Podcast Radio Cerna

O biólogo e membro do CSIC, Alberto Fernández Gil, a través da súa tese sobre o comportamento dos grades carnívoros na Cordilleira Cantábrica, pon de relevancia algunhas consecuencias paradóxicas do modelo de xestión do lobo que se está a seguir en Asturias. Conclúe que o control da poboación de lobos, mesmo pode intensificar os ataques ao gando e que as súas poboacións poden verse fortemente alteradas por causas sociolóxicas alleas á especie.

Escoita cales foron as novas ambientais de Galiza máis destacadas da semana... Non quedes coa dúbida!

Preto de 2 millóns de euros en indemnizacións ten que pagar a Xunta por aprobar proxectos de acuicultura en espazos de Rede Natura. Unha recente sentenza do Tribunal Supremo obriga á Xunta a indemnizar a Pescanova con case 1 millón de euros polos prexuízos xerados ao dar luz verde a un proxecto ilegal en Cabo Touriñán, espazo de Rede Natura. Este é a segunda vez que a Xustiza bota abaixo unha planta de acuicultura nun espazo protexido, logo de que en 2012 tamén deixase sen efecto o proxecto acuícola de Acuinor, en Rinlo (Ribadeo). A asociación ecoloxista ADEGA advirte que pese a estes precedentes, o goberno de Núñez Feijóo segue teimando en permitir este tipo de instalacións en áreas de máxima protección ambiental, algo que apagamos pagando todos.

A participación da sociedade galega na planificación dos terreos forestais non existe ou non funciona. Así de claro o expresa na súa tese doutoral o enxeñeiro de montes Xabier Bruña quen propón unha nova metodoloxía de participacíon na que os sectores sociais teñan máis presenza e decisión sobre o que se vaia facer nos terreos forestais. Pasar dunha planificación vertical, onde a Administración é quen ordea, a unha planificación horizontal, onde funciona de intermediaria, conleva tamén unha serie de vantaxes que coñecemos co autor da tese.

Escoita cales foron as novas máis destacadas na actualidade ambiental de Galiza, na última semana, a través deste boletín informativo ambiental que che ofrece Radio CERNA!

Pese á renuncia anunciada de Gas Natural-Fenosa de instalar no espazo de Rede Natura de Cabo Vilán unhas baterías de almacenamento de enerxía eólica, ADEGA denuncia o proxecto na Comisión Europea polo seu potencial contaminante. O colectivo ecoloxista critica que o proxeto non conte coa preceptiva avaliación de impacto ambiental e considera que a autorización da Xunta para desenvolver deste proxecto nun espazo protexido é ilegal.

Desde 2013, Galiza existen dúas experiencias de "santuarios animais", refuxios de animais que son respectados e tratados desde a filosofía antiespecista e veganista. Hoxe, en Radio CERNA, coñecemos a experiencia do Santuario animal de Vacaloura de Santiago de Compostela.

Será o vindeiro sábado 21 de febreiro na Casa do Peixe do barrio compostelán do Sar. ABEIRO e ADEGA organizan a primeira xornada sobre maltrato animal onde convidan a reflexionar sobre o actual repunte de casos de maltrato animal nesta área de Santiago e, en xeral, sobre as medidas a adoptar contra este tipo de delitos. No encontro participarán grande parte dos colectivos galegos cuxa principal misión é a defensa animal. A xornada completarase cunha concentración por "Calcetíns" e un obradoiro de cociña vegana.

O estado de saúde dos ríos galegos empeora, segundo o informe anual de Proxecto Ríos para o ano 2014. Este documento analiza os resultados das inspeccións de ríos feitas por persoas voluntarias nas campañas de primavera e outono. Nestas inspeccións avalíanse varios parámetros de saúde dos efluentes: calidade das augas, do hábitat, da ribeira, etc. Coñece en que estado se atopan con Proxecto Ríos e ADEGA neste espazo de Radio Cerna!

Escoita o repaso das novas ambientais de Galiza máis resaltables desta semana. Non o perdas!