Podcast Radio Cerna

Neste espazo coñeceremos o comedor ecolóxico da Escola municipal da Coruña A Caracola. É unha experiencia de referencia en Galiza de alimentación saudable e ecolóxica para os máis pequenos. Tras 5 anos de traxectoria, o seu modelo de alimentación e educación consegue espertar a curiosidade das nais e pais máis preocupados pola alimentación das súas crianzas. Explicaranos en que consiste a directora da Caracola, Beatriz Ferreira.

Charlas, obradoiros, talleres, ecoauditorías e outras actividades forman parte do programa de ADEGA "O lixo desde o teu concello" para concienciar á poboación do Barbanza na xestión sostible do lixo. O programa, que xa comezou, desenvolverase durante todo o ano 2015 tanto a través dos concellos como de entidades culturais, ambientais, educativas, etc.

Recollemos neste espazo a visión da Asociación socio-cultura O Iribio, participante no I Encontro "Mobilización social na defensa do patrimonio" organizado por ADEGA, sobre o impacto da actividade mineira no Patrimonio de Triacastela, así como nos recursos de vida dos seus habitantes. Tamén dá conta da difícil situación na que se atopa arestora a preservación da Cova de Eirós.

Escoita as novidades máis relevantes do panorama ambiental galego a través deste espazo de Radio Cerna!

Mariñapatrimonio fixo un repaso da súa historia e dos pasos que deu nos últimos anos para defender moitos dos elementos patrimoniais desta comarca litoral da provincia de Lugo. A súa experiencia é un exemplo de como a sociedade civil se pode especializar na posta en valor dos bens culturais e ambientais comúns. O colectivo participou no I Encontro "Mobilización social en defensa do Patrimonio" celebrado por ADEGA recentemente.

Defender o Patrimonio pode contribuír a cohesionar a sociedade, favorecer a identidade e ofrecer unha oportunidade máis de desenvolvemento sustentable. No espazo Cerna de hoxe analizamos as vantaxes do Patrimonio e da súa reivindicación para a sociedade e o ambiente da man do profesor universitario Ricardo García Mira. A súa intervención tivo lugar no I Encontro "Mobilización social na defensa do patrimonio" organizado por ADEGA o pasado 16 de xaneiro.

Descubre con Radio Cerna cales foron as novidades no panorama informativo ambiental de Galiza, nos últimos días!

ADEGA estrea unha nova delegación na provincia de Ourense que atenderá aos concellos de Monterrei, Laza, Verín, Castrelo, Oimbra, Riós, Vilardevós e Cualedro. ADEGA-Monterrei acolle a persoas sensible coas problemáticas ambientais destes concellos, cos ríos e cos espazos naturais da comarca. A defensa do Támega será un dos focos principais do seu traballo, pero haberá outos que coñecemos coa presidenta da delegación, Carmen García.

Hoxe en Radio Cerna damos conta dunha mala noticia, a despedida da organización ecoloxista da comarca do Ribeiro, Coto do Frade. Repasamos a traxectoria desta organización e coñecemos os motivos do seu adeus.

Coñece con nós cales foron as novidades desta semana na actualidade galega ambiental!