పూర్వ జన్మ మందు భీష్ముడు ప్రభాసుడు అను పేరు గల అష్టమ వసువు.అతడు శాప వశమున శంతన మహారాజు కు దేవవ్రతుండు అను పేర జన్మించెను. అతడే భీష్ముడు.

శుకుడు మహా యోగి. బ్రహ్మ జ్ఞానము కలవాడు. ప్రతి వస్తువు నందును సమత్వ దృష్టి కలవాడు. స్త్రీ పురుష భేదము అతనికి లేదు. పసివానితో సమానుడు.

వ్యాస మహర్షి బ్రహ్మతో! మహాత్మా! వేదములను మహా భారతమును రచించినను నాకు మనశ్శాంతి కలుగలేదు. కావున నాకు మనశ్శాంతి కలుగు మార్గము ఉపదేశించుము అని అన్నాడు.

భాగవత పరమార్థము కేవలము పాండిత్యంతో కానీ,అర్థ తాత్పర్యములచే గానీ బోధపడదు. భక్తి ద్వారా మాత్రమే దానిని దర్శింపనగును.

ఆకాశానికి ఆకాశం, సముద్రానికి సముద్రమే సమానమైనట్లు రామ రావణ యుద్ధానికి రామ రావణ యుద్ధమే సమానమన్నట్లు యుద్ధం సాగుతున్నది.

హనుమంతుడు జీవిస్తే వానర సైన్యం చచ్చినా బతికినట్లే లేదా హనుమ మరణిస్తే అందరం బతికి ఉన్నా చచ్చిన వారితో సమానమే అన్నాడు జాంబవంతుడు.

విభీషణుడు రావణునితో శ్రీ రాముని వంటి మహా వీరునితో యుద్ధం తగదు.అతనిపై ఆగ్రహం తగదు. అది ధర్మానికి ఆటంకం అవుతుంది.

హనుమంతుడు సీతతో అమ్మా! నా వెంట రావడం నీకు ఇష్టం లేకుంటే శ్రీ రాముడు గుర్తించగల ఆనవాలు ఏదైనా ఇవ్వమని అడిగాడు.

ప్రతి వారిలో ఏదో ఒక శక్తి ఉంటుంది. సరైన ప్రేరణ దొరికితే అది వెలికి వస్తుంది.

శ్రీ రామ సుగ్రీవులు అగ్ని సాక్షిగా మిత్రులైనారు. సుగ్రీవుడు రామా! ఈనాడు నీవు నాకు ప్రాణ మిత్రుడవు ఐనావు. ఇప్పటి నుండీ సుఖ దుఃఖాల లో మనం ఒక్కటిగానే ఉందాం అన్నాడు.