O concello de Cambados decidiu anular

os actos oficiais do programa previsto para estes días da Festa do Albariño en solidariedade coas victimas da traxedia de Santiago.

Cambados súmase ó loito oficial de 7 días decretado pola Xunta de Galicia e traslada a elección das raiñas do albariño para o xoves, anúlase o festival pop rock do martes, tamén se anula a inauguración institucional da Festa do Albariño prevista para o venres á 1 da tarde, ainda que sí se mantén a apertura dos stands das adegas.

Ademáis, o concerto de Roy Casal se traslada para despois das 12 da noite do mércores, fora xa dos días de loito oficial polas víctimas da traxedia de Santiago.

A partir do xoves segue a programación tal como estaba previsto.

Nolo adiantaba en AROUSA PONTEVEDRA DIA A DIA o alcalde de Cambados Luis Aragunde.

A concelleira do BNG de Vilanova,

Carmela Alfonso, responde ó alcalde, Gonzalo Durán, sobre a acusación de usurpación de terreo público que o rexedor facía pública onte.

Tralas declaracións de Gonzalo Durán, a concelleira nacionalista acusa ó alcalde de mentir deliberadamente e a mala fe, alegando que a finca en cuestión está legalmente inscrita dende a sentencia que establece que parte deses terreos de As Sinas son de dominio público.

Ademáis, acusa ó alcalde de tentar prexudicar deliberadamente á súa familia e dí que está tramitando o permiso de Costas para manter a terraza de hostelería na zona onde estivo no seu momento ubicado o Restaurante La Sirena.

Carmela Alfonso tamén insiste en que ten o total respaldo do seu partido..

Así nolo decía en AROUSA PONTEVEDRA DIA A DIA..

O conselleiro de Industria, Francisco Conde, será nomeado cabaleiro no capítulo serenísimo desta edición da Festa do Albariño 2013.

Ademáis, tamén serán distinguidos empresarios relacionados co sector vitivinícola, como José Luis Aragunde Soutullo, propietario da vinoteca Ribeira de Fefiñáns en Cambados.

O nomeamento de Donas e Cabaleiros será o 4 de agosto nun acto que será presentado pola modelo e miss españa María José Suárez.

A relación de nomeamentos foi presentada esta mañá no Pazo Torrado en Cambados polo alcalde Luis Aragunde e polo presidente da DO Rias Baixas Juan Gil de Araujo.

Con eles falaba en AROUSA PONTEVEDRA DIA A DIA, Alba Piñeiro.

Proseguen as mobilizacións contra os despidos efectuados na Residencia Valle Inclán de Vilanova.

Traballadores e sindicatos con representación no centro concéntraronse unha vez máis en protesta polas decisións da xerencia do centro, pero desta volta fixérono diante do Concello de Vilanova.

Nesta protesta ante o consistorio pediron a mediación no conflicto do alcalde , Gonzalo Durán, entregando no concello unha petición de xuntanza co rexedor vilanovés.

Así nolo comentaba en directo en AROUSA PONTEVEDRA DIA A DIA a representante da CIG Carmen Castro

Os comerciantes de Cambados continúan promovendo iniciativas... Tralo inicio da campaña de verán na que repartirán máis de 1.200 euros en premios, a Asocición Cambados zona Centro presentou esta mañá unha nova edición do concurso de camisetas con slogans da festa do albariño con premios de ata 300 euros.

O prazo de inscripción estará aberto ata o 2 de agosto.

O acto de presentación desta nova iniciativa dos comerciantes de Cambados tivo lugar esta mañá no concello coa presencia do secretario da asociación Bruno Somoza e do alcalde Luis Aragunde .

En AROUSA PONTEVEDRA DIA A DIA era Bruno Somoza o que nos contaba os detalles desta nova edición do concurso de camisetas.

O alcalde acusa a concelleira do BNG Carmela Alfonso de rexistrar un camiño público ó seu nome e de ter un bar ilegal por carecer de licencia.

Gonzalo Durán fixo público esta mañá a documentación onde consta a inscripción dun camiño público situado en As Sinas a nome de Carmela Alfonso considerando que o BNG debe exixir a demisión da sua concelleira.

Todo xurdía tralo pleno da corporación municipal celebrado esta pasada tarde.

Así nolo confirmaba en directo en AROUSA PONTEVEDRA DIA A DIA o alcalde Gonzalo Durán.

O BNG de Cambados criticaba esta mañá a politización que, entende a formación nacionalista, ven facendo o PP de Cambados coa Festa do Albariño, co nomeamento dos cabaleiros e tamén co Xantar.

O portavoz do BNG de Cambados, Victor Caamaño, solicita ó Concello de Cambados que se retire a distinción de cabaleiros a Mariano Rajoy , Alvarez Cascos e Jaume Matas por entender que están relacionados con casos de corrupción política.

A formación nacionalista presentará mañá un escrito formal no rexistro do concello pedindo a desvinculación dos 3 políticos coa Festa do Albariño ó tempo que asegura que seguirá sen haber representación do BNG no Xantar.

Así nolo decía en AROUSA PONTEVEDRA DIA A DIA nunha entrevista de Alba Piñeiro.

O BNG de Sanxenxo pronúnciouse esta mañá públicamente en contra do proxecto do club náutico de creación de novos pantaláns.

O Grupo Parlamentario do Bloque Nacionalista Galego por iniciativa da súa deputada Montse Prado, presentou esta mañá na plaza dos Barcos unha proposición non de lei para que se debata no Parlamento de Galicia.

Dende o BNG solicitan que se lle anule a concesión administrativa ao Club Nautico para a instalación dos pantaláns e que se faga unha depuración de responsabilidade. Ademáis disto instan a que se proceda a reposición do areal tal e como se encontraba antes dos movementos de terra e da colocación dos pilotes.

Iniciativas que nos comentaban en directo en AROUSA PONTEVEDRA DIA A DIA

o portavoz do BNG de Sanxenxo, David Otero e a Deputada do BNG no parlamento de Galicia, Montse Prado, en conversa con Alba Piñeiro.

A Mancomunidade do Salnés decide ampliar a experiencia de compartir servicios de bacheo e mantemento de vías públicas entre os concellos que integran a entidade dado o resultado positivo que está dando a iniciativa.

Así que a seguinte actuación será a adquisición dunha máquina desbrozadora para beirarruas e tamén unha motoniveladora.

A mancomunidade está consultando diferentes ofertas, pois trátase de maquinaria de prezos elevados, especialmente no primeiro caso.

Pero en todo caso, será un investimento rentable, segundo as apreciacións do presidente da Mancomunidade do Salnés, Gonzalo Durán.

Así nolo comentaba en AROUSA PONTEVEDRA DIA A DIA, nunha conversa con Alba Piñeiro na que tamén se refería a outros asuntos relacionados con Vilanova.

A asociación Zona Centro de Cambados pon en marcha a sua campaña de verán co fin de incentivar as ventas e fidelizar os clientes.

A campaña desenvolverase os meses de xullo, agosto, setembro e octubre, con sorteos de diferentes electrodomésticos cun valor de 1.200 euros.

A asociación repartirá entre os comercios asociados 1.000 vales compra que se distribuirán entre os clientes.

A campaña foi presentada esta mañá en Cambados polo presidente da Asociación Zona Centro de Cambados, Juan Rey.

Con el falabamos en AROUSA PONTEVEDRA DIA A DIA..