Podcast Radio Cerna

Neste espazo de Radio Cerna informámosche da actualidade ambiental de Galiza. Quérela coñecer?

A Univerdidade da Coruña nomeou recentemente como profesor emérito ao xeólogo Xoán Ramón Vidal-Romaní, tamén director do Instituto Universitario de Xeoloxía "Isidro Parga Pondal". Na súa lección derradeira, Vidal-Romaní fixo un repaso a máis de 1.000 millóns de anos da historia de Galiza. A súa traxectoria académica achegou, sobre todo, un maior coñecemento sobre o noso territorio na Era Cuaternaria e foi o descubridor de Elba, o resto humano máis antigo atopado en Galiza.

O concello de Baiona impulsa o complexo turístico e deportivo "As Costeiras" co gallo de reclamar turismo fóra da época estival. Entre as actuacións, prevese a creación dun campo de golf de 18 buratos en 70 ha da Serra da Groba. Desde o verán, o proxecto colleitou unha grande oposición social e veciñal pola potencial afectación do complexo aos recursos hídricos da zona, ao monte comunal e ao patrimonio cultural da zona.

O pasado mércores, Miguel Martínez, o primeiro detido e encarcerado pola vaga de incendios de outubro e membro fundador do Movemento Ecoloxista da Limia, saíu da cárcere de Pereiro de Aguiar. Durante as 5 semanas que estivo en prisión incondicional, a súa familia, amizades e máis de 20 colectivos ecoloxistas denunciaron publicamente o trato desproporcionado que estaba a recibir Miguel , tratado como terrorista ambiental, cando a causa do lume de 1 Ha na súa parcela se debeu a unha imprudencia e non a un acto deliberado. Un día despois da súa saída, Miguel concedeu unha entrevista a Radio Cerna que reproducimos a continuación.

Se queres coñecer a actualidade ambiental de Galiza, escoita este espazo. Só tardarás en coñecela 10 minutos!

Uns 18 colectivos galegos viaxarán a vindeira semana a Bruxelas para denunciar ante o Parlamento europeo a destrución do patrimonio arqueolóxico por mor da industria do eucalipto. A delegación galega está convidada pola europarlamentaria Lidia Senra aproveitando que o vindeiro ano 2018 se pretende declarar pola UE como Ano do Patrimonio Cultural. Un dos colectivos convidados é Mariña Patrimonio, que apunta responsabilidades contra ENCE e a Xunta de Galiza.

"O Antropoceno e a Grande Aceleración" titulouse unha xornada de reflexión convocada polo Consello da Cultura Galega o pasado xoves para debater sobre o momento no que nos atopamos a nivel ecolóxico e sobre os retos de futuro aos que nos enfrontamos. Un dos convidados a esta xornada foi o filósofo e sociólogo Jorge Riechmann, autor de varios libros dedicados á limitación dos recursos naturais, os impactos dos seres humanos no Planeta, e a necesidade dun cambio de sistema económico-social. Entrevistamos a Riechmann en Radio Cerna.

No espazo de hoxe repasamos a actualidade ambiental da última semana en Galiza. Anímate a coñecela.

Unha das antigas minas que se pretenden reabrir en Galiza é a de San Finx en Lousame. Para poder explotar de novo, Sacyr debe conquerir o permiso de Augas de Galicia para poder verter ao rego San Fins preto de 1 millón de m3 de augas mineiras que se concentran nas vellas balsas. Pero agora a Fiscalía de Medio Ambiente traslada dilixencias ao xulgado para que este investigue se houbo un posible delicto penal na autorización da súa reapertura, á raíz da denuncia de colectivos sociais e ecoloxistas que sinalan que a mina xa está a verter augas ácidas e contaminadas ao rego San Fins, podendo estar prexudicando xa mananciais e a ría de Noia.

Veciños e veciñas de Touro e O Pino mobilízanse en contra do proxecto de reapertura e ampliación da mina de cobre de San Rafael S.L., que ocuparía preto de 700 Ha entre estes dous concellos. O anuncio do proxecto caeu como unha xarra de auga fría entre a vecindade que xa está a recabar numerosos apoios sociais en contra da explotación mineira. Consideran que o impacto é totalmente inasumible a nivel ambiental, sanitario, social e económico. Rubén Souto, membro da plataforma Mina NON lembra que os veciños aínda están sufrindo os efectos da antiga mina, que pechou en 1986.