Actualidade local e comarcal deste martes 7 de novembro.

Xornada de chuvascos intermitentes e ceos parcialmente nubrados á espera dunha nova borrasca que chegará esta noite e que nos deixará fortes precipitacións mañá mércores.

As temperaturas mantéñense en máximas de 17 graos e mínimas de 10.

Actualidade local e comarcal deste luns 6 de novembro.

Ainda que os temporais dan tregua, os paraugas seguirán sendo imprescindibles durante esta semana.

Segundo as previsións de Meteogalicia, haberá chuvias todos os días, pero non tan intensas nin cuantiosas como as destes días pasados nin o vento soprará coa mesma forza.

Hoxe tocan chuvascos intermitentes e para mañá prevese unha lixeira melloría ainda que xa o mércores empeorará de novo con abundancia de nubes e precipitacións traídas por unha nova fronte que entrará mañá pola noite.

As temperaturas baixan a máximas de 15 graos e mínimas de 8.

Actualidade local e comarcal deste venres 3 de novembro

Quedamos nunha xornada inestable con chuvascos intermitentes nunha pequena tregua que nos dan os temporais.

I e que, para esta noite agárdase a chegada dunha nova borrasca denominada Domingos que entrará polas rías Baixas e azoutará toda a comunidade durante a fin de semana.

As temperaturas mantéñense sen moitos cambios oscilando entre os 18 graos de máxima e os 13 de minima.

Actualidade local e comarcal deste xoves 2 de novembro

Seguimos baixo os efectos da borrasca Ciarán. Ainda que xa parece que pasou o peor, todavía hai momentos de fortes rachas de vento e chuvia intensas.

A cicloxénese explosiva de nome irlandés deixou nas últimas horas nunerosas incidencias nas nosas comarcas, afortunadamente sen danos persoais.

Ainda estamos en alerta laranxa no mar e amarela en terra nunha xornada na que o vento continuará soprando con forza e seguirán as precipitacións en forma de chuvascos intensos.

As temperaturas baixan a máximas de 15 graos e mínimas de 11.

Actualidade local e comarcal deste martes 31 de outubro..

Pequena tregua meteorolóxica antes da chegada dunha fronte agardada para esta noite, anticipo da borrasca Ciarán que segundo as previsións, entrará durante a tarde de mañá mércores transformada nunha cicloxénese explosiva.

De novo as Rías Baixas serán unha das zonas máis afectadas con ventos que poderían alcanzar ata os 150 kms hora e grandes precipitacións capaces de chegar ata os 200 litros por metro cadrado, segundo as estimacións técnicas.

De momento, e ata que esta noite chegue a primeira fronte, pasaremos o día con ceos entre nubes e claros e temperaturas que subiron lixeiramente aos 20 graos de máxima e os 17 de mínima.

Actualidade local e comarcal deste luns 30 de outubro..

Empezamos a semana cunha pequena tregua meteorolóxica pero, segundo as previsións, os temporais de chuvia e vento continuarán a partir do mércores coa entrada dunha nova borrasca moi activa de nome Ciarán que se agarda moi profunda e con ventos moi fortes.

De feito, a Aemet ven de activar as primeiras alertas para esa xornada por rachas de ata 100 kms horas e precipitacións intensas.

Ata ese momento, o tempo seguirá sendo moi inestable. Hoxe os ceos permanecerán parcialmente cubertos con chuvascos intermitentes e descenso das temperaturas, que oscilan entre os 17 graos de máxima e 11 de mínima.

E mañá quedaremos transitoriamente entre as altas e as baixas presións á espera da chegada pola noite da nova borrasca.

Actualidade local e comarcal deste venres 27 de outubro..

O temporal en terra vai amainando ainda que no mar manténse a alerta amarela por oleaxe e fenómenos costeiros.

Con todo, segundo as previsións de Meteogalicia, as chuvias continuarán, hoxe a xeito de chuvascos intermitentes e durante a fin de semana de forma xeneralizada e por momentos intensa.

Tampouco a vindeira semana nos libraremos dos paraugas e ainda que o martes baixa a probabilidade de precipitación a partir do mércores volveremos quedar na influencia das borrascas atlánticas que seguirán deixando ventos e chuvias intensos.

En canto as temperaturas, de momento seguen sen moitos cambios, oscilando entre os 18 de máxima e os 14 de mínima.

Actualidade local e comarcal deste xoves 26 de outubro..

Nova xornada de alertas por temporal de chuvia e vento.

A pesar de que a chuvia foi amainando durante a mañá, a Dirección Xeral de Emerxencias e Interior da Xunta elevou ao nivel laranxa a alerta por temporal costeiro para as provincias de Pontevedra e A Coruña a partir das 18 horas.

No resto do litoral, permanece o aviso amarelo con rachas do suroeste de forza sete e ondas de ata cinco metros.

En canto ás precipitacións, continúa vixente a alerta laranxa por chuvias no interior da provincia de Pontevedra, coa previsión de acumulacións de 80 milímetros en 12 horas.

As temperaturas seguen sen cambios, oscilando entre os 20 graos de máxima e os 14 de mínima.

Actualidade local e comarcal deste mércores 25 de outubro..

A cadea de borrascas non cesa e, segundo as previsións de Meteogalicia, tampouco o fará a curto prazo.

Hoxe chega unha nova fronte con vento forte e abundantes precipitacións que serán de maior intensidade a partir da tarde.

As temperaturas suben lixeiramente a 20 graos de máxima e 15 de mínima.

Actualidade local e comarcal deste martes 24 de outubro..

Xornada de temporal con alerta laranxa decretada para todo o litoral atlántico por fortes ventos e chuvias nunha nova cadena de borrascas que, segundo as previsións de Meteogalicia, deixarannos precipitacións durante toda a semana.

As temperaturas mantéñense sen cambios oscilando entre os 19 graos de máxima e os 12 de mínima.