Podcast Radio Cerna

O centro comercial Carrefour, instalado desde os anos 90 a escasos 25 metros da bacía, está a realizar obras para a construción dunha gasolineira ás beiras do río Miño. O proxecto conta xa co aval do concello, da Xunta e da confederación hidrográfica Miño-sil; sen embargo, situar unha gasolineira a escasos metros do río non parece unha idea moi sensata segundo varios colectivos que integran a plataforma miño si, gasolineira non. Neste espazo coñeceremos cal pode ser o impacto ambiental do proxecto en execución.

A XXXII edición do Outono fotográfico, por primeira vez, está dedicada a unha temática: "Identidade e alteridade". Máis de 120 exposicións de imaxe están a percorrer todo o país amosando estes dous conceptos desde varios puntos de vista que imos comentar co director do proxecto, Xosé Lois Vázquez.

Escoita neste espazo de Radio Cerna cales foron os acontecemento da actualidade ambiental máis destacados da última semana...

Unha Iniciativa Lexislativa Popular promovida pola Asociación española para a calidade da edificación (ASECE) xa está preto de conseguir as sinaturas suficientes para instar ao Congreso a que debata sobre a necesidade dun marco regulativo que obrigue a auditar o sector eléctrico español e o chamado "Déficit tarifario eléctrico". Por mor deste suposto déficit, todas e todos nós debémoslle ás grandes eléctricas 30.000 millóns de euros. No obstante, ningunha compañía eléctrica ata o momento sufriu unha auditoría que valide esta hipotética débeda pública.

Igaciencia é a Institución Galega da Ciencia e o seu propósito é reivindicar e apostar polo uso do galego nas materias científicas de primaria e secundaria.No Día da Ciencia en galego expuxo algunhas das iniciativas, apoiadas nalgúns casos pola Deputación de Lugo, que se están a desenvolver con esta finalidade e que durante o mes de novembro se poderán ver en Lugo e en Santiago de Compostela.

Coñece as novas máis destacadas da última semana no terreo da ecoloxía en Galiza, neste espazo de Radio Cerna!

Proxecto Ríos e ADEGA veñen de publicar un manual de custodia fluvial co obxectivo de trasladar á sociedade galega algúns mecanismos para poder custodiar ou adoptar un treito de río. O manual está dispoñible para a descarga no web de ADEGA e de Proxecto Ríos.

As 12 industrias máis contaminantes de Galiza duplican a media estatal en contaminación atmosférica. Ramón Varela, experto na materia, analiza cales son as industrias galegas máis contaminantes a partir do Rexistro público de Emisións contaminantes das industrias españolas.

Damos repaso as novas ambientais máis destacadas na última seman en territorio galego. Escóitaas!

ADEGA e a Fundación Eira adquiron un castro na Ulloa para poñer a disposición da aprendizaxe e coñecemento colectivo sobre a preservación e coidado ambiental e patrimonial. O Castro de Remonde pretende ser un referente na formación mediante a Escola Carme Buxán, creada na honra da primeira arqueólogo que catalogou por primeira vez os castros do Deza e que finou recentemente.

Neste espazo abordaremos con Manuel Gago, coordinador do proxecto, en que consistirá esta nova experiencia de posta en valor do noso patrimonio.