الحلقه دى بتكلم عن أن المهاره فى الشغل الطبى 🧑‍⚕️🧑‍⚕️

و الشطاره فى الدراسه من الاول ملهاش علاقه بالحب زى ما ناس كتير 🥴🥴بتفتكر ولا زى ما إحنا كنا متخيلين

والحب والشغف مش صح يكونوا أساس اختيارنا لدراسه أو لشغل

فى الحلقه دى واللي بعدها هاقطع تماما علاقه الحب والشغف بالدراسه 🙅🙅وبالشغل

فكره الحلقه من جمله اندى موراى

"I never even like tennis anyways" 🎾🎾

اللى كتبها على توتير بعد اعتزاله

صفحه من مذكراتى كتبت فيها عن احتياجى الشديد لأى عابر سبيل ينصحنى ويخرجنى من بوتقه العزله ويفوقنى على أن العالم مش مكان مثالى

الحلقه دى بسجل فيها المواقف المبهجه واللحظات السعيده اللى بتحصل جوه الشغل واللى طلعت كتير بالمناسبه وتأثيرها عميق وكبير واتضح انها هى اللى بتهون علينا وهى الوقود اللى مخلينا مستحملين ومكملين فى الشغلانه دى بقالنا سنين

فى الحلقه دى بتكلم عن صفه التجاهل ومميزاتها😎 لأن التجاهل نعمه 😇

**الصفه اللى بيتميز بيها الناس الناجحين والسعداء فى الوقت نفسه 🤩😇

تجاهل الاحداث والمواقف والشخصيات👏 والمنغصات اللى بتحصل بشكل يومى

وتجاهل الاخبار الكثيرة اللى مش من مصادر موثوق فيها 🎧🎙️

وتجاهل الماضى بكل صوره وقصصه اللى مبقاش ليها لازمه والافكار القديمه الغلط اللى كنا واخدينها عن نفسنا واللى بتمنع الواحد عنه انه ينجح ويتطور ويغير من نفسه 🆓🆓

تجاهل المواقف الكتيره اللى بتحصل جوه الشغل واللى لازم نكبر دماغنا عنها عشان متأثرش على حياتنا بعد الشغل🕊️🌱

وكل دا عشان نكون احسن وبالنا اهدى واروق ونعرف نستغل وقتنا صح وميضيعش فى حاجات ملهاش لازمه ونندم بعدين 🫡🫡

Episode idea : 10 things happy people choose to ignore Youtube video

photo : Image by

فى الحلقه دى بتكلم عن شويه عادات إيجابية🙋 بدأت اتعلمها و اكتسبها آخر كام سنه والظاهر ان كل عاده كان ليها إيجابيات وفوايد خاصه ولكن بشكل غير مباشر كل عاده أثرت معايا بشكل أعمق من فكره العاده نفسها 😏😏

اتكلمت عن عاده الإمتنان وعاده الكتابه وعادات تانيه كتير 🤗🤗

فى الحلقه دى بتكلم عن متعه وفوايد رياضه المشى 🚶🚶

وجمال بلدى بورسعيد⚓ ✌️🕊️🌍وكل شوارعها ومبانيها وأنها مدينه مهيئه بشكل لا يوصف لممارسه المشى الطويل المفتوح 🌊🌅

وخواطرى المختلفه واللى بفكر فيه وانا ماشيه وأفكار ملهاش علاقه ببعضها 🎙️🎧🆓

الحلقه من نوع الكوميديا السوداء😎 بحكى فيها عن الشغل فى رمضان وانعدام روح رمضان جوه الشغل والاسئله الوجوديه بتاعت كل سنه

وبحكى عن الشغل جوه المستشفى والشفتات اللى ورا بعضها 😕😪

وان رمضان هو الوقت الوحيد اللى مش بحب أكون فيه استرونج انديبندنت 😁

دا غير ال trust issues عند الناس العاديه تجاه الفرق الطبيه والعداء الخفى الغير مبرر

فى الحلقه دى بحكى عن لحظه إنهيار 😪😔كان وصولها حتمى ولكن كان فجائى وأنا جوه الشغل نفسه وعن حاله الطوارئ إللى أعلنتها وأنى لازم أمشى حالا قبل ما ارتكب جريمه 😁😅

ولكن على الجانب الآخر فدا من اكبر الجوانب السلبية للمهنه وهو الضغط والاستنزاف والاسترس إللى بجد بيوصلنا لدرجه إنهيار صعبه ووحشه والأسوأ أنها ساعات بتكون غير متوقعه😢 نتيجه تراكمات الشغل والشفتات إللى ورا بعضها من غير فصل ومن غير وقت مستقطع نلتقط فيه أنفاسنا شويه 😢

فى مرور سريع و محايد على سنه 2023 إللى خلصت وإحنا فى دوامه الحرب والشغل وبدأت سنه جديده وسط الدوامه دى

بحكى سريعا وبحكم العاده مش أكتر عن اخبار سنة 2023 معايا وقد إيه هى كانت سنه صعبه عليا مريت بمواقف صعبه كتير والحمد لله مرت كلها بفضل كرم وستر عظيم من ربنا سبحانه وتعالى

بحكى عن شويه حاجات اتعلمتها 👏🙆

وبحكى عن شوية الكتب إللى لحقت أقرأهم السنه دى 😅

زى صاله اورفانيللى ل أشرف العشماوى

وكتاب غرفة المسافرين ل عزت القمحاوى

كتاب مسافر على الرصيف ل محمود السعدني

كتاب تسكع فى امريكا اللاتينية ل عبد الكريم الشطى

و روايات أجاثا كريستي

وريفيو بسيط واخير عن رواية مكتبة منتصف الليل ل مات هيج

على أية حال سنه جديده وسعيده علينا ويارب النصر والفرج من عندك

و دمتم بألف خير 😍

فى الحلقه دى بحكى حكايه رجوعى للعمل الحكومى بعد انقطاع ست سنين كمتدرب زماله وشغلى حاليا ل دوام كامل وياعالم هيبقى عندى النفس الطويل والصبر انى أكمل ولا لأ 😅😅

لان من وقت ما رجعت وأنا بفتكر ذكريات بتثبت صحه قرارى إللى اخدته انى اكون طبيب حر 👏👏

وبحكى عن مميزات وحلاوه القرار دا🙆🙆

والأسباب اللى خلتينى اخده من الأساس وهى كرهى وامتعاضى من البيروقراطية والروتين العقيم والأطباء المتشربين حب الوظيفه حتى النخاع 🌚🌚