Actualidade local e comarcal deste martes 12 de decembro.

O tempo continúa inestable debido aos efectos dunha borrasca situada sobre Inglaterra que nos deixa hoxe ceos cubertos e chuvias xeneralizadas con alerta amarela por precipitacións na provincia de Pontevedra.

As temperaturas siguen en valores suaves, oscilando entre os 16 graos de máxima e 12 de mínima.

Segundo as previsións, a inestabilidade empezará a remitir a partir de mañá, as chuvias irán a menos ata que o venres quede un día de tempo seco e soleado.

Hoxe iníciase a campaña da vieira na ría de Arousa coa participación dunha trintena de barcos, a maioría de Cambados e Rianxo.

O tope das capturas establécese en 4.000 kilos que se distribuirán en función do número de barcos e de tripulantes.

Para saber os detalles falamos co patrón maior da confraría de Cambados, Alejandro Pérez.

Actualidade local e comarcal deste luns 11 de decembro.

Empezamos a semana con tempo inestable nunha xornada de ceos nubrados e chuvascos illados máis frecuentes pola tarde.

As temperaturas mantéñense en valores suaves, oscilando entre os 18 de máxima e os 15 de mínima.

Segundo as previsións, a inestabilidade continuará gran parte da semana e as chuvias non nos deixarán alomenos ata o xoves.

Actualidade local e comarcal deste martes 5 de decembro.

Volve a inestabilidade nunha xornada de ceos nubrados ainda que non se agardan chuvias ata mañá mércores, festivo da constitución, na que se agarda a entrada dunha borrasca profunda que nos deixará chuvias xeneralizadas, especialmente na segunda metade do día.

As temperaturas manteranse sen moitos cambios entre os 14 de máxima e os 6 de mínima.

Segundo as previsións, as precipitacións continuarán durante toda a ponte da Inmaculada e prolongaranse durante a fin de semana.

Actualidade local e comarcal deste luns 4 de decembro.

Semana da ponte da Constitución e da Inmaculada que, segundo as previsións, pasaremos entre borrascas a partir, precisamente, da xornada festiva do mércores día 6.

Hoxe os ceos permanecerán parcialmente nubrados con chuvascos intermitentes que van diminuindo conforme avanzan as horas.

As temperaturas quedan sen moitos cambios entre os 14 graos de máxima e 7 de mínima.

Actualidade local e comarcal deste venres 1 de decembro

Empezamos o último mes do ano con tempo inestable que hoxe e mañá irá alternando ceos entre nubes e claros para empeorar o domingo cunha nova fronte que nos deixará chuvascos intermitentes durante a xornada.

Segundo as previsións de Meteogalicia, a vindeira semana con alternancia de ceos moi nubrados con momentos de nubes e claros, ocasionalmente pouco nubrados ou despexados.

As temperaturas baixan a mínimas de 8 e máximas de 13.

Actualidade local e comarcal deste xoves 30 de novembro.

Ainda baixo a influencia das baixas presións nunha xornada de ceos cubertos con chuvias dispersas e temperaturas que baixan lixeiramente a máximas de 13 graos e mínimas de 8.

Segundo as previsións, a partir de mañá o tempo pode ir mellorando ainda que se manterá a inestabilidade.

Actualidade local e comarcal deste mércores 29 de novembro.

Seguimos baixo a influencia das baixas presións nunha xornada de chuvias persistentes e temperaturas que se manteñen en valores suaves oscilando entre os 13 graos de mínima e os 15 de máxima.

Segundo as previsións, as chuvias continuarán durante toda a semana.

Actualidade local e comarcal deste martes 28 de novembro.

Seguimos baixo a influencia das baixas presións nunha xornada de ceos nubrados con probabilidade de chuvias intermitentes en forma de orballo.

As temperaturas mantéñense sen cambios oscilando entre os 13 graos de mínima e os 15 de máxima.

Segundo as previsións, deberemos seguir tendo a man o paraugas durante toda a semana.

Actualidade local e comarcal deste luns 27 de novembro.

Adentrámonos na última semana de novembro co regreso das chuvias, que, segundo as previsións, acompañarannos todos os días, especialmente ata o xoves.

Hoxe os ceos permanecerán cubertos con precipitacións en forma de orballo durante toda a xornada.

As temperaturas mínimas ascenden ata os 13 graos mentres que as máximas non suben dos 15.