Esta fin de semana está prevista a celebración dunha proba de trail na Costa do Dexo (Oleiros) na que correrán 350 persoas e que podería poñer en risco a principal colonia de corvo mariño cristado da Península, ao pasar a carón do seu núcleo de cría. Varias organizacións ambientalistas pedíronlle a Xunta que revise o trazado da proba e avalíe as súas repercursións ambientais antes de aprobala.

O visor cartográfico do litoral galego, elaborado polo grupo de investigación Ecotox da Universidade de Vigo, permite consultar datos sobre a contaminación química das nosas costas desde 1997. Ricardo Beiras, catedrático en bioloxía e coordinador de Ecotox, explícanos que servizos ofrece esta ferramenta online, a primeira que concentra toda a información existente na materia e á que calquera pode acceder.

Neste espazo trasladamos as novas máis destacadas da última semana na actualidade ambiental galega. Non o perdas!

En 1986 aparace o termo "greenwashing" para designar aquela propaganda verde utilizada polas empresas para amosar os seus logros ambientais, sexan ou non reais. Hoxe en día, o consumidor/a afróntase a mensaxes confusas relativas ao compromiso ambiental do mercado. Joana Martins axúdanos a entender este concepto e a detectalo.

"Isabela II" é como se chama o proxecto de exploración mineira que o Grupo M-FM2001 solicitou na Xunta de Galiza para buscar ouro e outros minerais estratéxicos na comarca da Costa da Morte. Afectará aos concellos de Zas, Vimianzo, Coristanco e Santa Comba. A rede Contraminacción e os vexiños da comarca presentaron centos de alegacións contra esta primeira fase de procura dos minerais. Pero o que máis temen é o que virá detrás deste permiso de exploración. De autorizarse unha mina de ouro na zona, veríanse afectandos varios centos de explotacións gandeiras.

Acompáñanos no repaso da actualidade ambiental da semana en Radio Cerna!

No Día Mundial da Muller, varios colectivos ecoloxistas, como ADEGA e Amigos de la Tierra, resaltaron a figura de Bertha Cáceres, activista hondureña asasinada recentemente por defender a súa etnica indíxena, os lencas, e as terras das que viven dos intereses das grandes multinacionais. Esta é unha homenaxe a Bertha Cáceres e a todas aquelas mulleres que, pese as dificultades, loitas pola Natureza e polos dereitos dos máis débiles.

O Prestige foi tamén unha loita de discursos, axendas e mensaxes. A xornalista Teresa Barberena analiza a través da súa tese doutoral as distancias existentes entre o discurso sobre a catástrofe dos medios de comunicación tradicionais e, por outro lado, as mensaxes do movemento social e colectivo Nunca Máis, constituído en referente de protesta. A investigadora explica para Radio Cerna as conclusións do seu estudo. Cal foi o discurso vencedor?

Radio Cerna ofréceche a actualidade ambiental galega resumida en 10 minutos. Escóitaa!

O Norte de Italia é unha das áreas da UE que na última década máis impulso colleu para a reconversión do seu antigo sistema de xestión de residuos cara a compostaxe. Actualmente acolle mais de 200 plantas de compostaxe. Quixemos coñecer como se produciu esta evolución da man de Riccardo Morganti, especialista na recollida selectiva da materia orgánica e traballador da consultora ambiental italiana Ladurner, quen tamén impartiu unha palestra no curso de mestres composteiros da Deputación de Pontevedra.