Podcast Radio Cerna

Acaba de nacer unha editorial en Galiza que editará contidos integramente en galego e, principalmente, sobre Ecoloxía e Economía Social. Chámase Catro Ventos e foi fundada por cinco veciños/as de Vigo preocupados polo baleiro exitente deste tipo de contidos no mundo editorial galego. Coñecemos o proxecto cun dos seus promotores.

As campañas de concienciación sobre a correcta xestión dos residuos urbanos sempre fan falla. Unha incorrecta separación en orixe, a produción ilimitada de residuos, a non consideración do punto limpo, dificulta a xestión do lixo do concello de As Pontes. Por estes motivos, vén de lanzar a campaña "R que R", que durará ata marzo do ano que vén.

Escoita neste espazo cales foron as novidades máis relevantes da actualidade ambiental galega, durante esta última semana.

Composta en Red é a coordinadora estatal que engloba todas as iniciativas do Estado en compostaxe. Este ano elixiu Pontevedra para desenvolver o seu Seminario anual sobre compostaxe, onde se congregan multitude de experiencias e proxectos relacionados coa compostaxe doméstica e comunitaria. Neste espazo coñeceremos que contidos se van tratar neste foro que terá lugar mañá e pasado. Composta en Red pretende avanzar dos proxectos piloto aos proxectos integrais de compostaxe. En Galiza xa hai varios exemplos de xestión integral de residuos baseada na compostaxe.

ADEGA e a Federación Ecoloxista Galega presentan alegacións contra unha planta de biomasa en Curtis, en tramitación, que excede o límite de potencia establecido pola lei vixente. As entidades ecoloxistas consideran este proxecto como a antelasa do modelo de plantas de biomasa que no futuro pretende favorecer a Xunta de Galiza: sen límites de potencia e baseadas nos cultivos enerxéticos, predominantemente de Eucaliptus nitens, de plantas exóticas e crecemento rápido.

Repasamos a actualidade ambiental de Galiza en 10 minutos. Non o perdas!

A Red estatal en Transición chegará a Galiza a finais deste mes co I Encontro en Transición e Decrecemento que se celebrará en Galiza. O obxectivo principal deste foro será reunir e poñer en contacto todas as iniciativas e proxectos galegos que estean en sintonía co movemento en Transición, aquel que ofrece resiliencia fronte ao colapso social, ambiental e económico ao que nos leva o crecemento continuo da produción. A Asociación Véspera de Nada será unha das organizadoras deste evento que terá lugar entre o 29 e 31 de outubro, en Betanzos (A Coruña).

Coñece as novas ambientais máis relevantes da semana aquí no teu país!

A nosa árbore máis emblemática, o carballo, está de noraboa. Segundo unha tese da Escola Politécnica de Lugo, da USC, tanto o carballo común como o cerquiño ou rebolo teñen mecanismos que lles permitien resistir ante circunstancias adversas relacionadas coa mudanza climática. O autor da investigación, Gonzalo Pérez Lis, descúbrenos cales son eses mecanismos.

Poder aproveitar os recursos propios da aldea á que se lle quere devolver a vida á fundamental. Baixo esta premisa nace o proxecto de recuperación da aldea de Rebordechán (Crecente) por iniciativa da cooperativa "O Tempo da Aldea". O proxecto está rematado no papel, agora fai falla o impulso financeiro para poñelo a andar. Coñecémolo neste espazo de Radio Cerna!