Alba Cid preséntanos unha novidade de Apiario: ‘Darbo’, de Pablo Otero, é un réquiem delicado e velado que observa as modulacións da luz. A chegada de Pablo á poesía “para adultos”, que nos remite a unha escenografía mínima e humilde, con gran protagonismo do mar. Unha lectura entre o terrenal e o onírico.

Oriana Méndez, coa súa obra 'O corazón pronúnciase extenso', gañou o V Premio de Poesía Rosalía de Castro do Concello de Padrón. É unha nova lectura que recupera Alba Cid.

Que son o Colectivo Maiakovski? A produción poética por parte de colectivos é xa recorrente en todo o mundo. En Galicia son de sobre coñecidos Rompente; e agora chega o Colectivo Maiakovski con este volume, 'Intimidación', publicado por Xerais e do que dá conta Alba Cid.

Polo Día das Escritoras, Alba Cid mergúllanos en ‘Notas sobre a extinción’, o poemario de Marta Dacosta. “Versos que nos convidan a deternos, a reparar nas belezas pequenas. Dacosta insiste na contemplación da paisaxe a través das palabras.”

Alba Cid, na súa colaboración de poesía, comenta unha novidade en tradución ao galego: ‘Lume branco’, poemas de Antonia Pozzi, nunha escolma e tradución de Lara Dopazo para Rinoceronte.

Alba Cid achéganos o variopinto universo poético de María Lado e Lucía Aldao, o dúo Aldaolado, a través do seu poemario ‘Ninguén morreu de ler poesía’.

No comentario de Alba Cid sobre poesía: Anxo Angueira publicou 'O valo de Manselle' hai 25 anos. Uns poemas que agora recuperan desde Apiario na súa colección Cera Labrada.

Alba Cid comenta ‘Poesía (modelo para romper)’, de Amauta Castro. Un auténtico libro obxecto con 72 poemas a modo de instrucións.

Alba Cid afonda en 'Gramo Stendhal' (Apiario), o poemario individual de María Lado.

'Nenas medrando’, de Silvia García, e editado por Chan da pólvora, é un álbum fotográfico onde a súa voz se funde coa memoria allea para construír un libro arredor da conciencia do corpo, das sensacións, dos procesos de maduración e mesmo dos recordos que aparecen cando asistimos como nais ao crecemento dunha nena. Un comentario da nosa colaboradora Alba Cid.