Radio Itahuka

1.Tariki ya 25.09.2021 Therwandan yanditse inkuru ivuga ko mu Bubiligi abanyapolitiki barimo kotsa igitutu Leta ngo ihagarikire inkunga u Rwanda kubera urubanza rwa Rusesabagina.  Turabasomera iyo nkuru yandittswe n’uwitwa  Arnold Gakuba.

2.Prezida wa Angola aranengwa gukoresha miliyari 4 frws cyumweru kimwe  mu rugendo yakoreye muri USA agiye mu nama rusange y’umuryango w’abibumbye 2021. Ibinyamakuru bya Kaga nabyo byasanze iri sesagura ridasanzwe bihitamo kuryandikaho.  Igitangaje ariko ni uko batigeze banenga ingendo za Kagame hafi 50 mu mwaka zigatwara akayabo kabarirwa muli miliyari 17 frws( 2018).

3.Gahunda yo kutazatora  ishyaka ritabakemurira ibibazo, bumwe mu bruyo bwo kotsa igitutu abahinzi bo mu Buhindi bahisemo ngo ikibazo cyabo Leta ikiteho. Hamaze iminsi hatambuka inkuru ivuga ko ishyaka lili ku butegetsi mu Buhinde rya Narendra Modi ryafashe icyemezo cyo gushinguka mu byo kugena igiciro cy’ibanze umuceri n’ingano abaguzi batagomba kujya munsi (Minimum Support Price muli system yitwa mandi) Ibi ngo byafashaga abahinzi ( 70% ) kudahendwa n’abacuruzi kandi bagahororana igiciro ku musaruro wabo cyizewe gihoraho.

3.Muri uyu mwaka hagaragaye ko abantu leta yita ko bari mu bukene bukabije irihira mutuelle, bazamutse bakava kuli 1.480.000 bakagera kuli 2.500.000. Igihe .com cyo cyariherereye kitwandikira  inkuru  ivuga ko hari abaturage  40.000 bavuye mu bukene amazina yabo yakuwe mu bafashwa na VUP (igihe.com 19.09.2021) Uwayisoma atazi umubare w’abaguye mu bukene kubera covid 19 n’izindi gahunda za leta zirimo imisanzu, imisoro, ibiciro bihanitse, bituma abaturage barenga miliyoni imwe baraguye mu bukene, yagirango koko mwaka ushize ubukene bwaragabanutse.

Me Valentin Akayezu : Ikiganiro Ubucamanza n’Amategeko "Imbabazi za Prezida"

Intego y'ikiganiniro Gufasha Abanyarwanda gusobanukirwa n’amategeko abagenga, cyane cyane hagaragazwa inenge ziyabonekamo, arizo ntandaro y’ihutazwa ry’uburenganzira n’ubwisanzure by’Abanyarwanda. Hazibandwaho kandi kugaragaza imikorere y’inzego z’ubucamanza mu kuba inkingi iryo hutazwa rishingiraho.

Tubanje kubasuhuza bakunzi ba Radio Itahuka, kandi twizera ko aho muri hose hirya no hino ku Isi Nyagasani akomeje kuba mu ruhande rwanyu.

Mu kiganiro Igihe ni iki cy'uyu mugoroba turaza kugaruka ku ngingo ebyiri zkurikira:

1)Turareba ikibazo cy'inkundura ya za Coups d'Etat zagarutse muri Afurika, turebe imizi yazo, tunanibaze niba aho bucyera bidashobora no kuzagera mu gihugu cyacu mu Rwanda. Ese hari igihe Coups d'Etat zishobora kuba igisubizo iyo abaturage basumbirijwe n'akarengane? Ese Perezida Kagame abitekerezaho iki?  

2) Perezida Kagame muri Mozambique yagaragaye yambaye impuzangano za gisirikare , ibintu bikoze amateka mabi cyane atazibagirana, aho yitwaye nkaho ariwe mugaba w'ingabo za Mozambique. ibi abantu benshi bakaba babikomojeho ku mbuga nkoranyambaga. turaza kurebera hamwe icyo bishyushanya.

Turaza kubaha ijambo namwe mutubwire icyo mubitekerezaho.

Ikaze kuri Radio yanyu.

🔴FARG KUYIJYANA MURI MINISTERI BIZATUMA IREKA IVANGURA RYAYO RYABAYE KARANDE ?

1.FARG hari benshi bishimiye ko yavuyeho, nyamara ntibazi ko niba idahinduye imikorere ngo yite ku babaye bose itavangura ntakizahinduka.  Kuyimurira muri ministeri y’ubumwe  ntacyo bicyemura. Imikorere ya FARG yambitse ubusa ubutegetsi bwa FPR.

2.Tranparency International Rwanda yagaragaje uruhuri rw’ibibazo  mu bucukuzi bw’amabuye y’agaciro( igihe.com, 22.09.2021). mu bibazo tubona muri iyi nkuru ariko twagiye tubona n’ahandi, mu bakorera abashinwa, mu  byayi, bishobora kuba biri n’ahandi ariko wenda ababifite badatobora ngo bavuge kubera ubwoba, ni ikibazo cyo gukora imyaka nta masezerano y’akazi abantu bafite, ikindi ni uguhembwa intica ntikize,  kutagira ubwishingizi bw’indwara n’ubwitegeanyirize bw’abakozi.

3.Abinjiza imyenda ya caguwa magendu bigeze aho baraswa !  magendu ya caguwa ko yanga ikaba ikibazo bite ? Gahunda ya Kagame yo kwambika abanyarwanda bose imyenda ya Made in Rwanda yaba yarayigezeho?

4.Abatwara amakamyo ngo barategekwa amagaraji y’agatsiko bagomba gukoreshamo contôle technique kugirango imodoka zabo zemererwe gukora ( umuseke 23.09.2021) Mu magaraji y’agatsiko contrôle technique bayitangaho miliyoni 4 mu gihe mu magaraje asanzwe baba basanzwe bayitangaho ibihumbi 500 gusa.

Radio Itahuka

1.Paul Rusesabagina yakatiwe imyaka 25.

2.Sankara yakatiwe imyaka 20 y'igifungo.

3.Ibihugu n'imiryango itandukanye yagize icyo ivuga ku gifungo cya Paul Rusesabagina.

4.Ikiganiro Kagame yagiranye na Fred "Pathway" cyuzuyemo ibinyoma gusa.

5.Ingabo zu Rwanda muri Mozambique zaba zigiye gutaha igitaraganya.

6. Guteza cyamunara imitungo ya Rwigara na Pierre Habumuremyi.

7.Ikipe yu Rwanad ya Volley-ball yirukanwe mw'irushanwa rya Volley-ball kubera uburiganya bwo gukinisha abanyamahanga.

1.Benshi batekerezaga ko u Rwanda rugiye muri Mozambique  kumara yo imyaka dore ko rwari rumaze iminsi rutangaza ko rurimo gucyura impunzi zari zarahunze ahabera imirwano, rusa naho rwinjiye mu gikorwa cyo kugarura amahoro arambye mu karere ivugamo yirukanyemo inyeshyamba.

2. Ikipe y’igihugu ya Volleball y’abakobwa ngo yasezerwe mu marushanwa abera mu Rwanda, u Rwanda na rwo rurahagarikwa. Byose biturutse ku itekinika risigaye rigaragarira  mu nzego zose z’igihugu. Batanze amafranga y’igihugu bagura abakinnyi, mu buryo bunyuranyije amategeko, barafashwe, none bihaye igihugu isura y’amanyanga.

3.Leta y‘u Rwanda yagaragarijwe uruhuri rw’ibibazo bibuza abanyarwanda kwishima.( therwandan .com). bimwe mu bibazo bituma abanyarwanda batishima. Turabasomera inkuru yo muli therwandan.