ఇంద్రుడు దధీచి మహర్షి వెన్నెముక నుండి ఒక ఆయుధమును తయారు చేసెను.అదియే ఇంద్రుని వజ్రాయుధం.

జడ భరతుడు "ఎంతటి వారైనా కర్మానుభవము అనుభవించుట తప్పదు.నా ప్రారబ్ధ కర్మ క్షయ నిమిత్తము నీ పల్లకిని మోస్తూ నిన్ను సేవించు చుంటిని" అని పలుకగా రాజుకు జ్ఞానోదయం అయ్యెను.

చతురాననుడు ఓ రాజా! నీవు తొంభై తొమ్మిది యజ్ఞములు చేసి ఇంద్రునితో సమానమైనావు. ఇక నూరవ యజ్ఞము చేయవలసిన అవసరం లేదు.అని పృథు చక్రవర్తి తో పలికెను.

శ్రీ మన్నారాయనుడు ధృవునితో వత్సా! నీ అభీష్టము నెరవేరును.సూర్య చంద్రులకు,గ్రహ రాశులకు ఆధారభూతుడవు కాగలవు.నక్షత్ర రూపమున ప్రకాశించెదవు. అని పలికెను.

ఓయీ! వీర భద్రా! దక్ష వాటికను నాశనము చేయుము. నిన్ను ఎవరూ అడ్డగించ లేరు.నీవు నా అంశతో జన్మించితివి.

వరుణుడు హిరన్యాక్షునితో నీతో యుద్ధము చేయుటకు నేను అసమర్థుడను.నీకు సరితూగు విష్ణువును ఎదిరించుము అని పలికెను.

శ్రీ మన్నారాయనుడు జయ విజయులు తో మీరు మూడు జన్మలలో బద్ధ విరోధులుగా జన్మించి, నా చేతిలో చనిపోవుదురు అని పలికెను.

ఒక సమయమున ధర్మ మూర్తియైన యముడు మాండవ్య ముని శాపము వలన పుడమిపై విదురుని గా జన్మించెను.

ఒక సమయమున మాండవ్య ముని శాపం వలన యముడు పుడమి యందు విదురుడు గా జన్మించెను. కావుననే నీతికి, ధర్మానికి,న్యాయానికి మారుపేరు విదురుడు.

యుక్తా యుక్తములు ఆలోచించక పరీక్షిత్తు మహారాజు చనిపోయిన పాము కళేబరమును శమీక మహర్షి మెడలో వేసి హస్తినకు వచ్చెను.