فى الحلقه دى بتكلم عن اهميه الاعتراف بالفشل من وقت للتانى وخاصه فى المراحل اللى بنحس فيها بأمتلاء واننا جبنا اخرها وجابت اخرنا ومبقاش فيه جديد ودخلنا فى روتين ممل

Failure 😭 leads to Learning 🤓which leads toIinnovation🤗 eventually leads to Success 🥳🥳

Photo credit : Image by

ايه اللى يخلى مستشفى كويسه وبيئتها صالحه للشغل وبتخلى الواحد مرتاح نفسيا ومقبل على الشغل بدون ضغوط واسترس 

ومستشفى تانيه بلاك ليست ؟

فى الحلقه بتكلم عن معايير اختيارى لاماكن الشغل من وجهه نظرى وتجاربى الشخصيه

مش هنختلف ان الادراه لازم تكون كويسه ومنصفه وعادله 

وعامود المكان الاساسى الاستشارى والتيم او فريق العمل 

ووجود استراحه للاطباء مقبوله ومريحه 

طبعا متلكمتش عن اهميه توافر الامكانيات والمستلزمات لان دى بيديهات والمفروض تكون متوفره 

فى حلقه البودكاست دى بتكلم عن كتاب "مذكرات طبيب شاب " للكاتب الروسى المتميز  والطبيب سابقا ميخائيل بولكاجوف 

القصص الممتعه والاسلوب الشيق فى الكتابه وحوارات الطبيب الداخليه وصراعاته النفسيه وحروب خارجيه فى الحرب الاهليه والثوره مع حربه الطبيه مع الجهل والفقر والمرض اثناء عمله فى الريف وقت كتابه المذكرات

اللى انتشرت الاول كمقالات وبعد كتير اوى تم تجميعها فى كتاب 

فى الحلقه بتكلم عن كتير تشابهات برغم من مرور اكتر من 100 سنه على كتابه المذكرات دى واللى مثلت بجد تذكره عبور مجانيه عبر الزمن وفرصه انى اعيش من خلال صفحاتها فى زمن وعصر الكاتب

واشوف نفسى ومشاعرى كأنها صوره فى مرايا

الجدير بالذكر ان المذكرات دى معموله مسلسل بطوله دانييل رادكلييف 

فاللى مش هيقرأ الكتاب يسمع الحلقه او يشوف المسلسل 

اهلا بيكم فى عياده الايس موكا 

العياده اللى هسجل فيها الحلقه بعد الشغل او قبله كل فتره وهاتكلم فيها عن فكره قريتها او مرت عليا 

فى الحلقه دى هاتكلم عن فكره الاحترافيه فى التعامل والاسلوب وان قد ايه مهم يكون تركيز المؤسسات الخدميه انها تطور وتحسن من نفسها عشان تقدم خدمه ممتازه لعملائها ودا مهم جدا لينا فى مهنه الطب وفى التعامل مع المرضى من ناحيه الاداره ومن ناحيه التواصل

Welcome to Ice Mocha Clinic at which I'll record some episodes about any recently learned ideas or information 

In this episode I'm talking about Professionalism 

and how much professionalism is an  important skill to learn in medical career regarding communication styles , acting human , being friendly  , improving patient doctor relationship  

Episode source : 

What Does Professionalism Mean to the Physician?  https://www.ncbi.nlm.nih.gov/pmc/articles/PMC3783070/

فى الحلقه دى بتكلم عن مميزات التوزان بين الشغل والحياه ويعنى ايه الانفصال التام بعد الشغل او ال

QUIET QUITTING 

والاراء المعارضه للفكر والترند دا وانه مينفعش مع مهنه الطب فى الاساس

وجمال ومميزات الحياه والوقت بره الشغل 

Episode Resources : 

Quiet Quitting : Are Physicians Dying Inside Bit By Bit ? Or Setting Healthy Boundaries ? https://www.medscape.com/viewarticle/980682

 كشف حساب او الجرد السنوى لسنه 2022

شويه كلام عن الشغل والعلاقات 

فى الحلقه دى من البودكاست بتكلم عن تأثير نيه العطاء والنفع بشكل عام فى نشر العلم 

وان نيه النفع ونقل العلم بيكون معاها بركه الهيه ونور فى زياده فهم و ربط المعلومات 

دا غير النجاح فى الدنيا والاثر الباقى وجبال الحسنات والبقاء بالذكر الطيب والسمعه الكويسه 

كتابه الحلقه دكتوره شروق الطنانى

الاعداد و قراءه النص منه الديب 

Enjoy :) 

Music by Pixabay 

Music by Stockaudios from Pixabay

فى الحلقه دى بتكلم عن حبى لشهر ديسمبر

وفى لحظات الحب والتجلى افتكرت كل الاحداث السعيده وكم التجارب اللى مرت واللى كان بدايتها فى ديسمبر 

واحساسى بامتنان شديد وحب كبير اوى 

شهر الاحلام والامنيات الجديده والاهداف اللى نفسنا نحققها 

شهر المطر والشتا والمغامرات الجميله

Music audios :

Wehyat Alby _Abdelhaleem Hafez وحياه قلبى _عبد الحليم حافظ 

Pixabay : Beautiful Moments

 Winter Mood

Calm Positive downtempo

 Music by Coma-Media from Pixabay

فى الحلقه دى من البودكاست بتكلم عن العقليات المطلوبه عشان نتعملها ونتدرب عليها عشان نتبناها  لغايه ما نتقنها تماما ونستخدمها فى شغلنا 

زى عقليه الفضول وشغف المعرفه وعقليه حب التعلم للابد وعقليه التعليم الذاتى والمذاكره اليوميه والذاكره القويه والتركيز على مهمه واحده والعقليه المعتدله والقويه فى المجمل 

وعقليه عدم التنافس او التنافس بس بحدود وعقليه عدم المقارنه 

وعقليه النضج العاطفى والتحكم بالمشاعر وعقليه التفكير السريع الحكيم وحل المشكلات واتخاذ القرارات

وعقليه العمل تحت ضغط والكفاءه وتقبل اختلاف الاخرين

وعقليه الصبر فى عدم تسرع النتايج والمثابره والاستماته 

وعقليه التنظيم والروتين والمفاضله او التفضيل بين الاختيارات المتعدده 

وعقليه التشجيع الذاتى والنمو والتطور المستمر وتقليد الاشخاص الناجحين المؤثرين والتعلم منهم 

اخيرا عقليه المنظور الايجابى 

Wanna master the game of a medical career ? so, you have to learn and acquire those MENTALITIES 

*Passion for Knowledge & Curiosity  *Love for Life Long Learning * Self Learning *Daily Inputs *Good Memorization *Focus *Modest Mentality *Strong in general Mentality *Limited Competitiveness *Emotional Maturity * No-Comparison *Quick Thinking *Problem Solving *Proper Decision Making *Working under pressure *Competence *Accepting the Difference *Patience as there is no Instant Gratification *Perseverance *Self Discipline *Imitation of role models *Cost-Benefit ratio *Growth Mindset & always improving Mentality *Self rewarding *Positive Perspective 

فى الحلقه دى بتكلم عن أهميه الراحه والنوم بعد الشغل وقد ايه مهمين جدا لأستعاده الطاقه والقدره العقليه والجسديه من جديد

ولكن المعضله الحقيقه والمشكله أننا عمر ما كان عندنا ميعاد أنصراف محدد ومعروف وكتير بنتخطى الوقت دا بساعات عمل كتير أضافيه

بتتحسب علينا مجهود ولكنها عمرها ما بتتحسب اوفر تايم 

ودا اللى بيوقعنا فى معضله اخلاقيه هل نمشى ولا منمشيش 

هل الصح اننا نجى على نفسنا وعلى حدود طاقتنا الجسديه والعقليه ونطبق عدد ساعات زياده بأسباب منطقيه منها مثلا مساعده الزملا ولا لا 

رأى فى الحلقه وامنيتى  اننا نختار نفسنا وصحتنا الجسديه والنفسيه ولكن دا مش اللى تملى بيحصل على ارض الواقع والاغلب اننا وبرضى تام مننا بنفضل فى الشغل وعمرنا ما بنقدر نرفض مساعده حالات او زمايل