A vindeira semana comeza o III Foro de reflexión sobre a custodia do territorio organizada pola Fundación Fragas do Mandeo. Este programa de actividades conta con charlas e conferencias sobre aspectos a custodiar da comarca As Mariñas-Betanzos, sobre todo referidos á custodia fluvial, así como diversas actividades de voluntariado ambiental. Como novidade, preséntase a celebración da primeira eco-regata polo río Mandeo.

Varias actividades de promoción e divulgación da custodia do territorio estanse a preparar para a vindeira e última semana de setembro. Entidades galegas de custodia tamén participarán nesta cita europea con este mecanismo de conservación en auxe e con un futuro prometedor. O voceiro da plataforma de entidades galegas de custodia contaranos cales van ser as principais actividades de divulgación e de voluntariado que van ter lugar nos vindeiros días no noso territorio. Tamén abordará os retos da custodia do territorio galego a día de hoxe.

Coñece a actualidade ambiental galega da última semana neste espazo de Radio Cerna!

Centos de voluntarios e voluntarias participarán o vindeiro 28 de setembro na VII Limpeza simultánea dos ríos galegos organizada por ADEGA e Proxecto Ríos. O obxectivo será retirar de forma simultánea todo o lixo que se poida das marxes dos ríos de Galiza. O ano pasado chegáronse a retirar nunha soa xornada 10.000 quilos de residuos dos efluentes galegos.

A apicultura urbana xa é unha práctica nas grandes cidades europeas e en Estados Unidos. No obstante, en Galiza e no resto do Estado español atópase cunha normativa restritiva que impide o seu desenvolvemento. A pesar do problema legal, están a xorder pequenas iniciativas nalgúns concellos galegos, impulsadas pola Asociación galega de apicultores, que buscan promover a apicultura nos ámbitos urbanos.

Neste boletín informativo repasamos a actualidade ambiental en Galiza, acontecida nos últimos días. Infórmate de que pasa na túa contorna!

Aproveitar a enerxía xeotérmica para a súa transformación en electricidade é unha oportunidade de futuro en Galiza que agora está en fase de estudo. Así se extrae dunha investigación da Univesidade de Valladolid na que se mediu o potencial xeotérmico de toda a Península a niveis subterráneos profundos e sen a presenza de auga. Sen embargo, as tecnoloxías existentes para este tipo de aproveitamentos son inmaduras e impactantes, chegando a compararse coas técnicas do fracking para a obtención de gas. Consultámoslle ao coordinador deste estudo.

En Galiza estase a desenvolver un proxecto Life destinado á conservación da flora e fauna que se desenvolve en ecosistemas húmidos continentais. O coñecido como Life Tremedal xa respaldou diversas actuacións de conservación en 3 humidais galegos que pretenden converterse nun referente en materia de protección da biodiversidade e que coñeceremos con Marco Rubido, técnico do Ibader.

Neste espazo Cerna ofrecémosche as novas máis destacadas da semana no eido ambiental. Voltamos de hoxe nun mes con contidos actualizados. Feliz verán!

A información que nos dan os organismos públicos sobre o número e a incidencia dos lumes forestais é incompleta, está fracturada e non ofrece unha visión de conxunto sobre a problemática dos incendios. Fronte as eivas na transparencia deste tipo de información pública nace o proxecto "España en llamas" liderado polo galego Juan Elosua e a Fundación Cidadá Civio. Con esta iniciativa ponse a disposición do público xeral unha ferramenta web que permite consultar datos sobre os incendios forestais da última década, ata agora nos caixóns do Ministerio de Medio ambiente.