Podcast Radio Cerna

O pasado luns coñeciamos en Radio Cerna as motivacións que levaron ao Papa Francisco dedicar a súa primeira encíclica ao "coidado da casa común", é dicir, á Ecoloxía. Hoxe imos abordar co profesor en teoloxía moral, Gonzalo Varela, as ideas ecoloxistas chave que o pontífice quixo transmitir aos cristiáns e non crentes hai un ano, na súa encíclica "Laudato Si".

Neste mes de maio cúmprese un ano desde que foi publicada a encíclica ecoloxista do Papa Francisco, "Laudato Si". Por este motivo, neste espazo abordaremos co profesor de teoloxía moral, Gonzalo Varela, as orixes da filosofía e teoloxía ecoloxista propugnada polo Papa Francisco e tamén as motivación que o levaron a escribir esta reflexiva e extensa obra a prol da defensa da Terra.

Neste espazo de Radio Cerna atoparás un resumo da actualidade ambiental de Galiza máis relevante da última semana. Non o perdas!

Unha normativa de 2012 que entrou en vigor no pasado mes de novembro obriga a cumprir novos requerimentos para poder facer uso dos praguicidas ou fitosanitarios na agricultura convencional. Entre as exixencias atópase a disposición dun carné de manipulador de fitosanitarios para poder ter acceso a certos produtos químicos. Pero non toda persoa que teña contacto coa actividade agrícola debe cursalo. Falamos cun especialista para que nos clarexe esta cuestión e tamén cales deben ser as limitacións do uso de praguicidas.

O patrimonio tamén se atopa baixo as augas. A arqueoloxía submariña e/ou subacuática no noso país realízase en obras públicas, en casos de espolio ou como materia de investigación. Neste espazo, convicamos a unha empresa que se dedica a rastrexar os fondos mariños e fluviais de Galiza na busca de elementos patrimoniais para que nos conte que hai debaixo das augas galegas.

Coñece as novas ambientais máis sobresaíntes da semana aquí, en Radio Cerna!

O concello pontevedrés de Cerdedo vén de poñer a andar un programa de compostaxe bianual que, se funciona, se extenderá a todo o municipio. O obxectivo é reducir nun 50% o lixo que envía a Sogama, evitar custos innecesarios, e contribuír a facer a vecindade partícipe na xestión dos seus residuos. A compostaxe inclúese no plan local de xestión de residuos que nos explica neste espazo a técnica de medio ambiente, Cristina Tomé.

San Sadurniño tivo a valentía de ser o primeiro concello galego en experimentar a recollida selectiva dos residuos "porta a porta", ligada á compostaxe caseira. Tras máis dun ano de proba, xa está en disposición de dar datos sobre aforro de lixo e aforro económico. Os resultados son mellores aínda do que se agardaba. Se queres coñecelo, dálle ao play!

Cales son as novas ambientais máis destacadas da semana en Galiza? Preme e escóitaas!

Nesta segunda parte da entrevista que Radio Cerna lle fixo ao Catedrático de Economía e experto en políticas climáticas, Xavier Labandeira, o economista opina sobre o mecado de emisións, sobre os investimentos do fondo verde contra o cambio climático ou sobre a vontade de descarbonizar as economías na segunda metade do século XXI. O acordo de París sobre cambio climático, que deseña a folla de ruta das políticas mundiais para mitigar o fenómeno e adaptarse a el, vén de ratificarse a semana pasada por 150 países de todo o mundo.