Podcast Radio Cerna

No aniversario da creación da Plataforma Sarriana polo Río repasamos cales foron as súas iniciativas, logros e obxectivos na defensa do río Sarria, do seu bosque de ameneiros e do seu patrimonio ligado ao Camiño de Santiago durante 2014. Actualmente está en exposición público un proxecto de modificación do proxecto orixinal do Plan de Encanamento do río Sarria que lle vén dar a razón en moitos aspecto á Plataforma. Analizamos as consecuencias deste proxecto de modificación cun dos membos do movememento cidadán de Sarria na defensa do río. Alén disto, o vindeiro sábado, o colectivo recibirá o Premio Osíxeno 2014, outorgado por ADEGA.

ADEGA falla os premios Osíxeno e Dioxina 2014 e conta neste programa cales foron os motivos que fan merecedores aos galardoados dos seus premios, que son un recoñecemento simbólico á mellor e á peor actuación ambiental do ano. Os elixidos son....

Coñece con nós, a través deste espazo de Radio Cerna, o resumo das novas ambientais máis destacadas da última semana...

Varios colectivos ecoloxistas denuncia o proxecto de construción dun paseo fluvial ás beiras do río Mandeo de camiño ao Campo dos Caneiros. Consideran que o proxecto promovido polo concello de Betanzos e a Deputación da Coruña obvia o impacto ambiental nunha zona de Rede Natura, con treitos inundables e espazos de canaveiras. Así mesmo propoñer a reformulación do proxecto e alternativas que minimizan as actuacións, o impacto, e o custo económico da actuación.

O Proxecto ARGA (Arquitecturas Rehabilitadas de Galicia) nace co propósito de inventariar todos os edificios galegos que sufriron algún tipo de rehabilitación, nomeadamente, aqueles que forman parte do patrimonio público. Neste espazo falamos coa súa promotora, Alberta Lorenzo, doutora en arquitectura e especialista en accións de rehabilitación, para coñecer a fondo a plataforma dixital creada para tal fin.

Neste primeiro boletín informativo ambiental de Radio Cerna deste 2015, repasamos a actualidade máis relevante da última semana no eido ambiental galego.

Radio Cerna fai repaso do ano 2014 no eido ambiental galego. Neste espazo recóllense algúns dos feitos e temáticas máis relevantes deste ano no panorama ecoloxista ou medioambiental galego a través da voz das persoas protagonistas. Non o perdas!!

Hifas da Terra presenta o seu proxecto empresarial e tamén o seu modelo ideal de bosque de castiñeiros ou souto. Esta empresa dedicada desde hai 13 anos fundamentalmente á investigación de fungos e das súas aplicacións na alimentación, na saúde, e na micorrización das plantas, dá emprego a 40 persoas, a maioría cualificadas. Unha das súas liñas de traballo actual é a de extender como alternativa de futuro o seu modelo de souto multifuncional.

Posada Marrón Glaçé é unha empresa referente na transformación e venda da castaña galega e tamén é un modelo como iniciativa emprendedora e que aproveita os recursos naturais de forma sostible. Neste espazo imos coñecela da man da súa xerente María Posada, filla do recentemente finado Xosé Posada, creador desta aventura empresarial que conserva moi boas expectativas de futuro.

A Indicación xeográfica Castaña de Galicia pon en valor a tradición, o prestixio, a historia e a calidade da castaña galega. No noso territorio temos máis de 69.000 hectáreas de castiñeiros, que representan máis do 58% da castaña do Estado, o que implica unha importante fonte de recursos para o noso territorio; sen embargo, falta man de obra no rural para abastecer á industria galega da castaña. Manuel López, secretario da Indicación Xeográfica Protexida Castaña de Galicia, menciona algunhas das razóns que motivan esta situación e debuxa o escenario actual do mercado e das saídas deste produto galego.