Podcast Radio Cerna

A Asociación Véspera de Nada trasladou aos grupos parlamentarios de Galiza a revisión do informe "Os límites do crecemento" publicada en abril deste ano para promover unha Comisión interpartidaria galega para analizar os límites do crecemento do país. O documento orixinal, procedente de 1972, establecía tres escenarios posibles para o século XXI. A revisión actual do documento conclúe que nos atopamos hoxe en día no peor dos escenarios posibles.

Logo do descanso estival, volve Radio Cerna co boletín informativo ambiental de cada semana e moitos máis espazos con toda a actualidade ecoloxista e medioambiental do país. Benvidos/as de novo!

Escoita un novo espazo de Radio Cerna dedicado á actualidade ambiental e cultural do país. Radio Cerna fará un descanso durante o mes de agosto pero volverá no en setembro con máis espazos sobre medio ambiente, ecoloxía e cultura de Galiza! Feliz verán!

En Galiza, cada 5 días abandónase unha aldea. O envellecemento da poboación, a migración da xente cara as vilas ou cidades, a falta de oportunidades para instalarse no rural e vivir nel son algunhas das causas que están detrás deste abandono. Aínda así, atopamos algunha experiencia de recuperación de aldeas abandonadas que merecen ser coñecidas. É o caso da aldea de Vieiros de Quiroga, na Serra do Courel. Neste espazo coñecemos o proxecto da man dun dos seus refundadores e habitante do lugar.

Presentámosche algúns dos aspectos máis relevantes da a actualidade ambiental da semana en Galiza nese espazo. Escóitanos!

O Proxecto Terra cumpre 15 anos. Naceu impulsado polo Colexio de Arquitectos de Galiza para difundir entre os máis novos valores de identidade territorial a través de múltiples recursos didácticos, actividades e materiais divulgativos que analizar os espazos que habitamos desde o máis local ata o ámbito territorial galego. Repasamos co coordinador desta iniciativa, Xosé Manuel Rosales, o alcance do proxecto no seu décimo quinto aniversario.

A Coruña lanza un proceso de participación pública a través de software libre para que os cidadáns desta cidade podan decidir en que investira un millón de euros para 2017. As propostas presentadas nos orzamentos participativos da Coruña comezan hoxe o seu proceso de avaliación técnica e económica para ver cales delas poden ser executables. A gran maioría das proposta aposta pola creación de novos espazos verdes e carrís-bici, demandando así un novo modelo de cidade.

Repasa con nós a actualidade ambiental desta semana de ámbito galego!

A depuración natural das augas residuais estase a estender por Galiza como alternativa aos sistemas de depuración convencionais en poboacións inferiores a 2.000 habitantes. É unha das formas máis ecolóxicas e sostibles de depurar as augas residuais de pequenas localidades e que ademais aforra investimento, gastos de mantemento e favorece a fertilidade dos solos e a biodiversidade. Na provincia de Pontevedra, os municipios de Campo Lameiro e Cerdedo veñen de impulsar proxectos piloto de depuración natural coa creación de humidais artificiais.

"Colle3" é unha iniciativa impulsada polo Clube Augasantas Kitesurf de Barreiros que apela á conciencia e responsabilidade individual das persoas que acuden e habitan no litoral contra o lixo. Esta idea xunto coa dos "venres sen plástico" son pequenas accións que conseguen grandes resultados. E ímolo comprobar co presidente do Club Augasantas, Óscar García.