Podcast Radio Cerna

O monte galego e, por extensión, o total do territorio galego enfróntase a unha nova ameaza ambiental e socioeconómica provocada pola aposta do goberno autonómico pola biomasa e os cultivos enerxéticos con especies exóticas de crecemento rápido, como o bambú, a acacia ou o eucalipto nitens. ADEGA alerta das consecuencias da liberalización do sector en Galiza e da inxente cantidade de superficie que as empresas da biomasa precisarán para poder planta e queimar en ciclos curtos.

Escoita as novas ambientais do país galego máis destacadas da última semana. Escoita o boletín informativo ambiental de Radio Cerna!

A OCU vén de denunciar o engano publicitario das toalliñas húmidas desbotables. Nin son desbotables nin biodegradables, segundo un estudo realizado por esta organización de consumidores. Os impactos que provoca o incremento no uso deste produto na rede de sumidoiros e nas augas en xeral están a producir graves danos no ambiente e tamén nas arcas públicas.

2016 foi un ano de avances en materia de protección animal. Existe un novo proxecto de lei do benestar animal, xa hai 20 concellos galegos contrarios á celebración de espectáculos taurinos e 59 concellos galegos que se declaran libres de cirscos con animais. Segundo datos do Ministerio de Cultura, as touradas en Galiza reducíronse á metade desde o ano pasado e a porcentaxe de público asistente só é do 0,3%. Os colectivos animalistas albiscan para 2017 a abolición total das touradas en territorio galego.

Acompáñanos neste repaso á actualidade ambiental do país. Como cada venres, facemos un percorrido polas novas ambientais máis destacadas da semana en Galiza.

Hai pouco máis dun ano nacía a Asociación medioambiental de xuresianos-geresianos AXUGE. Unha organización conformada fundamentalmente por persoas nacidas e veciñas da Serra do Xurés, declarada Parque Natural. Neste espazo, coñecemos cales son os seus obxectivos e as súas propostas de actividade neste emblemático lugar de Galiza.

As mulleres rurais de Os Hórreos, de Muros, comezan en 2007 un proxecto de recuperación de terras improdutirvas para o cultivo ecolóxico que hoxe acadan unhas 4 hectáreas. Os comezos non foron doados, pero hoxe son o modelo a seguir para moitas mulleres (e homes) do rural. Recentemente, foron galardoadas pola Deputación provincial da Coruña.

Neste espazo de Radio Cerna repasamos a actualidade ambiental da semana en Galiza. Non o perdas!

O vindeiro venres e sábado, ADEGA realizará unha limpeza simultánea de praias e lagoas litorais nas costas galegas para concienciar sobre a importancia de evitar que os nosos residuos cheguen ao mar. As consecuencias son catastróficas para a biodiversidade mariña pero tamén para nós, xa que os microplásticos chegan ao máis alto da cadea trófica. Esta actividade de voluntariado ambiental afectará a seis das lagoas litorais máis importantes de Galiza.

ADEGA e Mariñapatrimonio culpan ao Servizo de Patrimonio de Lugo e ao Concello de Cervo da indemnización que a Xunta terá que pagar a cargo do erario público por non ter protexido o Castro da Atalaia a tempo. Malia que estes colectivos advertiron da necesidade de protexelo en 2005, a Xunta non actuou ata 2007, permitindo mentres tanto que unha construtora ocupase 1.600 m2 do xacemento para o levantamento dun edificio.