Radio Occitania

Es totjorn interessant de veire quin agach pòrtan los cercaires estrangièrs sus Occitania. Es sovent per la lingüistica o la literatura que se tròban la pòrta d’entrada dins la cultura nòstra… mas çò segur es que nos permeton de beneficiar d’un agach puslèu fresc e desbarassat del pes de la minoracion de l'occitan sus son airòl d’expression. Avèm doncas fait coneissença amb Wendy Pfeffer, cercaira en literaturas ancianas francesa e occitana als Estats-Units que nos contèt sa passion per la literatura classica nòstra.

Soutenez-nous sur Patreon et HelloAsso !

Fraternitat… escrivi ton nom. Es atal que se poiriá resumir lo manifèst « Liberté, Egalité et ? » escrit per Marie Trellu-Kane. Per la presidenta e fondatritz d’Unis-Cité, associacion pionièra e expèrta en servici civic, s’agís d’instituir un novèl servici nacional que responda plenament al besonh de solidaritat de la societat e a la volontat d’engatjament de la joventut. E se deman, coma o desirèt Emmanuel Macron al començament de la presidéncia francesa de l’Union europèa, s’instaurava un servici civic a l’escala europèa ? N’avèm devisat amb l'autora del manifèst. 

Soutenez-nous sur Patreon et HelloAsso !