Radio Occitania

L’informacion tombèt lo 4 de decembre. Lo CANOPÉ de Novèla-Aquitània, organisme dependent de l’educacion nacionala per la concepcion e l’edicion de ressorssas pedadogicas, retirèt al Centre d’Animacion Pedagogic occitan (basat a Pau) dos personals ensenhaires mentre qu’aquela estructura foncionava ja dempuèi vint ans amb de mejans redusits. L’anóncia foguèt faita al Conselh Academic de las Lengas Regionalas de l’Acadèmia de Bordèu ont èra presenta Martina Ralu, presidenta d’Òc-Bi que nos donèt qualques detalhs sus aquel afar.

Soutenez-nous sur Patreon et HelloAsso !

Dempuèi 2018 e après una batalha de vint ans, los nèonicotinoïds son enebits dins l’agricultura. Aquela categoria de moleculas an per efèit de desorientar los insèctes pollinisators dont las abelhas en los desorientant. Ont ne son los apicultors tres ans après aquela interdiccion ? De qué son las autras menaças per la profession ? N’avèm parlat amb l’apicultor retirat Denis Sapene que possedís encara d’unes bornats per de venda dirècta.

Soutenez-nous sur Patreon et HelloAsso !

Lo PEN Occitan tira camin. Aquela associacion recampant de poètas, ensagistas e romancièrs occitans co tunha son òbra de regeneracion e de renovèlament de la literatura nòstra en anant descobrir de talents nòus. Foguèt lo cas amb lo libre electronic « Lenga maire » que n’aviam ja parlat a la nòstra antena. Ont n’es lo PEN ? Coma se pòrtan sos projèctes ? N’avèm parlat amb un de sas cavilhas obrièras, la poetessa Maèla Dupon, que nos respondèt dempuèi Montreal ont viu dempuèi maitas annadas.

Soutenez-nous sur Patreon et HelloAsso !

Lo quatòr cubanoccitan « Camille en bal » es de retorn… Entre bal trad e ritmes afro-caribeans, es un son fondamentalament dançant que vos espèra… Coma pel primièr album « Me suis mise en danse » publicat fa quatre ans. Los quatre musicians an besonh de la vòstra ajuda per poder finançar lor opus que ven, previst per la prima de 2024. La cantaira, acordeonista e líder Camille Simeray nos diguèt tot dempuèi Cuba. Disculpen el ruido !

Soutenez-nous sur Patreon et HelloAsso !

En Occitania, se resumís sovent lo XIII a sos clubs màgers, concentrats dins lo departament d’Aude… mas seriá doblidar qu’es per Carcin qu’aquela varianta del rugbi arribèt en cò nòstre. En mai del primièr club de l’Istòria que foguèt lo de Vilanueva d’Òut, en Òut-e-Garona, lo XIII se desvolopèt tanben a Caors dont lo club fondat dins l’aprèp-guèrra existís totjorn. N’avèm parlat amb lo Patric Delmas, ancian responsable de la rubrica espòrts del quotidian « Le Petit Bleu » d’Agen, que viu ara pel parçan de Caors. 

Soutenez-nous sur Patreon et HelloAsso !

Un concors poëtic e musical vièlh de mantuns sègles… aquò vos parla ? Volèm parlar del concors dels Jòcs Florals que se debana cada an a Tolosa, jos la direccion de l’Acadèmia del meteis nom e bailejada pel secretari perpetual Philippe Dazet Brun. Es encara temps per vos de mandar de tèxtes o de cançons per aquel concors que los prèmis seràn autrejats a la prima.

Soutenez-nous sur Patreon et HelloAsso !

Farà lèu dètz ans que la marca Macarel a dobèrt sa botiga a la carrièra del Taur, al ras del Capitòli. Totjorn presenta malgrat la crisi sanitària, demòra un punt central pels toristas que se vòlon tornar un sovenir original de Tolosa e en lenga nòstra. Coma cada an, ten lo talhièr al mercat de Nadal installat davant lo Capitòli per s’abenar las diferentas mèrças a las colors occitanas. Quin impacte sus la chifra d’afars ? Quines produits partisson lo mai ? Quin bilanç al cap de 10 ans de preséncia tolosana… Es tota una bateria de questions que nos caliá pausar al Danís Cantornet, fondator de la marca.

Soutenez-nous sur Patreon et HelloAsso !

23 ans après Gladiator, l’actor Joaquim Phoenix torna encarnar un emperaire jos la camerà del realisator Ridley Scott. Sortit lo 22 de novembre, « Napoléon » a per ambicion de mostrar l’ascension del còrse mai famós del monde… Se las errors istoricas (ja constatadas per Gladiator) foguèron ja repertoriadas, demòra ça que la de s’interrogar sus la cara de Napoléon e de la fascinacion qu’exercís encara suls nòstres compatriòtas. N’avèm parlat amb l’istorian Felip Martel que nos donèt primièr son sentiment sus la libertat sovent presa amb l’Istòria al prètz d’una polida istòria.

Soutenez-nous sur Patreon et HelloAsso !

Farà lèu dètz ans que Robert Ménard prenguèt la municipalitat de Besièrs amb lo sosten del Rassemblement National, a l’eissida d’una triangulara amb lo candidat de la dreta Elie Aboud e lo candidat de l’esquèrra Jean-Michel Du Plaa. Tornat elegir confortablament en 2020 (68% de las voses amb 56% d’abstencion) Robert Ménard contunha de far de Besièrs un laboratòri Per l’ideologia seuna. Pendent tot aquel temps, lo documentarista Daniel Kupferstein, installat a Seta sondèt lo sistèma Ménard. Repausa entre autres sus la comunicacion e subretot sul jornal del besierés (Journal du Biterrois) qu’a servit de punt de partença per un enquèsta que pertòca los metòdes del conse de Besièrs. Aquò donèt un film "Béziers, l'envers du décor" produit per AUM films.

Soutenez-nous sur Patreon et HelloAsso !

A París, del 20 al 23 de novembre, se debanèt lo 105en congrès de l’Associacion dels Conses de França (AMF) amb mai de 10 000 participants e 39 debats tocant especialament a las cargas que pesan sus lors espatlas. Dins l’introduccion de sa resolucion generala, l’AMF rapèla que los elegits son preses per cibla, lors mejans d’accion aflaquits e lor libertat travada. Dins la setmana que precediguèt lo congrès, d’elegits de Viena foguèron agarrits dins l’exercici de lors foncions… Lo ministèri de l’Interior a senhalat una augmentacion de 15% d’aquelas agressions respècte a l’an passat. Autre moment esperat a l’eissida del congrès : lo discors del President de la Republica que convidèt los participants a l’Élysée lo 22 de novembre. Demest tot aquel monde, la consola socialista de la comuna bearnesa de Lescar Valérie Revel qu’es tornada amb nosautres sul aquel 105en congrès.

Soutenez-nous sur Patreon et HelloAsso !