No programa MUNDO DEPORTIVO de RADIO NOVA Alberto Rodríguez entrevistou a Carlos Pinelas, xogador do Caroi Veteranos. Conversaron sobre a situación do Caroi esta tempada e o esforzo que se fixo para que o club saíra adiante xa que viviron momentos difíciles pola súa posible desaparición.

A nosa compañeira Raquel Touriño achegounos na súa sección OS FOGÓNS DE CERDEDO-COTOBADE a Festa de San Martiño que se celebra mañá 12 de novembro en Borela. Raquel conversou con Celina Ambroa e Mari Carmen Suárez sobre cómo se elaboran os famosos bolos de San Martiño (feitos tan só nesta data) e tamén nos contaron como aprenderon elas a facelos. Ademais destes bolos, os asistentes tamén poderán degustar sardiñas ou castañas de magosto; todo isto de forma gratuíta.

Alberto Rodríguez entrevistou no seu programa MUNDO DEPORTIVO DO VERDUGO-OITAVÉN a Mario Peso, responsable da Escola deFútbol da S.C.D. Pontecaldelas. Durante a conversa foron desgranando a marcha e as vicisitudes dos distintos equipos que compoñen as categorías inferiores do clube.

Falamos con Cristina Quinteiro, voceira da Plataforma Cidadá de Afectados pola PO-234 que teñen convocada para o vindeiro domingo 13 de novembro, a partir das 12:30 h. unha caravana de coches que sairá desde a Casa do Pobo de Laxoso e percorrerá o centro de Ponte Caldelas e regreso ao mesmo punto de saída. Nesta protesta poderá participar todo tipo de vehículos como automóbiles, motocicletas, tractores ou chimpíns e con ela preténdese achegar aos veciños e veciñas a realidade desta estrada.

Entrevista a Carmen Carreiro, presidenta da Asociación de Veciños O Cruceiro da Laxe (Fornelos de Montes) que organizan unha exposición sobre a vida e obra de Manuel Lueiro Rei que se inaugurará mañá venres, a partir das 19:30 horas, no Centro Cultural de Ponte Caldelas, lugar precisamente onde estivo detido como represaliado por mor da Guerra Civil. O acto contará coa presenza do alcalde, Andrés Díaz, e o presidente da Real Academia Galega (RAG), Xesús Alonso Montero, entre outros.

Raquel Touriño adiantounos a axenda da fin de semana con actos que se celebran estes días no concello de Cerdedo-Cotobade entre os que destacan un concerto este venres no local social da Asociación de Mulleres Rurais "La Semilla", asi como a celebración das Festas de San Martiño na parroquia de Borela onde se degustará o saboroso e orixinal Bolo de San Martiño elaborado por mulleres da contorna.

Entrevista a José Antonio López Franco do IES Ponte Caldelas, premio extraordinario da ESO polo seu rendemento académico que lle permitiu colleitar unha nota media que supera o 9,3. Falamos sobre as súas aficcións, capacidade de estudio, vocación de futuro e sobre todo o que rodea a un mozo distinguido pola súa boa cualidade como estudiante.

Entrevistamos a Juan Manuel Carou, xerente do Disco Pub Pocket (Ponte Caldelas) que o vindeiro sábados, a partir das 12:30 da noite ofrecerá un espectáculo de Streapers masculino e feminino ao público que dispoña dunha das 100 entradas que, aproximadamente, distribuirá a partir deste xoves ás 11 da noite. Carou pretende darlle un novo pulo á noite da fin de semana en Ponte Caldelas e o seu local, DISCO PUB POCKET ofrece música de calidade dos anos 70, 80 e 90 e un lugar de encontro para amigos, parellas, etc. para poder falar e tamén bailar. Irá aumentando a oferta de espectáculo a medida que vaian transcurrindo as vindeiras datas.

Falamos con Enrique Vaqueiro, politólogo e especialista en Relacións Internacionais, co fin de analizar como repercutirá a victoria de Donald Trump nas relacións futuras que os Estados Unidos manterá cos colectivos mexicanos, as empresas españolas e europeas e para analizar o fenómeno da súa victoria electoral.

Recibimos a visita no nosos estudios centrais de José Pardo e Marcos Mantecón que están a recoller sinaturas aprol da mellora dos servizos sanitarios e de urxencias na bisbarra do Verdugo-Oitavén e especialmente nos concellos de Ponte Caldelas e A Lama. Reclaman unha maior cobertura horaria nos centros de saúde e nalgunhas especialidades como Pediatría así como a concesión dunha ambulancia na zona para atender casos de emerxencia. Tamén consideraron de interese a creación dunha Agrupación Local de Voluntarios de Protección Civil.