Podcast Radio Cerna

Unha rede de 60 entidades galegas conformadas baixo o nome "Cousa de Raíces" vén de presentar no Parlamento galego unha proposición de lei por iniciativa lexislativa popular que pretende regular cara un modelo máis sostible o monte galego. Os seus obxectivos princiais son potenciar o bosque autóctono, frear o eucalipto, mellorar a xestión do monte e loitar contra os lumes forestais. O texto normativo será agora avaliado polo Parlamento para admitir ou non a súa tramitación.

Máis información en: http://cousaderaices.wordpress.com ou http://adega.gal

Desta volta, o boletín informativ de Radio Cerna será un monográfico sobre os lumes vividos en Galiza recentemente. Repasaremos algúns dos aspectos máis relevantes do acontecido nesta semana. Acompáñanos!

Recollemos nest espazo o testemuños dos bombeiros profesionais, ecoloxistas e afectados pola última vaga de incendios que sitúan a solución á problemática dos lumes máis alá da persecución dos criminais. Urxen un cambio no modelo forestal e na xestión actual dos montes galegos.

Radio Cerna dedica este programa especial a CUAC FM, a radio comunitaria da Coruña, coa que colabora, e que se viu obrigada a pechar a súa emisión por frecuencia modulada o pasado mes de setembro ante a ameaza dunha sanción de ata 200.000 euros. A Xunta abriulle un expediente sancionador por emitir sen licenza poñendo en risco a continuidade do proxecto pese a ter solicitado licenza en varias ocasións e levar 21 anos emitindo de forma ininterrompida. CUAC FM teme que se trate dun intento das autoridades públicas de eliminar as radios comunitarias do país. Desde Radio CERNA e ADEGA manifestamos o noso apoio a todas as radios comunitarias de Galiza e do mundo e ao seu dereito a existir e a obter licenza.

Escoita este espazo para coñecer a actualidade ambiental galega en 10 minutos.

A arquitectura ten un importante papel no deseño dun hábitat e contornos amables coa natureza e sostibles para un futuro, mais agora tamén debe propoñer medidas e accións que mitiguen a mudanza climática. O Colexio de arquitectos de Galicia, consciente desta responsabilidade, promoveu diversas charlas e visitas no día mundial da Arquitectura que exemplificasen esa loita do sector contra o cambio climático. En Lugo mostrou como exemplo o único edificio industrial da provincia autosuficiente enerxeticamente.

A décima edición da Limpeza Simultánea de Ríos de Proxecto Rios culminou cunha ampla participación. Arredor de 900 persoas, 60 entidades e 45 concellos conseguiron retirar 10 toneladas de lixo das marxes fluviais galegas. O coordinador desta actividade, Paco Bañobre, explica para este espazo en que consiste a actividade, cales son os seus obxectivos e os resultados acadados.

Radio Cerna ofréceche neste espazo as novas ambientais máis destacadas da última semana. Coñéceas!

Este ano 2017 non foi un ano bo de mel. O descenso da produción sitúase entre o 30-50%. Aos tradicionais factores que afectan negativamente as abellas agora hai que sumarlle a incidencia da avespa velutina, unha especie exótica invasora que mesmo comeza a atacar outro tipo de insectos. O sector apícola de Galiza leva varios anos preocupado pola expansión acelerada da especie polo territorio galego e reclama ás autoridades medidas máis eficaces contra a avespa asiática. Unha das novidades que presentan é a trampa eléctrica.

No pasado mes rexistráronse ata 4 avistamentos de balea azul nas costas galegas. Un feito histórico que suxire dúbidas sobre o achegamento do animal máis grande do mundo ao noso litoral. Alfredo López, biólogo da CEMMA e un dos avistadores de balea azul, explícanos por que se produce este achegamento e en que estado de conservación se atopa a especie hoxe en día.