Actualidade local e comarcal deste luns 3 de xullo.

Empezamos a semana baixo a influencia das altas presións nunha xornada de ceos despexados e temperaturas que chegarán ao redor dos 30 graos de máxima e 17 de mínima.

Sen embargo, de cumprirse as previsións, o tempo cambiará cara os últimos días da semana con aumento da inestabilidade e probabilidade de chuvia durante a fin de semana. As temperaturas continuarán sen cambios significativos.

Actualidade local e comarcal deste venres 30 de xuño.

Recuperamos o anticiclón nunha xornada de ceos despexados e temperaturas de momento sen moitos cambios que oscilan entre os 25 graos de máxima e 14 de mínima.

Segundo as previsións, ascenderán notablemente durante a fin de semana para alcanzar máximas de 29 graos e mínimas de 17.

Actualidade local e comarcal deste xoves 29 de xuño.

Estamos nunha xornada de transición entre as altas e as baixas presións con posibilidade de chuvias illadas e ceos parcialmente cubertos que se van abrindo co paso das horas.

As temperaturas baixan lixeiramente ata máximas de 25 graos e mínimas de 17.

De cumprirse as previsións, o anticiclón recuperarase a partir de mañá deixándonos de novo tempo seco e soleado para a fin de semana.

Actualidade local e comarcal deste mércores 28 de xuño.

Seguimos baixo a influencia anticiclónica ainda que comezan a baixar as temperaturas nunha xornada de ceos con brétemas persistentes, provocadas en gran parte pola calima.

Os termómetros sitúanse hoxe en máximas de 28 graos e mínimas de 16 suavizadas, ademáis, polo vento do leste.

De cumprirse as previsións, o anticiclón interrumpirase brevemente durante a xornada de mañá xoves, na que se agardan chuvias pola mañá, pero recuperarase a partir do venres deixándonos de novo tempo seco e soleado para a fin de semana.

Actualidade local e comarcal deste martes 27 de xuño.

Seguimos baixo a influencia anticiclónica nunha nova xornada de calor na que as temperaturas chegarán a máximas de 31 graos e mínimas de 18.

Segundo os mapas de Meteogalicia, as altas presións continuarán durante toda a semana ainda que as temperaturas rexistrarán descensos a partir do xoves coa previsión da entrada de maior nubosidade para esa xornada.

Actualidade local e comarcal deste luns 26 de xuño.

Seguimos baixo a influencia anticiclónica nunha xornada na que as brétemas matinais fóronse misturando coa nube de fume da gran vaga de incendios que arrasa Canadá e que, ainda que pareza increíble, viaxou máis de 5.000 quilómetros impulsado polas correntes de aire ata o litoral das rías baixas.

Con todo, segundo os expertos, esta nubosidade sitúase nas capas máis altas da atmósfera e non supón ningún risco para a poboación.

Así que hoxe agárdanos un día de ceos parcialmente cubertos por esa gran nube de fume e con temperaturas que se situarán sobre os 30 graos de máxima e os 18 de mínima.

Segundo as previsións, a influencia anticiclónica continuará durante toda a semana.

Actualidade local e comarcal deste venres 23 de xuño.

Agárdanos unha noite de San Xoan con bo tempo e temperaturas moi agradables que non baixarán dos 16 graos de mínima mentres durante o día as máximas rondarán os 30 graos.

A influencia anticiclónica deixaranos tamén unha fin de semana de praia con ceos despexados e temperaturas altas.

E de cumprirse as previsións, a vindeira semana continuará o tempo seco e caluroso.

Actualidade local e comarcal deste xoves 22 de xuño.

Comeza o verán e recupérase a influencia anticiclónica coa previsión de días de praia, nunha xornada de ceos prácticamente despexados e temperaturas en ascenso.

Os valores térmicos chegarán hoxe a máximas de 28 graos pero xa cara a fin de semana superarán os 30.

E de cumprirse as previsións, a vindeira semana continuará o predominio das altas presións con tempo seco e caluroso.

Actualidade local e comarcal deste mércores 21 de xuño.

Seguimos ainda con tempo inestable nunha xornada de ceos entre nubes e claros e previsión de chuvascos para esta tarde.

As temperaturas suben lixeiramente ata máximas de 24 graos e mínimas de 14.

Segundo os mapas de meteogalicia, a partir de mañá xoves recuperarase a influencia anticiclónica, volverá o tempo seco e a entrada de aire cálido deixará un progresivo aumento das temperaturas que o sábado poden superar os 30 graos.

Actualidade local e comarcal deste martes 20 de xuño.

Seguimos con tempo inestable nunha xornada de ceos entre nubes e claros e temperaturas en descenso ata máximas de 22 graos e mínimas de 13.

De cumprirse as previsións, a partir do xoves recuperarase a influencia anticiclónica, volverá o tempo seco e a entrada de aire cálido deixará un progresivo aumento das temperaturas que o sábado poden superar os 30 graos.