Podcast Radio Cerna

Para os colectivos ecoloxistas representados no Padroado do Parque Nacional das Illas Atlánticas, o que acontece todos os veráns nas Illas Cíes, a masificacióin turística e a sobrevenda de billetes non cae de sorpresa. Desde 2011 veñen alertando ao Padroado e á Dirección do Parque da situación. Agora confían en que o problema se reverta e se aprobe dunha vez por todas o Plan de Xestión e Usos do Parque, o instrumento polo que se deberían regular as visitas. Advirten ademais da falta de regulación sobre o número de visitas que teñen as demais illas do Parque.

Voltamos con espazos actualizados sobre a ecoloxía e o medio ambiente galego! E como hoxe é venres toca repaso da actualidade ambiental da última semana. Benvidos/as a Radio CERNA!

Coñece as novas ambientais do país máis destacadas desta semana neste boletín informativo que precede un período de descanso de Radio Cerna. Este espazo radiofónico de ecoloxía e medio ambiente de Galiza volverá no mes de setembro. Ata entón non deixes de escoitarnos! Agardámoste!

Rematamos a serie de espazos de Radio Cerna dedicados aos concellos galegos "libres de eucalipto" ou que teñen promovido nos últimos tempos accións destinadas a eliminar esta especie foránea do terreo municipal ou a substituíla por especies autóctonas. No espazo de hoxe abordamos a proposta do BNG para declarar Vilagarcía de Arousa libre de eucaliptos e a proposta que esta mesma formación apoiou en Bueu, concello que rexenta, malia ser formulada por outra formación, o Partido Son. O BNG dá conta da resposta recibida do Ministerio e da Comisión Europea ante a petición de incluír o eucalipto nos Catálogos de especies exóticas invasoras.

En resumo, os concellos galegos poden e deben tomar partido na xestión forestal de Galiza e nas políticas de prevención de incendios forestais. Exemplos como os que coñecemos nos últimos días demostran que é posible!

Tamén algúns concellos rexentados por alcaldes socialistas se están animando a declararse "libres de eucaliptos". O concello de O Grove, con grandes extensións ocupadas por esta especie, vén de declararse como tal, co ánimo de ir reconvertendo progresivamente o monte do municipio á floresta autóctona, coa colaboración das comunidades de montes. Pola súa banda, o Concello de Ames impulsa a substitución de faixas de protección arredor das vivendas, mudando o solo ocupado por eucaliptos por especies arbóreas autóctonas e frutais.

En pouco tempo, descubre o que aconteceu no medio ambiente galego na última semana!

Esta semana demos inicio a unha remesa de programas dedicados aos concellos galegos auto-declarados "libres de eucaliptos". Hoxe abordamos as propostas de dous concellos rexentados por alcaldes do PP: Folgoso do Courel e Pantón. A vindeira semana, falaremos de concellos gobernados por outras formacións políticas que tamén decidiron plantar cara ao eucalipto.

Nos vindeiros días, neste espazo de Radio Cerna, falaremos con concellos galegos libres de eucaliptos. O primeiro municipio galego en rexeitar o eucalipto a través de normativa local foi o concello de Sober, que desde hai máis de 8 anos non admite en todo o termo municipal plantacións con esta especie. O concello de Sober, rexentado por un alcalde do PP, é unha das apostas locais máis decididas contra a proliferación desta especie.

Eucaliptos, patrimonio, camblio climático e mártires do ecoloxismo son algúns dos temas de actualidade que tratamos neste espazo resumo da actualidade ambiental de Galiza.

Desde finais dos anos 80 os ríos galegos enfróntanse a unha nova ameaza: a ameixa asiática. Desde aquela a súa dispersión polos ríos galegos foi en aumento ata o día de hoxe que semella experimentar un estancamento. Noé Ferreira, investigador da Universidade Vigo, está a facer seguimento desta especie exótica invasora que se ten espallado sobre todo pola bacía do Miño-Sil e que pon en serios apuros aos mexillóns de río autóctonos. Ferreira estudou os factores dos que se beneficia a ameixa asiática para expandirse, non só por Galiza, senón tamén polo Norte de Portugal. Con el falamos...