de Vilanova, Gonzalo Durán, en conversa con Alba Piñeiro.

O presidente da Deputación, Rafael Louzán, visitou hoxe o concello de Vilagarcía de Arousa para facerlle entrega de diversa maquinaria e comprobar o resultado dos traballos realizados no contorno da igrexa de Cornazo para dotala dun aparcadoiro amplo.

Louzán destacou a importancia destes traballos, así como da maquinaria facilitada ao concello, consistente nun tractor agrícola, cunha desbrozadora de cadeas e outra de brazo hidráulico, xa que lle permitirá ao concello proceder directamente á limpeza de camiños, áreas rurais e espazos públicos da cidade, dando resposta ás demandas veciñais.

O titular da Deputación incidiu en que se trata dunha “dotación imprescindible” para un concello do tamaño e das características de Vilagarcía e do que ata o de agora carecía.

Trátase dun subministro incluído no Plan de Investimentos e cun orzamento de 110.231 euros, que foi adxudicado á empresa José Ramón Lois Simans.

No caso do aparcamento da igrexa de Cornazo, as obras comezaron o 16 de xullo e rematan hoxe.

Procedeuse á explanación do terreo, cos conseguintes desmontes, nivelacións, construción de muros… e ao asfaltado do terreo.

Os traballos afectaron a unha superficie duns 4.000 metros cadrados e contaron cun orzamento de 150.000 euros, que permitiu dotar a igrexa de Cornazo dun amplo aparcamento que dará solución aos problemas que ata o de agora existían para estacionar vehículos, especialmente en grandes celebracións e festas.

A artesanía toma o relevo do Albariño en Cambados.

A Sexta edición da Feira de Artesanía abre mañá venres as súas portas no Paseo da Calzada, ocupando os mesmos stans da Festa do Albariño.

21 artesáns exporán cerámica, cestería, bisutería, complementos, xoiería e tamén productos gastronómicos.

A mostra inaugúrase mañá ás 13:30 horas e estará aberta de durante toda a fin de semana de 10:00 a 14:00 e de 17:00 a 22:00. Esta nova edición da Feira de Artesanía foi presentada esta mañá polo alcalde, Luis Aragunde, e pola xerente de Artesanía de Galicia, Elena Fabeiro. Con eles falabamos en directo en AROUSA PONTEVEDRA DIA A DIA nesta entrevista de Alba Piñeiro.

A comarca do Salnés contará con novas edicións dos seus obradoiros de emprego que se iniciarán antes do 1 de Outubro e que este ano teñen como principal novidade que a idade de acceso os obradoiros baixa dos 25 ós 18 anos.

A Mancomunidade do Salnés contará cunha nova edicón do seu obradoiro de Hostelería que en anos pasados conseguiu un excelente número de inserción laboral e que se leva a cabo no concello de O Grove.

Ademáis, os concellos de Vilagarcía e Cambados tamén contarán con segundas edicións dos seus obradoiros destinados á conservación de espazos públicos e naturais das localidades.

No caso de Vilagarcía, o Obradoiro Vista Alegre II permitirá facer obras de carpintería, xardinería e pintura e en Cambados, Cambados Turismo Sostible II encargaráse da formación en cantería, carpintería, xardinería e fontanería.

Para estes proxectos destinaránse preto de 600.000 euros e daráse emprego a máis de 80 persoas durante 6 meses.

Estes novos obradoiros de emprego da comarca do Salnés xa foron aprobados e presentados esta mañá en Cambados pola Directora Xeral de Emprego e Formación , Ana María Díaz López.

Na rolda de prensa celebrada no centro de Expolsanés tamén estaban presentes o presidente da Mancomunidade do Salnés, Gonzalo Durán, e os Alcaldes dos concellos de Vilagarcía Tomás Fole, Cambados, Luis Aragunde, e O Grove Miguel Angel Pérez.

Os organizadores da Festa da Ameixa de Carril aceleran os preparativos unha vez que se mantén a cita no calendario para o día 18 de agosto.

Ainda que todavía non está decidido quén serán este ano os integrantes da Orde da Ameixa, sí sabemos xa que o actor e humorista Isi será o pregoeiro desta 21 edición.

Tamén mantense o concurso de cociña que terá lugar o sábado 17 e no que se repartirán 1.750 euros en premios. Os interesados en inscribirse deberán facelo na Confraría de Carril antes das 13 horas do 14 de agosto.

No momento da inscripción farase entrega das bases do concurso e dun vale para recoller de balde ½ kilo de ameixas na lonxa o día 17.

Son últimos detalles que nos contaba en AROUSA PONTEVEDRA DIA A DIA o patrón maior da Confraría de Carril, Fernando Franco, en conversa con Alba Piñeiro.

A Volta 2013 homenaxeará cunha etapa ás víctimas da traxedia de Santiago..

A Deputación de Pontevedra e Unipublic decidiron que a Volta a España se converta tamén nunha sentida e multitudinaria homenaxe ás vítimas do sinistro de Angrois e a todos cantos “o deron todo por axudar” nun día que Galicia demostrou o seu carácter solidario e esforzado. Así o anunciou esta mañá en rolda de prensa a deputada provincial Begoña Estévez, que estivo acompañada polos alcaldes de Vilagarcía, Tomás Fole, e de Vilanova, Gonzalo Durán; por Serafín Martínez, en representación de Unipublic e de Ricardo Terceiro, xerente da Federación Galega de Ciclismo.

Baixo o lema Pedaladas para o recordo, reorganizarase e cambiarase a filosofía da Etapa da Volta que estaba pensada como unha marcha cicloturista para profesionais e semiprofesionais, cun custe da inscrición de 20 euros, e que agora pasa a ser unha marcha de homenaxe, de carácter gratuíto, e na que os participantes lucirán camisetas en lembranza dos afectados polo accidente ferroviario de Santiago, co antedito lema Pedaladas para o recordo.

Os concellos da provincia disporán de 15 millóns de euros para investimentos, ao abeiro do novo plan posto en marcha pola Deputación Provincial e ao que poderán acollerse os municipios de entre 1.000 e 50.000 habitantes.

Así o anunciou esta mañá o presidente da Deputación, Rafael Louzán, salientando que se trata dunha medida coa que se pretende seguir dando apoio aos concellos e facilitándolles a execución de proxectos e a prestación de servizos prioritarios que sen a axuda da Deputación non poderían realizar.

É, en palabras de Louzán, “un plan de rescate inversor para os concellos”, dado que se busca que as entidade locais poidan seguir creando e mellorando infraestruturas prioritarias para os que neste momento non dispoñen da suficiente dispoñibilidade económica.

Criterios de selección

A cada un dos 59 concellos beneficiarios deste plan concederáselle unha achega mínima de 100.000 euros e, o resto do orzamento, distribuirase en función de criterios de poboacion e territorio.

Os concellos poderán presentar a este plan proxectos de importe igual ou superior a 20.000 euros e sempre que estean relacionados cos servicios obrigatorios que deben prestar as entidades locais e en ningún caso se financiarán obras ou servizos que non resulten básicos.

Cambados volve hoxe á normalidade tras 4 intensos días de festa do Albariño, que remataba onte coa entrega de premios ás mellores adegas.

Pois DOUS dos TRES premios de la 61 Festa do Albariño de Cambados quedaron en O Salnés.

O primeiro foi para “Esencia Diviña” que elabora a adega Gran Vinum, de Vilanova de Arousa, o segundo marchou para O Condado para o viño “Altea” da adega do mesmo nome, e a medalla de prata recaeu no viño “Paco&Lola” da Cooperativa Vitivinícola Arousana ubicada en Meaño.

En AROUSA PONTEVEDRA DIA A DIA falabamos hoxe con Andrea Piñeiro, xerente de Gran Vinum, a premiada coa medalla de Ouro.