San Juan Antiako ermita industen ari dira. XVIII. mendean eraitsi zen eraikinaren lehen aztarnak begi bistan daude jada Iosu Etxezarragak zuzentzen duen taldeari esker.

XVIII. mendean eraitsi zen baina noiz eraiki zen argitu nahi da eta horren haritik, ermita soila ote zen ala hilobiratze eta bestelako zerbitzuak eskaintze zituen Parrokia ote zen. Hala balitz, giza asentamentu bati, herrixka bati lotutako eliza izango bailitzateke.

Entzun, Iosu Etxezarragak berak, indusketa gunean eman zizkigun azalpenak.

Juldain botika berritzerakoan pintatutako habeak eta XVIII. mendeko errezetak topatu dituzte.

"Altxor" hauen inguruko argibideak eman dizkigu Lorea Juldainek gaur goizean.

Kontxi eta Tere Urtazarekin berba egin dugu. Biek, urteak daramatzate "Kirrineko" dendan. Egun mertzeria eta lentzeria lokal dena, garai batean harategia ere izan zela kontatu digute. Bietan aritu behar izaten zuten baina txandaka, harategiko lana ez baitzitzien gehiegi gustatzen.

Barruko erropatan ere moda asko aldatu dela azaldu digute.

Pake Leku elkarteak antolatutako Jubilatuen Astearen baitan ictusari buruzko hitzaldia eman zuen Juan Jose Sagarzazu medikuak. Hitzaldiaren ondoren, esandakoa laburtzea eskatu genion.

Astea itxiz, ostiralean egin dugu 25. urteurreneko azken saio berezia. Zubikoa kiroldegira hurbilduta kirola izan dugu hizpide nagusi. Alde instituzionala jorratu dugu, Aloña Mendi K.E.ren lana, bi kirolariren bizipenak eta eskola kirola jarduna ere aztertu ditugu.

Udaletxeko areto nagusitik egin dugu Oñati Irratiaren 25. urteurreneko laugarren irratsaio berezia. Alkatearekin eta oposizioko buruarekin berba egin dugu. ELTZIAz eta Pake Leku Elkarteaz ere aritu gara, besteak beste.

Gaur justu, maiatzaren 11an, bete dira 25 urte Oñati irratiak bere lehen emanaldia egin zuenetik. Aste osoa daramagu ospatzen saio bereziekin. Gaur, Gaztelekutik egin dugu irratsaioa eta haur eta gazteria egitasmoez, herriko ikastetxeez edota Gaztetxeaz berba egin dugu, besteak beste.

25. urteurreneko bigarren saioa Kultur Etxetik egin dugu. Kultura batzordeko kideak, teknikaria, liburutegiko arduraduna, Oñati Abesbatzakoak, Ganbara Kantu Eskolakoak eta irratia, orain 25 urte martxan jarri zenean egitasmoan parte hartze zuzena izan zuten udal ordezkari eta teknikoak izan ditugu gurekin.

Turismoa hizpide nagusi izan dugu baina ostalariak, turismo teknikariak, merkatariak eta historialariak ere izan ditugu gaurko irratsaio berezian, Oñatik, alderdi horietatik ere zer eskaini ugaria baitauka.

Oñati Irratiaren 25. urteurreneko lehen saio berezia izan da.

Liburuaren Nazioarteko Egunaren harira, Gipuzkoako Protokolo Historikoen Artxiboak ateak ireki zituen atzo. Dokumentu historikoen eta literaturaren arteko lotura azaldu zen itsasoa eta euskaldunak ardatz hartuta.

Ramon Martin artxibozainak eta Jose Antonio Azpiazu ikerlariak gidatutako bisita aberatsa, Turismo Bulegoko teknikarien azalpenekin borobildu zen.

Gaur, Ramon Martin artxibozainarengana itzuli gara.