Podcast Radio Cerna

No comezo do verán, a actualidade ambiental galega recorreo ás vellas "glorias" da industria contaminante. ADEGA publica resultados sobre a súa xestión de residuos, que segue sen cumprir os obxectivos da UE e que sitúan a Galiza no terceiro posto pola cola do Estado en reciclaxe. Ence volve enfrontarse a unha nova manifestación de APDR e a térmica de As Pontes anuncia o esgotamento inminente do seu aprovisionamento do carbón, situando máis preto o seu desmantelamento. Escóitao en Radio Cerna!

Tras a exitosa marcha do día do medio ambiente na que a sociedade galega pedíu un cambio no modelo enerxético fronte a invasión eólica, a Xunta lanza unha campaña mediática na que pretende botar no tellado do Estado toda a responsabilidade sobre o actual descontrol na implantación das enerxís renovábeis. Esta e máis novas neste espazo de Radio Cerna!

O pasado domingo, Galiza unha xornada reivindicativa exitos a prol do medio ambiente. A coordinadora Eólica Así Non conseguiu encher a Praza do Obradoiro con milleiros de manifestantes que reclaman á Xunta e ao Estado un modelo enerxético xusto e sustentábel, por e para o pobo. Ademais disto, obterás información sobre unha nova mina de coltan en Galiza, informe sobre lumes e eucaliptización, Fragas do Eume e o novo Plan de biodiversidade da ministra Ribera.

O vindeiro domingo, Galiza prevé vivir unha inesquecible xornada de manifestación polo Día do Medio Ambiente. Máis de 200 entidades conformadas na coordinadora Eólica Así Non convocan unha mobilización por un modelo enerxético xusto e sustentábel, por e para o pobo, baixo o lema "Temos alternativa". A marcha sairá da Alameda ás 12 horas e prevé encher de novo a Praza do Obradoiro. Alén desta, máis novas de relevancia no panorama ambiental e ecoloxista de Galiza neste espazo de Radio Cerna. Non o deixes de escoitar!

Radio Cerna repasa en 10 minutos a actualidade ambiental galega. Erosión do solo, mina de Touro, eólica e efectos do cambio climático no mar, algúns dos temas que tratamos no programa de hoxe. Non o perdas!

As organizacións ecoloxistas galegas advirten sobre os prexuízos ambientais que a fábrica de fibra téxtil de Altri podería traer para a comarca da Ulloa e para o país. Alén disto, esta semana deixou información de interese sobre proxectos hidroeléctricos en activo e en proxección nos ríos galegos. Tamén se deron avanzas na elaboración do catálogo estatal de reservas hidrolóxicas, onde por primeira vez, aparecerá o Pedregal do Irimia, un dos lugares nos que maioritariamente se sitúa o nacemento do río Miño. En Radio Cerna atoparán o resto da actualidade ambiental e ecoloxista da semana.

O movemento ecoloxista consegue que se protexan 1.130 zonas húmidas de Galiza tras 15 anos de pasividade e desproteccón por parte da Xunta e do Estado. Tamén os activistas galegos lideran a o oposición estatal ao real decreto lei que simplifica a tramitación de macroproxectos eólicos e os exime de avaliación ambiental ordinais. E a fábrica de fibras téxtiles de Altri preséntase como nova amezada para o medio ambiente galego.... Esta e máis novas no eido ambiental e ecoloxista de Galiza na última semana. Escóitaas en Radio Cerna!

Alén de celebrarse o Día da Terra, nesta semana cúmprense 15 anos desde a aprobación do Catálogo Galego de Especies Ameazadas. Un catálogo que nacía con vocación de favorecer a conservación das especies, mais hoxe en día só unhas poucas das 200 que incorpora contan con plan de conservación e recuperación. Mais, a grande sorpresa da semana foi a do "pacto de país" dos socialistas de Galiza pola enerxía eólica, pero que non contou coas organizacións ecoloxistas nin afectadas pola actual vaga eólica. Se queres obter máis información, escoita Radio Cerna!

O decreto-lei de Sánchez no que exime de avaliación ambiental certos proxectos de enerxías renovábeis fai saltar as alarmas das entidades ecoloxistas, mesmo das estatais. As enerxías renovábeis non poden implantarse á custa de rebaixar as garantías ambientais ou de participación pública. ADEGA advirte de que este decreto en Galiza poría en risco espazos que foron propostos como ampliación da Rede Natura 2000. Doutra banda, a Xunta intenta reparar a súa ilegalidade, constatada polo TSXG, e volve a poñer en exposición púbilca aqueles proxectos eólicos aos que lles recurtou a metade o prazo de alegacións. Estas e outras novas de interese, neste espazo de Radio Cerna!

O goberno de Sánchez, malia a querer diferenciarse do de Feijóo, bota a andar a "lei de depredación" estatal! Vén de aprobar un real decreto que, en virtude da crise xerada pola guerra en Ucraína, pretende eximir de avaliación de impacto ambiental a proxectos eólicos en tramitación e menos de 75 MW e simplificando a tramitación da súa autorización. Este decreto sumado ás leis de depredación da Xunta sitúan á sociedade galega nunha arriscada posición de indefensión fronte os intereses especulativos e espoliadores das promotoras eólicas. Ao tempo, resoa con máis forza que nunca a idea da soberanía alimentaria e apróbase da DIA de desmantelamento da térmica das Pontes.