Tað finst eingn yvirskipað ætlan, og eingin yvirskipaður umhvørvispolitikkur. Tí er lítið sannlíkt, at vit røkka tí málinum, sum eitt samt løgting setti í 2009. Umhvørvisstovan vil hava búskaparliga stýring og avgjøld og dálkandi orku.

Men landsstýriskvinnan í umhvørvismálum, Sirið Stenberg ætlar ikki at leggja avgjøld á tungolju og aðrar dálkandi orkukeldur. Nú snýr tað seg um at fáa fólk at leggja um til el, og tí skal ravmagn ikki dýrka óneyðuga nógv, sigur hon.

Tað er brot á tagnarskylduna og harvið revsilógina, tá Sjúrður Skaale skrivar eina bók um fullveldissamráðingarnar. Hann var embætismaður hjá fullveldissamgonguni, og hevur í bókini "2000 - tá Føroyar skuldu loysa" almannakunngjørt trúnaðarupplýsingar, og tað er revsivert, siga Bjørn á Heygum advokatur og Annfinn Vitalis Hansen, advokatur.

Bókin avdúkar millum annað, at Sjúrður Skaale lak fullveldisuppritið hjá samgonguni til Dimmalætting í januar 2000 - ein leki, sum Heðin Mortensen annars var settur í samband við.

Tað skal ikki longur eita siðamisbrot, men kynslig brotsverk.

Hesin parturin av revsilógini er týddur til føroyskt, og ásetingarnar, sum eru eisini dagførdar, verða nú viðgjørdar í løgtinginum.

8 av 10 føroyingum siga í eini Gallup-kanning hjá Amnesty Føroya deild, at teir eru tilreiðar at bjóða flóttafólki vælkomin her í Føroyum. Katrin Dam á Neystabø, aðalskrivari í Amnesty Føroya deild heldur, at úrslitini eiga at geva okkum dirvi at viðgera spurningin sakliga og á politiskum stigi. Poul Michelsen, landsstýrismaður sigur, at hann er komin væl áleiðis við fyrireikingunum.

Í dag eru 1000 lesandi á Setrinum - tað er tvífalt so nógv sum í 2011. Fróðskaparsetrið hevur sett sær sum mál, at í 2024 skulu í minsta lagi 1500 fólk lesa á Setrinum.

Tankin er, at lesur ungdómurin í Føroyum, heldur enn í øðrum londum, so eru størri sannlíkindi fyri at tey eisini seta búgv her og gerast partur av føroyska samfelagnum.

Í 2005 varð Sjónvarp Føroya lagt saman við Útvarpi Føroya fyri at styrkja stovnin og skapa synergi, ella samvirkanarárin, og á tann hátt troyta tilfeingið og førleikarnar á stovunum báðum.

Men kringvarpið er ov stýrandi í almenna rúminum, og nú vilja politikarar skilja redaktiónirnar sundur.

Í 2005 varð Sjónvarp Føroya lagt saman við Útvarpi Føroya fyri at styrkja stovnin og skapa synergi, ella samvirkanarárin, og á tann hátt troyta tilfeingið og førleikarnar á stovunum báðum.

Men kringvarpið er ov stýrandi í almenna rúminum, og nú vilja politikarar skilja redaktiónirnar sundur.

Mándagin fer landsstýrismaðurin í vinnumálum at geva sítt ummæli til umsóknirnar frá skandinaviska SAS og skotska Loganair, sum bæði vilja flúgva uppá Føroyar. Eingin sigur segr vera ímóti kapping, men flogrisin SAS fær fleiri at ivast í, um kappingin við Atlantsflog nú eisini verður á jøvnum føti.

Luttakarar: Poul Michelsen og Edmund Joensen