Octavo falangullo de Radio Manoplas nesta ocasión a entrevistada é Maite Garmendia Eguinoa. Vive en Elosu, preto da cidade onde naceu: Vitoria-Gasteiz. Estudou xornalismo mais a súa vida derivou cara o mundo da cooperación internacional, ela é traballadora na Axencia Vasca de Cooperación para o Desenvolvemento - eLankidetza.

Falamos sobre cooperación, traballo grazas ao cal viviu na súa querida Guatemala e coñeceu a realidade de moitos países latinoamericanos.

Maite gusta moito de Galiza, polo momento non fala galego, mais ten en axenda estudalo. Conversamos con ela sobre o euskera, o seu futuro e a importancia da sociedade vasca e das institucións no seu devir.

Pechamos os 25 minutos de conversa coa canción que recomenda Maite: "Latinoamérica” de Calle 13.

Nesta ocasión a muller que fala no micro de Radio Manoplas é Inma Araújo López.

No quinto programa de Radio Manoplas a entrevistada é Aurita González  González. Nada en Sarria pasou a súa infancia en Sober. Logo de casar  aos 19 anos chegaron a Vigo, desde hai varias décadas mora no barrio de  Coia.

Conversamos con ela sobre as loitas veciñais nas que  participou para mellorar as condicións de vida do barrio. Parte desas  resistencias estiveron encamiñadas xunto a outras mulleres na Asociación  de Mulleres Dorna. Aurita fálanos dos inicios do feminismo así como de  dúas mulleres que foron referentes para ela: a súa irmá Manola e Marina.

Pechamos o programa coa súa recomendación musical, Aurita escolle a canción: "Que no se acabe el mundo".

Botádenos unha man espallando o podcast.

No cuarto podcast de Radio Manoplas a entrevistada é Olga Silva Rubín. Conversamos con Olga sobre o que supuxo ser nai dunha filla con parálise cerebral hai máis de catro décadas. Comparte como viviu a crianza dunha filla e un fillo cunha parella que traballaba no mar durante a maioría do ano. Olga fala tamén de como viviron as semanas máis duras do confinamento no seu edificio.

Pechamos o podcast coa recomendación musical de Olga: "Lucía" de Serrat.

+info: http://alicerces.arkipelagos.net

No segundo programa de Radio Manoplas a entrevistada é Susana Pérez  Galán. Veciña de Vigo, mestra no colexio Salesianos e persoa con  moitísimas habilidades para os coidados.

Fala sobre a súa infancia a cabalo entre Canido, Teis e Coia.  Crianzas, pandemia, coidados, drogas e moito máis en pouco máis de 25  minutos de conversa. Pechamos o programa coa súa recomendación musical.  Susana escolle a canción: "Al alba" de Luis Eduardo Aute.

Axudádenos a espallar este programa e lembrade que podedes seguirnos en Ivoox e Archive.

Iniciamos a andaina de Radio Manoplas, podcast quincenal emitido  desde Coia (Vigo). Intéresanos escoitar a persoas que teñen vidas  inspiradoras. Media hora de programa para coñecer as súas historias  contadas por elas mesmas. O peche do programa o pon a canción escollida  pola entrevistada.

Podedes seguirnos na canle de IVOOX (https://www.ivoox.com/podcast-radio-manoplas_sq_f11151742_1.html), en ARCHIVE (https://archive.org/details/@radio_manoplas)  e tamén a través dos chíos da conta de twitter (@radiomanoplas).  Calquera dúbida, comentario ou suxestión non dubidedes en facela a  través do email: [email protected]

No primeiro programa Diego entrevista a Marta Bautista Díaz. Veciña  de Vigo, educadora social que traballa dando clase no ciclo superior de  Integración Social no colexio San José de la Guía.

Falamos sobre a súa infancia en Elgóibar, sobre coidados, sobre  educación social, sobre baile e algunha cousa máis. Pechamos o programa  coa canción que recomenda Marta: "Je veux" de ZAZ.