Radio Occitania

Bravei gens, soi segur que pensatz totes que la valsa es estada inventada a Vienna en Austria ? Alavètz, es pas completament fals, mas es pas tanpauc sancerament vertadier.

Gatien Marcailhou d'Aimeric, professor de musica de Gabriel Faure e inspirator de Camille Claudel, inventèt la valsa moderna de dançar... E l'òme es sortit de la ciutat d'Acs (Ax les Thermes en frances) al Pais de Fois dins Arieja.

E n'en podi testimoniar, mainatges ai viscut cap a son ostal de familha, i a una quita placa per n'en parlar que le paire ac me mostrèc en tot me diguant "aita amont"

Musica :

https://www.youtube.com/embed/uOAcTBcUiPQ

Soutenez-nous sur Patreon et HelloAsso !

Se prendre un còp de martera per qualqu'un mai, pòt nhafrar lo còr... Se faire folzejar pòt nhafrar, cramar o tuar qualqu'un.

Per tant, l'òme que n'anem parlar uei, se prenguèt lo fólzer 7 còps e i subrevisguèt.

Musica : Corne d'Auròc - L'Auratge

Soutenez-nous sur Patreon et HelloAsso !

Segon la sapiença populara, "Darrier un gran òme, s'amaga totjorn una granda femna".

Lou Andreas-Salomé ela es una femna excepcionala : femna de letras russa, primiera femna psiciatritz, i calia doncas inspirar, endralhar d'autres umans excepcionals. Es atal, qu'inspirèt entre autra un famos poeta austriac, un dels mai gran filosofes alemand moderne e un dels paires de la psicanalisi moderna.

Musica :

https://embed.music.apple.com/fr/album/rimes-f%C3%A9minines/1444065704?i=1444065713

Soutenez-nous sur Patreon et HelloAsso !

David Wark Griffith (1875-1948) es benleu pas lo realisator lo mai conegut al monde. Caquela, ten a son actiu 400 corts-metratges en 5 ans, fasguèt evoluir las tecnicas d'escrituras d'escenaris per fins de fargar la primieras produccions gròssas del cinema american. Es tanben el que montèt l'United Artist amb Mary Pickford, Douglas Fairbanks e... Charlie Chaplin per fins de contrarotlar mielh la moneda sortida dels films.

E subretot, foguèt el que se diguèt que lo climat de Califòrnia era plan per rodar filmes e qu'instalèt estudiòs suls pueches de Los Angeles, al luòc dich "Hollywood".

Musica :

https://embed.music.apple.com/fr/album/hollywood-is-high/408172691?i=408172804

Soutenez-nous sur Patreon et HelloAsso !

21 d'abril de 1982, pr'amor que The Clash van faire espelir dins pas gaire l'album "Combat Rock", lo lor cantaire/guitarrista/ fondator Joe Strummer s'es anat pausar amb sa calinhaira a Paris.

Foguèt l'escasença per el de correr lo Maraton de Paris amb una preparacion un drin especiala : pas brica d'apracticament e molon de cervesas.

Musica :

https://embed.music.apple.com/fr/album/rock-the-casbah/685585931?i=685585942

Soutenez-nous sur Patreon et HelloAsso !

Robert Todd Lincoln, filh ainat d'Abraham Lincoln fasguèt una polida carrièra de diplomata, de cap d'entrepresa e tanben dins la politica. Ca que la, òm se pòt demandar se portava pas malastre als locataris de l'Ostal Blanc. Cal diser qu'era present a la mòrt de 3 presidents...

Musica : Lo Còr de l'Escabòt - Lo Desertor

Soutenez-nous sur Patreon et HelloAsso !

Lo laboratòri DIPRALANG-EA739 de l’Universitat Paul-Valéry e la DGLFLF co-financèron lo projècte "ECO-OC". Dins aquel encastre, una enquèsta titolada « L’occitan fàcia al mercat » foguèt menada. Son objectiu : faire un estat dels lòcs de la preseéncia de la lenga e de la cultura occitanas dins lo monde del negòci entre 2017 e 2020. Las resultas d'aquela enquèsta foguèron publicadas dins un libre (Carmen Alén Garabato e Henry Boyer "Le marché et la langue occitane au XXIè siècle", Lambert Lucas, 2020) amb l'ajuda del CIRDOC. Avèm devisat de sas conclusions amb la sòciolingüista clapassenca Carmen Alén Garabato co-autora de l'enquêta. (entrevista realisada lo 25 de febrièr). 

Soutenez-nous sur Patreon et HelloAsso !

Es l'istòria d'un estudiant en astrofisica, que bota dins lo granier de l'ostal familhal  de Surrey en 1974 "Velocitat radiala dins la nivola de posca zodiacala", tèsi de 48.000 mots per agantar la "Red Special", guitarra qu'avia creada amb l'ajuda del paire 11 ans abanç.

O a l'ara es l'istòria del guitarrista d'una de las mai bèlas còlas de ròck al monde, que 33 ans puèi, en 2007, decida de jostener sa tèsi d'astrofisica en doas setmanas.

O benleu son los dos...Breu, auei parlem Astrofisica e... Rock'n'Roll

Musica :

https://embed.music.apple.com/fr/album/fat-bottomed-girls/1440821736?i=1440822103

Soutenez-nous sur Patreon et HelloAsso !

Lo 21 de julhet de1969  2 oras 56 minutas e 20 secondas (UTC) Neil Armstong davala d'Apollo 11e dabanç milions de telespectators, per venir lo primier òme de pausar lo pè sus la Luna.

Segon bruches de corredors, amplificats per la marrida qualitat de la difusion, aprep aguer prononciar lo famos "« That's one small step for [a] man, one giant leap for mankind », Armstrong auria dich "And Good Luck Mr Gorky"... 

Qu'un es aquel "Mr Gorsky", amb un tal nom d'ostal benleu un espion del KGB... O a l'ara era un mot de santa clara per assabentar lo FBI de la presencia de vida sus la Luna ?

Legenda urbana o galejada, vos contam aici l'istòria d'aquel afar... Qu'es mens complicat e complotista qu'òm podria pensar.

Musica :

https://embed.music.apple.com/fr/album/dancing-in-the-moonlight/1444112056?i=1444112623

Soutenez-nous sur Patreon et HelloAsso !

Après l’Ussard sus lo Tèit en 2018, las associacions Conta’m e Pixel’òc se tornan atacar a la filmografia de Jean-Paul Rappeneau… e aqueste còp es son òbra màger. Lo primièr d’abril poiretz dispausar d’una version occitana de son adaptacion de la pèça Cirano de Brageirac d’Edmond Rostand. Pasmens, doblar los cabdèts de Gasconha dins lor lenga d’origina e en vèrs es una entrepresa ardida… son pas los que son en carga de l’adaptacion dels dialògues en lenga nòstra que dira lo contrari. Demest eles, lo bearnés Sèrgi Javaloyès.

Soutenez-nous sur Patreon et HelloAsso !