Podcast Radio Cerna

Neste espazo escoitaremos as reflexións do Catedrático de Análise Xeográfica Rexional da USC, Rubén Lois, sobre como evolucionou o ordenamento territorial de Galiza nas últimas décadas. Tamén indicará algunhas das claves que, desde a súa perspectiva de especialista, se deben de ter en conta á hora de ordear o territorio e que, sen embargo, se desbotaron.

Repasa con nós as novas da actualidade ambiental máis sonadas. Aquí en Radio Cerna!

Nos últimos 35 anos, a poboación galega evolucionou cara a unha poboación estable, pero estudos do CSIC constatan certas particularidades na súa evolución que non se observan noutras poboacións de Europa. Neste espazo, a científica Mª Dolores Puga, revelará cales son esas "rarezas" da demografía galega, e como estas deberan servir para deseñar novas políticas territoriais, sociais e económicas.

O Instituto de Estudos chairegos, o Instituto Basanta e a Área de Cultura da Deputación de Lugo veñen de inaugurar a mostra "Escritos na floresta. Árbores senlleiras na cultura chairega", obra de Ricardo Polín, que tenta expresar os distintos significados que se deben preservar das árbores singulares da Terra Chá. Unha exposición itinerante que comeza o seu percorrido en Vilalba e que discorrerá por distintas localidades galegas co obxectivo de poñer en valor estes importantes bens patrimoniais e naturais que forman parte da nosa historia e da nosa memoria como Pobo.

Repasamos a actualidade ambiental máis recente neste spazo de Radio CERNA!

ANABAM vén de realizar un estudo sobre a nidificación das gaivotas no Baixo Miño, co gallo de saber se a poboación de gaivotas aumentou na comarca, cales son os lugares de aniñamento, se a nidificación inflúe no incremento da poboación e que medidas se poden desenvolver para evitar o maltrato das aves que aniñan nos tellados dos núcleos urbanos.

Coñece as novas ambientais máis destacadas da última semana aquí en Radio Cerna!

San Sadurniño será o primeiro concello galego en experimentar coa recollida de lixo porta a porta, coa colaboración de ADEGA. O obxectivo é conseguir recuperar o 80% do lixo dunhas 50 vivendas, fronte o 9,7% que consegue recuperar Sogama. A experiencia comezarase a desenvolver este mes, e se consegue os resultados agardados o concello prevé extender o sistema por todo o municipio.

Gas Natural-Fenos e os veciños afectados pola liña de alta tensión que cruzaría unha das fragas de Catasós (Lalín) non dan chegado a acordo. Están en xogo 2.000 árbores que se virían abaixo de manterse o trazado proposto por Fenosa. A plataforma que se opón a esta salvaxe deforestación, Salvemos Catasós, pide que se soterre a liña eléctrica e que Fenosa non comece os traballos ata que non se chegue a un acordo.

Escoita este espazo informativo no que se resumen as novas de actualidade da última semana relativas ao ambiente e á ecoloxía de Galiza.